കോപൈലറ്റ് എഐ ലാപ്ടോപ് പുറത്തിറക്കി ഏസർ

മൈക്രോസോഫ്റ്റ്, ക്വാൽകോം ടെക്‌നോളജീസ്എന്നിവയുമായി സഹകരിച്ച് കോപൈലറ്റ് സംവിധാനമുള്ള എഐ ലാപ്ടോപ് പുറത്തിറക്കി ഏസർ. സ്വിഫ്റ്റ് 14 എന്ന എഐ ലാപ്ടോപ്പാണ് കമ്പനി ഏറ്റവും പുതിയതായി സ്‌നാപ്ഡ്രാഗൺ എക്‌സ് എലൈറ്റ്, സ്‌നാപ്ഡ്രാഗൺ എക്‌സ് പ്ലസ് എന്നീ പ്ലാറ്റ്ഫോമുകളോടെ പുറത്തിറക്കിയത്. എഐ പ്രോസസിങിനായി ലോകത്തിലെ ഏറ്റവും വേഗതയേറിയ NPU-കളാണ് ഇവയിലുള്ളത്.

റികോൾ, കോ–ക്രിയേറ്റർ, ലൈവ് ക്യാപ്‌ഷനുകൾ, പുതിയ വിൻഡോസ് സ്റ്റുഡിയോ ഇഫക്‌റ്റുകൾ, ഓട്ടോ സൂപ്പർ റെസല്യൂഷൻ എന്നിവ ചില നൂതന എഐ ടൂളുകളിൽ ഉൾപ്പെടുന്നു. പ്രത്യേകം കോപൈലറ്റ് കീ വരുന്നുണ്ട്. 

അതിവേഗ ചാർജിങിനുള്ള പിന്തുണയോടെ സ്വിഫ്റ്റ് 14 AI-ൽ 75Wh ബാറ്ററിയാണ് ഏസർ പായ്ക്ക് ചെയ്തിരിക്കുന്നത്. ഒറ്റ ചാർജിൽ, ലാപ്‌ടോപ്പ് 18 മണിക്കൂർ വരെ വെബ് ബ്രൗസിങ് സമയവും 26 മണിക്കൂർ വീഡിയോ പ്ലേബാക്ക് സമയവും വാഗ്ദാനം ചെയ്യുന്നു.

സവിശേഷതകൾ പരിശോധിക്കാം

റികോള്‍ ഫങ്ഷന്‌: നിങ്ങൾ ഉപയോഗിച്ച പഴയ ഫയലുകളും ആപ്ലിക്കേഷനുകളും നിങ്ങൾക്ക് അവയുടെ പേരുകൾ ഓർക്കാൻ കഴിയുന്നില്ലെങ്കിൽപ്പോലും, എൻപിയുവിന് നിങ്ങളെ സഹായിക്കാനാകുമെന്ന് ഏസർ അവകാശപ്പെടുന്നു.

ആശയങ്ങളെ കലയാക്കാം: ഏസറിന്റെ എഐ പവർഡ് സ്കെച് സംവിധാനത്തിന് കുത്തിവരകളെ കൂടുതൽ മികച്ച വെക്റ്റർ ഗ്രാഫിക്സാക്കി മാറ്റാൻ കഴിയും.

വിഡിയോ കോളുകൾ: കുറഞ്ഞ വെളിച്ചത്തിലും വിഡിയോ കോൾ നിലവാരം മെച്ചപ്പെടുത്താനും പശ്ചാത്തല ശബ്‌ദം കുറയ്ക്കാനും കഴിയും.

തത്സമയ സബ്‌ടൈറ്റിലുകളും വിവർത്തനങ്ങളും:  ഏസറിന്റെ വിവർത്തന സോഫ്‌റ്റ്‌വെയറിന് വിഡിയോ കോളുകൾക്കിടയിൽ തത്സമയ സബ്‌ടൈറ്റിലുകളും വിവർത്തനങ്ങളും നൽകാൻ കഴിയും.

ഭാരം കുറഞ്ഞ ഡിസൈൻ: ഇതിൻ്റെ ഭാരം 1.36 കിലോഗ്രാം 

ഡിസ്പ്ലേ: മൾട്ടി-ടച്ച് ഓപ്ഷനുള്ള 14 ഇഞ്ച് WUXGA IPS ഡിസ്പ്ലേ ഇതിന് ഉണ്ട്.

കണക്റ്റിവിറ്റി: ഇതിന് രണ്ട് USB ടൈപ്പ്-സി പോർട്ടുകൾ (തണ്ടർബോൾട്ട് 4/USB4), ബ്ലൂടൂത്ത് LE ഓഡിയോ, HDMI 2.1, Wi-Fi 6E, ഒരു മൈക്രോ എസ്ഡി സ്ലോട്ട് എന്നിവയുണ്ട്.

ഏതായാലും ലാപ്ടോപ്പിന്റെ ഇന്ത്യയിലെ വില ഇതുവരെ പ്രഖ്യാപിക്കപ്പെട്ടില്ല. ഈ സ്റ്റോറിയിൽ അപ്ഡേറ്റ് ചെയ്യപ്പെടും..