ഈ ബാങ്കുകളിൽ വായ്പ പലിശ നിരക്കുകൾ കൂടുന്നു, നിങ്ങളെ ബാധിക്കുമോ?

റിസർവ് ബാങ്ക് പലിശ നിരക്കുകളിൽ വ്യത്യാസം വരുത്തിയതിന് തുടർന്ന് പല ബാങ്കുകളുടെയും പലിശ നിരക്കിൽ വ്യത്യാസം വന്നു. 

∙എസ്  ബി ഐ

പലിശ നിരക്കുകളിൽ മാറ്റം വരുത്തി.ഇത് പ്രാബല്യത്തിൽ വന്നു. 3 മുതൽ 5 വർഷം വരെയുള്ള സ്ഥിര നിക്ഷേപങ്ങൾക്ക് 4.5 ശതമാനമായിരിക്കും പലിശ.

∙എച്ച്  ഡി എഫ് സി ബാങ്ക് 

ഭവന വായ്പ പലിശ നിരക്ക് ഉയർത്തിയിട്ടുണ്ട്. 30 ലക്ഷം വരെയുള്ള വായ്പകൾക്ക് 7.10 ശതമാനവും, 30 മുതൽ 75  ലക്ഷം വരെ 7.35 ശതമാനവും, 75 ലക്ഷത്തിനു മുകളിൽ 7.45 ശതമാനവുമായിരിക്കും പലിശ.

∙ഐ സി ഐ സി ഐ

വായ്പ നിരക്കുകൾ മെയ് 4 മുതൽ മാറ്റം വരുത്തിയിട്ടുണ്ട്. ഭാവന വായ്പകൾക്ക് 35 ലക്ഷം വരെ 7.10 ശതമാനം  മുതൽ 7 .55 ശതമാനം വരെ സിബിൽ സ്കോറിനനുസരിച്ച്  ഈടാക്കും.

∙ബാങ്ക് ഓഫ് ബറോഡ

മെയ് 5 മുതൽ വായ്പ നിരക്കുകൾ കൂട്ടിയിട്ടുണ്ട്. 3 വർഷം മുതൽ 5 വർഷം വരെയുള്ള സ്ഥിര നിക്ഷേപങ്ങൾക്ക് 4.50 ശതമാനമായിരിക്കും ഇനി മുതൽ പലിശ നിരക്ക്.

∙കൊട്ടക് ബാങ്ക്

സ്ഥിര നിക്ഷേപങ്ങളുടെ പലിശ ഉയർത്തിയിട്ടുണ്ട്.3 വർഷം  മുതൽ 10  വർഷം  വരെയുള്ള സ്ഥിര നിക്ഷേപങ്ങൾക്ക് 5 .75 ശതമാനം പലിശ ലഭിക്കും. 

∙യൂണിയൻ ബാങ്ക്

സേവിങ്സ് ബാങ്ക് പലിശ നിരക്ക് ഉയർത്തിയിട്ടുണ്ട്. ജൂൺ ഒന്ന് മുതൽ ഇത് പ്രാബല്യത്തിൽ വരും.6.8 ശതമാനത്തിലാണ് പുതുക്കിയ  വായ്പാനിരക്കുകൾ തുടങ്ങുന്നത്.

∙ഇന്ത്യൻ ബാങ്ക്

പല വായ്പകൾക്കും പലിശ നിരക്ക് ഉയർത്തി.  

∙യൂക്കോ ബാങ്ക്

സ്ഥിരനിക്ഷേപങ്ങളുടെ പലിശ നിരക്ക് ഉയർത്തിയിട്ടുണ്ട്. രണ്ടു വർഷത്തിന് മുകളിലുള്ള സ്ഥിര നിക്ഷേപങ്ങൾക്ക് 5.10 മുതൽ 5.35 ശതമാനം വരെയാണ് പുതുക്കിയ പലിശ 

∙പി എൻ ബി

മെയ് 7 മുതൽ സ്ഥിരനിക്ഷേപങ്ങളുടെ  പലിശ നിരക്ക് ഉയർത്തി. 2 കോടിയിൽ താഴെയുള്ള നിക്ഷേപങ്ങൾക്ക് 5.05 മുതൽ 5.15 ശതമാനം വരെയായിരിക്കും പുതുക്കിയ പലിശ.

English Summary : Various Banks Increased Interest Rates