കുട്ടികൾക്കായി വയർലെസ് ഹെഡ്‌ഫോണുകൾ അവതരിപ്പിച്ചു പ്രൊമേറ്റ്, പ്രത്യേകതകൾ അറിയാം

കുട്ടികൾക്കായി  ഏറ്റവും പുതിയ ഓവർ ദ് ഇയർ 'പാണ്ട' ഹെഡ്ഫോൺ അവതരിപ്പിച്ചു പ്രൊമേറ്റ്. കുട്ടികൾക്ക് മുൻഗണന എന്ന നിലയിൽ സുരക്ഷയും സൗകര്യവും മികച്ച ഡിസൈനും നൽകി പാണ്ട ഹെഡ്‌ഫോണുകൾ രൂപകൽപ്പന ചെയ്‌തിരിക്കുന്നതായി പ്രെമേറ്റ് പറയുന്നു. ഈ ഹെഡ്‌ഫോണുകൾ 93dB-യുടെ ബിൽറ്റ്-ഇൻ വോളിയം ക്യാപ്പും ഓട്ടോമാറ്റിക് വോളിയം ലിമിറ്ററും  ഉൾക്കൊള്ളുന്നതിനാൽ കുട്ടികളുടെ ചെവികൾക്ക് അനുയോജ്യമായ സുരക്ഷിതമായ ശബ്‌ദം ഉറപ്പാക്കുന്നു. കുട്ടികളുടെ തലയ്ക്ക് അനുയോജ്യമായ മൃദുവും ചെറുതുമായ കുഷ്യൻ കപ്പുകൾ ഹെഡ്‌ഫോണുകളിൽ ഉൾപ്പെടുന്നു. കൂടാതെ മനോഹരമായ എൽഇഡി ലൈറ്റുകളും ലഭ്യമാണ്.

ഇൻ-ബിൽറ്റ് മൈക്കും മടക്കാവുന്ന രൂപകൽപ്പനയും കൊണ്ട് സജ്ജീകരിച്ചിരിക്കുന്നു. വയെർഡ്, വയർലെസ് മോഡുകൾക്കായി കേബിളിലും ഹെഡ്‌സെറ്റിലും രണ്ട് മൈക്കുകൾ ഫീച്ചർ ചെയ്യുന്നു,  ബാഹ്യമായ ശബ്ദം ഫലപ്രദമായി കുറയ്ക്കുന്നു. 10 മീറ്റർ വയർലെസ് റേഞ്ച് ഉള്ളതിനാൽ, കുട്ടികൾക്ക് ശബ്ദം ആസ്വദിക്കുമ്പോൾ ചുറ്റിക്കറങ്ങാനുള്ള സ്വാതന്ത്ര്യമുണ്ട്.

ബ്ലൂടൂത്ത് v5.0 ഫീച്ചർ ചെയ്യുന്ന, പാണ്ട ഹെഡ്‌ഫോണുകൾ മെച്ചപ്പെട്ട കണക്റ്റിവിറ്റി, വേഗത്തിലുള്ള കണക്ഷൻ, 1.5m നൈലോൺ ബ്രെയ്‌ഡഡ് AUX കേബിളും ഫീച്ചർ ചെയ്യുന്നു, ഹെഡ്‌ഫോണുകൾക്ക് 1000mAh വരെയുള്ള ബാറ്ററി ലൈഫ് ഉണ്ട്, ഒറ്റ ചാർജിൽ 40 മണിക്കൂർ വരെ പ്ലേബാക്ക് സമയം നൽകുന്നു.