പച്ചയായ ജീവിതങ്ങളുടെ പോരാട്ടത്തിന്റെയും അതിജീവനത്തിന്റെയും വേദിയാണ് മഴവിൽ മനോരമയില്‍ സംപ്രേഷണം ചെയ്യുന്ന ‘നിങ്ങൾക്കും ആകാം കോടീശ്വരൻ’. ഹൃദ്യമായ ഒരുപാട് മുഹൂർത്തങ്ങക്ക് ഈ ഷോ സാക്ഷ്യം വഹിച്ചിട്ടുണ്ട്. കാഴ്ചപ്പാടുകളുടെ കരുത്ത് വ്യക്തമാക്കി പോരാട്ടത്തിനെത്തിയ അമീർ ജിന്ന എന്ന യുവാവും ഒരുപാട് പേർക്ക് പ്രചോദനമാവുകയാണ്.

അമീറിന്റെ സ്വപ്നങ്ങളെയോ, പോരാട്ടങ്ങളെയോ ഇല്ലാതാക്കാൻ കാഴ്ചാ വൈകല്യത്തിന് സാധിച്ചില്ല. നിങ്ങൾക്കും ആകാം കോടീശ്വരൻ വേദിയിലും ആ പോരാട്ടം തുടർന്നു. നല്ലൊരു വീട് എന്ന സ്വപ്നത്തിന് മുതൽക്കൂട്ടാവാൻ 6,40,000 രൂപ സ്വന്തമാക്കിയാണ് അമീർ മടങ്ങിയത്.

മികച്ച ഗായൻ കൂടിയായ അമീറിന്റെ സ്വന്തമായൊരു കീബോഡ് എന്ന സ്വപ്നം യാഥാർഥ്യമാക്കാന്‍ അവതാരകൻ സുരേഷ് ഗോപി ഒപ്പം നിന്നതും ഹൃദ്യമായി. അടുത്ത ദിവസം തന്നെ തന്റെ ഓഫിസിൽ നിന്നുള്ളവർ കീബോർഡുമായി അമീറിന്റെ വീട്ടിലെത്തുമെന്നാണ് സുരേഷ് ഗോപി അറിയിച്ചത്. 

English Summary : Ameer jinnahs' life, ‘ningalkkum aakam kodeeshwaran’ heart touching episode