ഇല്ല, ജീവിതത്തിൽ ഈ മാറ്റം വരുത്തിയാൽ നിങ്ങൾ തളരില്ല! വെറും അര മണിക്കൂർ മതി ; ഇനി ഭാര്യ പറയുന്നത് നിങ്ങൾ കേൾക്കണം

3. ചിട്ടയായ ഉറക്കമാണ് ഏറ്റവും പ്രധാനപ്പെട്ട ഘടകം. എട്ടുമണിക്കൂർ നേരമെങ്കിലും തുടർച്ചയായ ഉറക്കം രാത്രിയിൽ ലഭിക്കുന്നത് തലച്ചോറിന്റെ പ്രവർത്തനങ്ങളെ ഊർജിതമാക്കാൻ സഹായിക്കും. തുടർച്ചയായ, തടസ്സമില്ലാത്ത ഉറക്കം ലഭിക്കുക വഴി പകൽസമയത്ത് നമ്മൾ ചെയ്ത കാര്യങ്ങൾ, വായിച്ച കാര്യങ്ങൾ തലച്ചോറിൽ കൃത്യമായി ഉറയ്ക്കുകയും അത് നമ്മുടെ ഓർമ മെച്ചപ്പെടാൻ സഹായിക്കുകയും ചെയ്യും. പകൽ സമയത്ത് നടത്തുന്ന പ്രവർത്തനങ്ങൾ മൂലം തലച്ചോറിൽ നടക്കുന്ന ചയാപചയ പ്രവർത്തനങ്ങളുടെ ഫലമായി ഉണ്ടാകുന്ന മാലിന്യങ്ങൾ പുറന്തള്ളുന്നത് രാത്രിയിൽ ഉറക്കത്തിന്റെ സമയത്താണ്. ഇതിനും തുടർച്ചയായ ഉറക്കം സഹായകമാണ്. നല്ല ഉറക്കം കിട്ടാൻ വേണ്ടി നമുക്ക് ശീലിക്കാവുന്ന നല്ല മാർഗങ്ങളുണ്ട്. നിദ്രാശുചിത്വ വ്യായാമങ്ങൾ എന്നുപറയും.

∙ കൃത്യമായ സമയത്ത് എന്നും ഉറങ്ങാൻ കിടക്കുക. കൃത്യമായ സമയത്ത് ഉണരുക.

∙ വൈകുന്നേരം 4 മണിക്ക് ശേഷം ചായ, കാപ്പി, കോള തുടങ്ങിയ മസ്തിഷ്ക ഉത്തേജക ഘടകങ്ങൾ അടങ്ങിയിട്ടുള്ള പാനീയങ്ങൾ ഒഴിവാക്കുക.

∙ ഉറങ്ങുന്നതിന് 5 മണിക്കൂർ മുൻപ് സൂര്യപ്രകാശം കൊണ്ട് നല്ല വേഗത്തിൽ നടക്കുന്നതുപോലെ 45 മിനിട്ട് വ്യായാമം ചെയ്യുക.

∙ വ്യായാമം കഴിഞ്ഞുടനെ തണുത്ത െവള്ളത്തിൽ കുളിക്കുക.

∙ കിടക്കുന്നതിന് തൊട്ടുമുമ്പുള്ള ഒരു മണിക്കൂർ മൊബൈൽ ഫോൺ അടക്കമുള്ള ദൃശ്യമാധ്യമങ്ങൾ ഒഴിവാക്കുക.

∙ കിടക്കുന്നതിന് തൊട്ടുമുമ്പായി 25 തവണ ദീർഘ ശ്വസന വ്യായാമങ്ങൾ ചെയ്തിട്ട് ഉറങ്ങുക. കണ്ണുകൾ അടച്ച് ഒരു കസേരയിൽ ഇരുന്ന് ശ്വാസം ഉള്ളിലേക്ക് വലിക്കുകയും വളരെ സാവധാനം പുറത്തേക്ക് വിടുകയും ചെയ്യുന്ന വ്യായാമം കിടക്കാൻ നേരം 25 പ്രാവശ്യം ചെയ്യുക. രാവിലെ എഴുന്നേൽക്കുമ്പോഴും 25 പ്രാവശ്യം ഇത് െചയ്യുക.

∙ ഉറങ്ങാൻ കിടക്കുന്ന സമയം വ്യത്യാസപ്പെടുത്തരുത്. കൃത്യമായ സമയം തന്നെ ഉറങ്ങാൻ കിടക്കുക. കൃത്യമായ സമയത്ത് ഉണരുക.

