നിറചിരിയോടെ സൗഭാഗ്യ വെങ്കിടേഷ്; വളക്കാപ്പ് ചിത്രങ്ങൾ, വിഡിയോ

നടിയും നർത്തകിയുമായ സൗഭാഗ്യ വെങ്കിടേഷിന്റെ വളക്കാപ്പ് കഴിഞ്ഞു. ഒക്ടോബർ 7ന് ആയിരുന്നു ചടങ്ങുകൾ. 

കറുപ്പ് നിറത്തിലുള്ള മനോഹരമായ സാരിയാണ് സൗഭാഗ്യ ധരിച്ചത്. മനോഹരമായി കസ്റ്റമൈസ് ചെയ്ത ബ്ലൗസ് ഇതിനൊപ്പം പെയർ ചെയ്തു. ട്രെഡീഷനൽ ആഭരണങ്ങളാണ് ആക്സസറൈസ് ചെയ്തത്.

കറുപ്പ് കുർത്തയും മുണ്ടും ആയിരുന്നു ഭര്‍ത്താവ് അർജുന്‍ സോമശേഖറിന്റെ വേഷം.

സൗഭാഗ്യയുടെ അമ്മയും നടിയുമായ താരാ കല്യാണും മുത്തശ്ശി സുബ്ബലക്ഷ്മിയും ഉള്‍പ്പടെയുള്ള അടുത്ത ബന്ധുക്കൾ ചടങ്ങിന്റെ ഭാഗമായി.

‘അതു മനോഹരമായ ഒരു ദിവസമായിരുന്നു’ എന്നാണ് വളക്കാപ്പിന്റെ ചിത്രത്തിനൊപ്പം സൗഭാഗ്യ കുറിച്ചത്.

വളക്കാപ്പിനായി മെഹന്ദി അണിയുന്നതിന്റെ വിഡിയോ താരം നേരത്തെ പങ്കുവച്ചിരുന്നു.

ടിക്ടോക്, ഡബ്സ്മാഷ് വിഡിയോകളിലൂടെയാണ് സൗഭാഗ്യ മലയാളികൾക്ക് പ്രിയങ്കരിയാകുന്നത്. 2020 ഫെബ്രുവരി 20ന് ഗുരുവായൂരിൽ വച്ചായിരുന്നു സൗഭാഗ്യയും അർജുൻ സോമശേഖറും വിവാഹിതരായത്. നർത്തകനും നടനുമാണ് അർജുൻ സോമശേഖർ. 

English Summary : Sowbhagya Venkitesh Baby shower Images goes viral