മസാലയുടെ എരിവും കരിക്കിന്റെ മധുരവും ചേർന്നൊരു കറി ; വിഡിയോ

മസാലയുടെ എരിവും തേങ്ങാപ്പാലിന്റെ മധുരവും ചേർന്ന രുചികരമായ കരിക്ക് പ്രോൺസ് കറി.

ചേരുവകൾ

• പ്രോൺസ് – 200 ഗ്രാം
• ഉഴുന്നു പരിപ്പ്, ചനാ ദാൽ – 2 ടീസ്പൂൺ
• വെളിച്ചെണ്ണ – 2 ടേബിൾസ്പൂൺ
• കടുക് – 1 ടീസ്പൂൺ
• ഉലുവ – 1 ടീസ്പൂൺ
• ജീരകം – 1 ടീസ്പൂൺ
• വെളുത്തുള്ളി – 2 ടീസ്പൂൺ
• ഇഞ്ചി – 1 ടീസ്പൂൺ
• പച്ചമുളക് – 3
• കറിവേപ്പില
• ചെറിയുള്ളി – 8 എണ്ണം
• മഞ്ഞൾപ്പൊടി – 1 ടീസ്പൂൺ
• മല്ലിപ്പൊടി – 2 ടീസ്പൂൺ
• കുരുമുളകുപൊടി – 1 ടീസ്പൂൺ
• ഉപ്പ് – ആവശ്യത്തിന്
• മുളകുപൊടി – ഒന്നര ടീസ്പൂൺ
• തേങ്ങാപ്പാൽ  – 1 കപ്പ്
• തക്കാളി അരച്ചത്
• കരിക്ക് – 30 ഗ്രാം
• കരിക്ക് വെള്ളം – 1 കരിക്കിന്റെ
• മല്ലിയിൽ –  അലങ്കിരിക്കാൻ

തയാറാക്കുന്ന വിധം

• ഒരു ഫ്രൈയിങ് പാനിൽ എണ്ണ ഒഴിച്ച് ചൂടാക്കുക.
• ഇതിലേക്ക് ഉഴുന്നു പരിപ്പ്, ചന ദാൽ, കടുക്, ഉലുവ, ജീരകം, വെളുത്തുള്ളി, ഇഞ്ചി എന്നിവ ചേർത്തു വഴറ്റി എടുക്കാം. ഇതിലേക്ക് പച്ചമുളക് ചേർക്കാം.
• പച്ചമുളക് നിറം മാറി വരുമ്പോൾ കറിവേപ്പില ചേർത്തു യോജിപ്പിക്കാം. ഇതിലേക്ക് ചെറിയ ഉളളി ചേർക്കാം, നന്നായി വഴന്ന ശേഷം മഞ്ഞൾപ്പൊടി, മല്ലിപ്പൊടി, കുരുമുളകുപൊടി എന്നിവ ചേർത്ത് യോജിപ്പിക്കാം.
  
• മസാല മൂത്ത ശേഷം ഉപ്പ് ചേർക്കാം. എരിവ് ആവശ്യമെങ്കിൽ മുളകുപൊടി ഇപ്പോൾ ചേർക്കാം. ഇതിലേക്ക് തക്കാളി അരച്ചത് ചേർത്ത് വേവിക്കാം. കരിക്കിന്റെ വെള്ളവും ഈ സമയത്ത് ചേർത്ത് രണ്ട് മിനിറ്റ് വേവിക്കാം. ശേഷം കരിക്ക് കഷ്ണങ്ങൾ ഇട്ട് അഞ്ചു മിനിറ്റു വേവിക്കാം. ഉപ്പ് ആവശ്യമെങ്കിൽ ചേർക്കാം. തേങ്ങാപ്പാൽ ചേർത്ത് യോജിപ്പിച്ച് രണ്ട് മിനിറ്റ് വയ്ക്കാം.  പ്രോൺസ് ചേർത്ത് 4 മിനിറ്റ് വേവിച്ചാൽ രുചികരമായ കറി റെഡി.
  

English Summary : Spicy and tasty, tender coconut prawns curry blends beautifully with the sweetness of coconut milk.