4. സമ്മർദം മറികടക്കാനുള്ള അടുത്ത വഴി ചിട്ടയായ വ്യായാമമാണ്. ദിവസം 45 മിനിട്ട് എങ്കിലും സൂര്യപ്രകാശംകൊണ്ട് വ്യായാമം ചെയ്യുന്ന ആളുകളുടെ തലച്ചോറിൽ നാലു തരത്തിലുള്ള രാസവസ്തുക്കളുടെ ഉൽപാദനം ഉണ്ടാകും.

5. സമ്മർദം നിയന്ത്രിക്കാനുള്ള അടുത്ത മാർഗം വ്യക്തിബന്ധങ്ങളാണ്. നമ്മുടെ ജീവിതത്തിൽ അഞ്ചുകൂട്ടം സൗഹൃദങ്ങളെങ്കിലും നമുക്കുണ്ടാകണം. തൊഴിലിടങ്ങളിൽ സൗഹൃദമുണ്ടാകണം. അയൽവീടുകളിൽ സൗഹൃദമുണ്ടാകണം. ബന്ധുക്കളുടെ ഇടയിൽ ചില സുഹൃത്തുക്കളുണ്ടാകണം. നമ്മൾ സ്കൂളിൽ പഠിച്ചിരുന്നപ്പോൾ കൂടെ പഠിച്ചിരുന്ന ചില ആളുകളെയെങ്കിലും സുഹൃത്തുക്കളായി നിലനിർത്താം.

കോളജിൽ പഠിച്ചിരുന്ന ചിലരെയും സുഹൃത്തുക്കളായി നിലനിർത്താം. വ്യത്യസ്ത സൗഹൃദ വലയങ്ങൾ തീർച്ചയായിട്ടും നമുക്ക് ഗുണം ചെയ്യും. ജോലി സ്ഥലത്ത് മാത്രമാണ് സുഹൃത്തുക്കൾ ഉള്ളതെങ്കിൽ അവിടെ  ഒരു പ്രശ്നമുണ്ടായി ഈ സുഹൃത്തുക്കൾ നമ്മോട് മിണ്ടാതായാൽ നമ്മുടെ മനസ്സ് വിഷാദഭരിതമാകും. എന്നാൽ അയൽവീട്ടിൽ നല്ല സുഹൃത്തുക്കളുണ്ടെങ്കിൽ അവരോട് സംസാരിച്ചുകഴിയുമ്പോൾ നമ്മുടെ മനസ്സിലെ വിഷാദത്തിന്റെ കാർമേഘങ്ങൾ അകലും. നമ്മളെ നമ്മളായി അംഗീകരിക്കാൻ കഴിയുന്ന ചിലർ ലോകത്തുണ്ടെന്ന തിരിച്ചറിവ് ഉണ്ടാകും. അത് നമ്മെ കൂടുതൽ ഊർജസ്വലരാക്കും.

∙ അടുക്കളപ്പണി എല്ലാവർക്കും ചെയ്യാം

ജോലിചെയ്യുന്ന വനിതകളെ സംബന്ധിച്ചിടത്തോളം ആവശ്യമായ വിശ്രമം കിട്ടാൻ വേണ്ടി ഭർത്താവും മറ്റ് കുടുംബാംഗങ്ങളും സഹകരിക്കേണ്ടതുണ്ട്. ഉദാഹരണത്തിന് പാചകവും വീട്ടുജോലികളുമൊക്കെ പൂർണമായും സ്ത്രീയെ തന്നെ ഏൽപ്പിക്കാതെ അതെല്ലാവരും ചേർന്ന് സഹകരിച്ച് ചെയ്യുകയാണെങ്കിൽ അവരുടെ സമ്മർദം ലഘൂകരിക്കാൻ സാധിക്കും. വീട്ടിലുള്ളവർ എല്ലാവരും കൂടെ ഒരുമിച്ച് ചേർന്ന് സംസാരിച്ചും തമാശകൾ പറഞ്ഞും കഥകൾ പറഞ്ഞും ഉല്ലാസത്തോടെ വീട്ടുജോലികൾ പങ്കിട്ട് ചെയ്യുമ്പോൾ ആ ജോലി ചെയ്യുന്ന പ്രക്രിയ തന്നെ ആസ്വാദ്യകരമാക്കാൻ സാധിക്കും. ആഴ്ചയിൽ ഒരു ദിവസമെങ്കിലും എവിടെയെങ്കിലും വിനോദയാത്ര പോവുക, മാസത്തിൽ ഒരു ദിവസമെങ്കിലും ബന്ധുക്കളെ കാണാൻ അല്ലെങ്കിൽ പഴയ പരിചയക്കാരെ കാണാൻ യാത്ര നടത്തുക തുടങ്ങിയ കാര്യങ്ങളും പ്രധാനപ്പെട്ട കാര്യങ്ങളാണ്.

