കൊറോണ ദുരന്തം ഏപ്രിലിൽ അവസാനിക്കും! 6 മാസം മുൻപ് ബാലന്‍ പ്രവചിച്ചത് സത്യമാകുമോ?

ലോകം ഒന്നടങ്കം കൊറോണവൈറസ് ഭീതിയിലാണ്. ലോകത്തെ ഒട്ടുമിക്ക രാജ്യങ്ങളിലും കൊറോണവൈറസ് ബാധിതരുണ്ട്. ചൈനയും ഇറ്റലിയും അമേരിക്കയും ഇന്ത്യയും ഉൾപ്പടെയുള്ള രാജ്യങ്ങൾ വൻ ഭീതിയോടെയും ജാഗ്രതയോടെയുമാണ് കൊറോണവൈറസിനെ വീക്ഷിക്കുന്നത്. എന്നാൽ ഇത്തരമൊരു ദുരന്തം വരുമെന്നും ഏപ്രിൽ മാസത്തോടെ അതിന് അവസാനം കുറിയ്ക്കുമെന്നും പ്രവചിച്ച ഒരു ബാലനുണ്ട് – അഭിഗ്യ. ലോകത്തിലെ ഏറ്റവും പ്രായം കുറഞ്ഞ ജ്യോതിഷി ആണ് യുട്യൂബ് വിഡിയോയിലൂടെ ഇത്തരമൊരു പ്രവചനം നടത്തിയിരിക്കുന്നത്.

കൊറോണ വൈറസ് മഹാമാരി സംഭവിക്കുന്നതിന്റെ മാസങ്ങൾക്ക് മുൻപ് തന്നെ ഈ ബാലൻ പ്രവചനം നടത്തിയിരുന്നു. ജ്യോതിഷിയാണെന്ന് അവകാശപ്പെടുന്ന ഒരു യുട്യൂബ് വിഡിയോയിൽ ഒരു കൊച്ചുകുട്ടി നിലവിലുള്ള ആഗോള പ്രതിസന്ധിയെ പ്രവചിക്കുന്നു. ചില സന്ദർഭങ്ങളിൽ രാജ്യങ്ങളെയും വ്യവസായങ്ങളെയും ബാധിക്കുന്ന കാര്യങ്ങൾ പോലും പറയുന്നുണ്ട്.

2019 ഓഗസ്റ്റ് 22 ന് പോസ്റ്റ് ചെയ്ത വിഡിയോയിലെ ബാല ജ്യോതിഷി അമ്പരപ്പിക്കുന്ന ചില പ്രവചനങ്ങളാണ് നടത്തിയിരിക്കുന്നത്. ദുരന്തം ചൈനയെ ഏറ്റവും മോശമായി ബാധിക്കും, വിമാനക്കമ്പനികൾ വലിയ പ്രത്യാഘാതങ്ങൾ നേരിടേണ്ടിവരും, ലോകത്തെ രക്ഷിക്കാൻ നമ്മളെല്ലാവരും ഒരുമിച്ച് പ്രവർത്തിക്കേണ്ടതുണ്ട്, എന്നത് 20 മിനിറ്റ് ദൈർഘ്യമുള്ള വിഡിയോയിലൂടെ കാണാൻ കഴിയുന്ന ചില പ്രവചനങ്ങൾ മാത്രമാണ്. ഈ പ്രവചനങ്ങൾ നടത്തുന്നതിനു പുറമേ, പ്രവചനങ്ങൾക്ക് പിന്നിലുള്ള ജ്യോതിഷപരമായ യുക്തിയും ഇവിടെ അവതാരകൻ വിശദീകരിക്കുന്നുണ്ട്.

