കൊറോണ ലോക്ക്ഡൗൺ: വീട്ടിലിരുന്ന് രാപകൽ പോൺ കാണുന്നവരുടെ കണക്കുകൾ പുറത്ത്

കൊറോണവൈറസ് ഭീതി കാരണം ഇന്ത്യയിൽ ലോക്ക്ഡൗൺ പ്രഖ്യാപിച്ചിരിക്കുകയാണ്. ഇതിനാൽ ജനങ്ങളെല്ലാം വീട്ടിൽ തന്നെ ഇരിപ്പാണ്. മിക്കവരും മൊബൈലിലും ലാപ്ടോപ്പിലുമാണ് സമയം ചെലവഴിക്കുന്നത്. എന്നാൽ ഈ അവസരത്തിൽ നേട്ടമുണ്ടാക്കിയ ഒരു കമ്പനിയാണ് പോൺഹബ്. കൊറോണ വൈറസിന്റെ പേരിൽ പോൺഹബ് പ്രീമിയം സൗജന്യമാക്കിയിരുന്നു. ഇതോടെ പോൺഹബിന്റെ ഇന്ത്യയിലെ ട്രാഫിക് കുത്തനെ കൂടി.

പോൺ‌ഹബ് പ്രീമിയം സേവനങ്ങൾ‌ എല്ലാവർക്കും സൗജന്യമായി വാഗ്ദാനം ചെയ്തതുമുതൽ‌ ലോകമെമ്പാടുമുള്ള ട്രാഫിക്കിൽ‌ പെട്ടെന്നുള്ള വർധനവ് കണ്ടു. കോവിഡ്-19 വൈറസ് പടർന്നുപിടിച്ചതിനാൽ സ്വയം ക്വാറന്റിനിന്റെ ഭാഗമായി ആളുകൾ വീട്ടിൽ തന്നെ തുടരാൻ നിർബന്ധിതരാകുന്നതിനാൽ വെബ്‌സൈറ്റിലേക്കുള്ള സന്ദർശനവും വർധിച്ചു.

എന്നാൽ, രാത്രി സമയങ്ങളിൽ മാത്രം ട്രാഫിക് കുത്തനെ കയറിയിരുന്ന പോൺഹബിന് ഇപ്പോൾ ഏതുസമയവും പതിവിൽ കൂടുതൽ സന്ദർശകരുണ്ട്. ദിവസത്തിലെ എല്ലാ മണിക്കൂറിലും വെബ്‌സൈറ്റിന് സന്ദർശകരെ ലഭിക്കുന്നുണ്ട്. മാർച്ച് 20 ന് ട്രാഫിക് 13.7 ശതമാനം വർധിച്ചു. എന്നാൽ മാർച്ച് 24 ന് 18.5 ശതമാനം വൻ വർധനയുണ്ടായി. ലോകമെമ്പാടുമുള്ള എല്ലാ സന്ദർശകർക്കും ഒരു മാസത്തേക്ക് പോർൺഹബിന്റെ പ്രീമിയം സേവനം സൗജന്യമായിരിക്കുമെന്നാണ് പ്രഖ്യാപിച്ചിരിക്കുന്നത്.

ഇന്ത്യയിൽ, പോൺ‌ഹബിലെ ട്രാഫിക് മാർച്ച് 5 വരെ ഒരു ശതമാനത്തിൽ താഴെയായിരുന്നു. എന്നാൽ, രാജ്യം മുഴുവൻ ലോക്ക്ഡ ൗൺ ആയതു മുതൽ വെബ്‌സൈറ്റ് ട്രാഫിക്കിൽ പെട്ടെന്നുള്ള കുതിച്ചുചാട്ടം കണ്ടു. ഇന്ത്യയിൽ നിന്നുള്ള ട്രാഫിക്കിൽ 23 ശതമാനം വർധനയുണ്ടായി.

പോൺഹബ് കൂടുതൽ ട്രാഫിക് നേടിയ രാജ്യം ഇന്ത്യ മാത്രമല്ല. സൗജന്യ അംഗത്വ ഓഫർ ഇല്ലാത്ത രാജ്യങ്ങളിൽ ഏറ്റവും കൂടുതൽ ട്രാഫിക് ജമ്പ് നേടിയത് ഹോങ്കോങ്ങിൽ നിന്നാണ്, പ്രീമിയം സേവനങ്ങൾ സൗജന്യമായി ലഭിച്ചതിനുശേഷം ഇത് 42.5 ശതമാനമായി ഉയർന്നു.