ജോലി ചെയ്യുന്ന സ്ത്രീ അവരുടെ ഒൗദ്യോഗിക ജീവിതവുമായി ബന്ധപ്പെട്ട പ്രയാസങ്ങൾ പറയുമ്പോൾ അതിനെ അവഗണിച്ചുകൊണ്ട് നീങ്ങുന്നതിന് പകരം ഭർത്താക്കന്മാർ നല്ല ശ്രോതാക്കളായി ഇരിക്കേണ്ടതുണ്ട്. അവരെ പൂർണമായി കേൾക്കേണ്ടതുണ്ട്.  ഔദ്യോഗിക തലത്തിൽ തന്നെ സ്ത്രീകൾക്ക് അനുകൂലമായി നിയമങ്ങൾ ഇന്ന് നിലവിലുണ്ട്. സ്ത്രീകളെ ബുദ്ധിമുട്ടിക്കുകയോ, ലൈംഗികമായി ചൂഷണം ചെയ്യുകയോ ചെയ്യുന്നത് അറിയാൻ സഹായകമായ നിയമങ്ങൾ ഇന്ന് നിലവിലുണ്ട്. ഈ നിയമങ്ങളുടെ സഹായം ഉപയോഗപ്പെടുത്തേണ്ടതും ആവശ്യമാണ്. ഇത്തരം കാര്യങ്ങളിലൊക്കെ കാര്യമായ ബുദ്ധിമുട്ട് ജോലിയുടെ ഭാഗമായി നേരിടേണ്ടി വരുന്നുണ്ടെങ്കിൽ സ്ത്രീകൾക്ക് നിയമ സഹായം ലഭിക്കാൻ വേണ്ടി ഭർത്താവും കുടുംബാംഗങ്ങളും വേണ്ട പിന്തുണ കൊടുക്കേണ്ടത് അത്യാവശ്യമാണ്.

∙ വിഷാദത്തിലേക്ക് പോകുന്നുണ്ടോ, ശ്രദ്ധിക്കണം

സമ്മർദത്തിന് അടിപ്പെടുന്ന വ്യക്തി വിഷാദ രോഗത്തിലേക്ക് പോകുന്നുണ്ടോ എന്ന് തിരിച്ചറിയേണ്ടത് അത്യാവശ്യമാണ്. തനിക്കോ അല്ലെങ്കിൽ തന്റെ കുടുംബാംഗങ്ങൾക്കോ, സഹപ്രവർത്തകർക്കോ വിഷാദ രോഗമുണ്ടോ എന്ന് തിരിച്ചറിയാൻ 9 ലക്ഷണങ്ങളാണ് ഉള്ളത്.

ഈ 9 ലക്ഷണങ്ങളിൽ അഞ്ച് ലക്ഷണമെങ്കിലും തുടർച്ചയായി നീണ്ടുനിന്നാൽ അത് ചികിത്സ ആവശ്യമുള്ള വിഷാദരോഗമാണ്. വിഷാദ രോഗമുള്ളവരുടെ തലച്ചോറിലെ ചില രാസവസ്തുക്കളുടെ അളവ് ക്രമം തെറ്റിക്കിടക്കുകയായിരിക്കും. അത് ക്രമീകരിക്കാനുള്ള മരുന്നുകളും ചിന്തകളുടെ വൈകല്യങ്ങൾ പരിഹരിക്കാനുള്ള മനഃശാസ്ത്ര ചികിത്സകളും നൽകിയാൽ വിഷാദരോഗം ഭേദപ്പെടുത്തിയെടുക്കാം. എന്നാൽ വിഷാദരോഗം അവഗണിച്ചുകഴിഞ്ഞാൽ അത്തരം വ്യക്തികൾ ആത്മഹത്യയിൽ അഭയം പ്രാപിക്കാറുണ്ട് എന്നത് മറന്നുകൂടാ.