അനസ് ബ്ലാസ്റ്റേഴ്സ് വിട്ടു, ഇനി എടികെ; മുഹമ്മദ് റാഫി തിരിച്ചെത്തിയേക്കും

കൊച്ചി ∙ ഐഎസ്എൽ ക്ലബ് കേരള ബ്ലാസ്റ്റേഴ്സിന്റെ സെൻട്രൽ ഡിഫൻഡർ അനസ് എടത്തൊടിക ക്ലബ് വിട്ടു. കൊൽക്കത്ത ക്ലബ് എടികെയിലേക്കാണു ചുവടുമാറ്റം എന്നാണു സൂചന. കഴിഞ്ഞ സീസണിൽ ബ്ലാസ്റ്റേഴ്സിനായി 8 മൽസരത്തിൽ മാത്രമാണ് അനസ് ഇറങ്ങിയത്. രാജ്യാന്തര ഫുട്ബോളിൽനിന്നു വിരമിച്ചതായി ഈ വർഷം ആദ്യം പ്രഖ്യാപിച്ചെങ്കിലും പുതിയ ദേശീയ ടീം കോച്ച് ഇഗോർ സ്റ്റിമാച്ച് ക്യാംപിലേക്കു തിരിച്ചുവിളിച്ചത് ഈയിടെയാണ്.

പ്രതിരോധത്തിലെ മലയാളി സാന്നിധ്യമായ അനസ് ടീം വിടുമ്പോൾ ബ്ലാസ്റ്റേഴ്സ് മുൻനിരയിലേക്ക് മലയാളി താരം മുഹമ്മദ് റാഫി തിരിച്ചെത്തുമെന്നും അഭ്യൂഹമുണ്ട്. നിലവിൽ ചെന്നൈയിൻ എഫ്സിയുടെ താരമാണ് റാഫി.