news updates

കെ–ടെറ്റ്: പരീക്ഷ ജൂൺ 22നും 23നും; ഏപ്രിൽ 26 വരെ അപേക്ഷിക്കാം

സംസ്ഥാനത്തെ എൽപി, യുപി, ഹൈസ്കൂൾ അധ്യാപക നിയമന യോഗ്യതാ പരീക്ഷയായ കേരള ടീച്ചർ എലിജിബിലിറ്റി ടെസ്റ്റ് (കെ–ടെറ്റ്) ജൂൺ 22നും 23നുമായി നടത്തും. ഏപ്രിൽ 26 വരെ ഒാൺലൈനായി അപേക്ഷിക്കാം.

പ്രായപരിധി ഇല്ല. അപേക്ഷാ ഫീസ്: ഒാരോ കാറ്റഗറി പരീക്ഷയ്ക്കും 500 രൂപ. പട്ടികജാതി/പട്ടികവർഗ വിഭാഗക്കാർക്കും ഭിന്നശേഷിക്കാർക്കും 250 രൂപ. നെറ്റ് ബാങ്കിങ്, ക്രെഡിറ്റ്/ഡെബിറ്റ് കാർഡ് വഴി ഫീസടയ്ക്കാം. അപേക്ഷയുടെ പ്രിന്റൗട്ട്, സർട്ടിഫിക്കറ്റുകളുടെ പകർപ്പുകൾ എന്നിവ പരീക്ഷാഭവനിലേക്ക് അയയ്ക്കേണ്ട. Pareekshabhavan.kerala.gov.in, ktet.kerala.gov.in

പരീക്ഷ 4 കാറ്റഗറികളിൽ

കാറ്റഗറി 1: ലോവർ പ്രൈമറി

കാറ്റഗറി 2 : അപ്പർ പ്രൈമറി

കാറ്റഗറി 3: ഹൈസ്കൂൾ

കാറ്റഗറി 4: ഭാഷാ അധ്യാപകർ–അറബി, ഹിന്ദി, സംസ്കൃതം, ഉറുദു (യുപി തലം വരെ).

സ്പെഷലിസ്റ്റ് അധ്യാപകർ (ആർട് & ക്രാഫ്റ്റ്, കായിക അധ്യാപകർ)

∙സി–ടെറ്റ് പ്രൈമറി സ്റ്റേജ് ജയിച്ചവരെ കെ–ടെറ്റ് കാറ്റഗറി 1ൽനിന്നും സി–ടെറ്റ് എലമെന്ററി സ്റ്റേജ് ജയിച്ചവരെ കെ–ടെറ്റ് കാറ്റഗറി 2ൽനിന്നും ഒഴിവാക്കും.

∙നെറ്റ്, സെറ്റ്, എംഫിൽ, പിഎച്ച്ഡി, എംഎഡ് യോഗ്യതകൾ നേടിയവരെ കെ–ടെറ്റ് കാറ്റഗറി 1 മുതൽ 4 വരെ നേടുന്നതിൽനിന്ന് ഒഴിവാക്കിയിട്ടുണ്ട്. എംഎഡ് ബന്ധപ്പെട്ട വിഷയത്തിൽ ആയിരിക്കണമെന്നും നിബന്ധനയില്ല.

∙കെ–ടെറ്റ് കാറ്റഗറി 3 ജയിച്ചവരെ കാറ്റഗറി 2 നേടുന്നതിൽനിന്ന് ഒഴിവാക്കിയിട്ടുണ്ട്.

∙കെ–ടെറ്റ് കാറ്റഗറി 1, 2 എന്നിവയിൽ ഏതെങ്കിലും ഒന്ന് ജയിച്ചവരെ എൽപി, യുപി അധ്യാപക നിയമനങ്ങൾക്കു പരിഗണിക്കും.

യോഗ്യതാ മാർക്ക്

ജനറൽ കാറ്റഗറിക്ക് 60% (90 മാർക്ക്). എസ്‌സി/എസ്ടി/ഒബിസി/ഒഇസി വിഭാഗക്കാർക്ക് 55% (82 മാർക്ക്). ഭിന്നശേഷിക്കാർക്ക് 50% (75 മാർക്ക്). പരീക്ഷയ്ക്കു നെഗറ്റീവ് മാർക്കില്ല. ഒരു തവണ കെ–െടറ്റ് ജയിച്ചവർക്കു വീണ്ടും അതേ കാറ്റഗറിയിൽ പരീക്ഷ എഴുതാനാവില്ല.

ഹെൽപ് ഡെസ്ക്

കെ–ടെറ്റ് പരീക്ഷയുമായി ബന്ധപ്പെട്ട സംശയനിവാരണത്തിനു പ്രത്യേക ഹെൽപ് ഡെസ്ക് തയാറാക്കിയിട്ടുണ്ട്.

സാങ്കേതിക വിവരങ്ങൾക്ക്:

0471–2546832, 2546833,

ഇ–മെയിൽ: ktet.helpdesk@gmail.com;

പൊതുവിവരങ്ങൾക്ക്: 0471–2546800, 2546823,

ഇ–മെയിൽ: pareekshabhavancgl@gmail.com

പ്രധാന തീയതികൾ

അപേക്ഷിക്കാനും ഫീസ് അടയ്ക്കാനുമുള്ള അവസാന തീയതി- 26.04.2024

ഫൈനൽ പ്രിന്റ് എടുക്കാനുള്ള അവസാന തീയതി-26.04.2024

ഹാൾ ടിക്കറ്റ് ഡൗൺലോഡ് ചെയ്യേണ്ട തീയതി-03.06.2024

പരീക്ഷാതീയതികൾ-22.06.2024, 23.06.2024