രസകരമെന്നു പറയട്ടെ, 2019 നവംബറിനും 2020 ഏപ്രിലിനുമിടയിലുള്ള കാലഘട്ടത്തിലാണ് ഈ ദുരന്തം വരുമെന്ന് അഭിഗ്യ ഈ പ്രവചനത്തിനിടെ കൃത്യമായി പറയുന്നുണ്ട്. ഈ കാലയളവിൽ ലോകമെമ്പാടും ഒരു ദുരന്തം ഉണ്ടാകുമെന്ന് അദ്ദേഹം വിശദീകരിക്കുന്നു. നിങ്ങൾ ഓർക്കുന്നുവെങ്കിൽ, കോവിഡ്-19 ന്റെ ആദ്യ കേസും കഴിഞ്ഞ വർഷം നവംബർ 17 മുതലുള്ളതാണ്. യാദൃശ്ചികം?

വിഡിയോയിൽ നടത്തിയ മറ്റൊരു പ്രവചനം ഗതാഗത വ്യവസായമാണ്. ഗതാഗത വ്യവസായം ഈ സമയത്ത് കഠിനമായി പ്രതിസന്ധിയിലാകുമെന്ന് അവതാരകൻ പ്രവചിക്കുന്നു. ഗതാഗത വ്യവസായത്തിനുള്ളിൽ, വിമാനക്കമ്പനികളെ ഏറ്റവും മോശമായി ബാധിക്കുന്നതായി അദ്ദേഹം പ്രത്യേകം പറയുന്നുണ്ട്. ഈ പ്രതിഭാസമാണ് ഇപ്പോൾ ലോകം കണ്ടുക്കൊണ്ടിരിക്കുന്നത്.

വിഡിയോയിൽ @ 12: 20 ഭാഗത്ത്, വരാനിരിക്കുന്ന ദുരന്തം ചൈനയെ സാരമായി ബാധിക്കുമെന്ന് അഭിഗ്യ പ്രവചിക്കുന്നു, ആകസ്മികമായി, അദ്ദേഹം ‘യുദ്ധം’ എന്നാണ് പരാമർശിക്കുന്നത്. എന്നാൽ ചൈനയുടെ കാര്യത്തിൽ ഈ പ്രവചന കാര്യങ്ങൾ വിരുദ്ധമാണെന്ന് തോന്നുന്നു, കാരണം ചൈന സാധാരണ ജീവിതത്തിലേക്ക് മടങ്ങിവരുന്നു. സമ്പന്ന രാജ്യങ്ങളെ ഈ ദുരന്തം ബാധിക്കുമെന്ന് പ്രവചിക്കുന്നുണ്ട്. ഈ അവസ്ഥയിൽ നിന്ന് ആളുകളെ രക്ഷിക്കാൻ നാമെല്ലാവരും എന്തെങ്കിലും ചെയ്യണമെന്ന് അദ്ദേഹം എല്ലാവരോടും അഭ്യർഥിക്കുന്നു.

ഈ വിഡിയോയിൽ ശ്രദ്ധിക്കേണ്ട ഒരു കാര്യം, ഈ ദുരന്ത കാലഘട്ടത്തിന്റെ വിൻഡോ അവതാരകൻ 2020 നവംബർ 4 മുതൽ ഏപ്രിൽ-അവസാനം വരെയാണ് നിർവചിച്ചിരിക്കുന്നത് എന്നതാണ്. ഈ വിഡിയോയിൽ ഒരു സിൽവർ ലൈനിങ് എന്ന് വിളിക്കാവുന്ന ഒരു കാര്യമുണ്ടെങ്കിൽ, അത് ഒരുപക്ഷേ - ലോകത്തെ നേരിടുന്ന ഏത് അപകടവും ഒടുവിൽ 2020 ഏപ്രിലിൽ അവസാനിക്കുന്ന ദുരന്തം തന്നെയാണ്. ഒരുപക്ഷേ ഇത് കൊറോണ വൈറസ് മഹാമാരി ആയിരിക്കാം, അല്ലെങ്കിൽ ഇത് മറ്റെന്തെങ്കിലും ആയിരിക്കാം.