ഇന്ത്യൻ സാധ്യതാ ടീമിൽ 3 മലയാളികൾ

ന്യൂഡൽഹി ∙ ദുബായിയിൽ ഒമാൻ, യുഎഇ ടീമുകൾക്കെതിരെ ഈ മാസം നടക്കുന്ന രാജ്യാന്തര സൗഹൃദ ഫുട്ബോൾ മത്സരങ്ങൾക്കുള്ള ഇന്ത്യൻ സാധ്യതാ ടീമിൽ 3 മലയാളികൾ.

മിഡ്ഫീൽഡർമാരായ ആഷിഖ് കുരുണിയൻ, കെ.പി. രാഹുൽ, ഡിഫൻഡർ മഷ്ഹൂർ ഷെരീഫ് എന്നിവരെയാണ് കോച്ച് ഇഗോർ സ്റ്റിമാച്ച് 35 അംഗ ടീമിൽ ഉൾപ്പെടുത്തിയത്. ഐഎസ്എലിൽ നോർത്ത് ഈസ്റ്റ് യുണൈറ്റഡിനു വേണ്ടി കളിക്കുന്ന മഷ്ഹൂർ മലപ്പുറം കാവുങ്ങൽ സ്വദേശിയാണ്. സഹൽ അബ്ദുൽ സമദ് ടീമിൽ ഇല്ല. 

13ന് ഐഎസ്എൽ ഫൈനൽ വേദിയിൽ വച്ച് അന്തിമ 28 അംഗ ടീമിനെ പ്രഖ്യാപിക്കും. ഒമാനെതിരെ 25നും യുഎഇയ്ക്കെതിരെ 29നും ആണു മത്സരങ്ങൾ.