യുഎസ് ഓപ്പൺ: ഒസാക മുന്നോട്ട്, മറെ പുറത്ത്

ന്യൂയോർക്ക് ∙ യുഎസ് ഓപ്പൺ ടെന്നിസിൽ ആദ്യ റൗണ്ടിലെ ആവേശപോരാട്ടത്തിൽ മൂന്നാം സീഡ് സ്റ്റെഫാനസ് സ്റ്റിസിപാസിനു ജയം. മുൻ ലോക ഒന്നാംനമ്പർ താരം ബ്രിട്ടന്റെ ആൻഡി മറയെ 5 മണിക്കൂർ നീണ്ട പോരാട്ടത്തിലാണ് സ്റ്റിസിപാസ് കീഴടക്കിയത് (2-6 7-6 3-6 6-3 6-4).

രണ്ടാം സീ‍ഡ് ഡാനിൽ മെദ്‍വദേവ് ഫ്രഞ്ച് താരം റിച്ചാർഡ് ഗാസ്കെറ്റിനെ തോൽപിച്ച് രണ്ടാം റൗണ്ടിലെത്തി. (6-4 6-3 6-1).വനിതകളിൽ നിലവിലെ ചാംപ്യൻ ജപ്പാന്റെ നവോമി ഒസാക കുതിപ്പ് തുടങ്ങി. ചെക്ക് റിപ്പബ്ലിക്കിന്റെ മരിയ ബുവുസ്കോവയെയാണ് ഒസാക്ക ആദ്യ റൗണ്ടിൽ (6-4 6-1) തോൽപിച്ചത്. രണ്ടാം സീഡ് അരീന സബലേങ്ക നീന സെറ്റാനോവിച്ചിനോട് (6-4 6-7 6-0) പൊരുതി ജയിച്ചു.