കഥകള്‍ ഉറങ്ങുന്ന ചെകുത്താന്‍റെ പട്ടണം; യൂറോപ്യന്‍ യാത്രാ ചിത്രങ്ങളുമായി റിമ കല്ലിങ്കല്‍
യൂറോപ്യന്‍ യാത്രയുടെ മനോഹരമായ ചിത്രങ്ങള്‍ പങ്കുവച്ച് റിമ കല്ലിങ്കല്‍. തെക്കന്‍ യൂറോപ്യന്‍ രാജ്യങ്ങളായ സെര്‍ബിയയില്‍ നിന്നും മാസിഡോണിയയില്‍ നിന്നുമെല്ലാം ചിത്രങ്ങള്‍ നടി പോസ്റ്റ്‌ ചെയ്തിട്ടുണ്ട്. കൂട്ടുകാര്‍ക്കൊപ്പമാണ് റിമ യാത്ര നടത്തിയത്. കഥകള്‍ ഉറങ്ങുന്ന ചെകുത്താന്‍റെ പട്ടണം ദക്ഷിണ സെർബിയയിൽ
യൂറോപ്യന്‍ യാത്രയുടെ മനോഹരമായ ചിത്രങ്ങള്‍ പങ്കുവച്ച് റിമ കല്ലിങ്കല്‍. തെക്കന്‍ യൂറോപ്യന്‍ രാജ്യങ്ങളായ സെര്‍ബിയയില്‍ നിന്നും മാസിഡോണിയയില്‍ നിന്നുമെല്ലാം ചിത്രങ്ങള്‍ നടി പോസ്റ്റ്‌ ചെയ്തിട്ടുണ്ട്. കൂട്ടുകാര്‍ക്കൊപ്പമാണ് റിമ യാത്ര നടത്തിയത്. കഥകള്‍ ഉറങ്ങുന്ന ചെകുത്താന്‍റെ പട്ടണം ദക്ഷിണ സെർബിയയിൽ
യൂറോപ്യന്‍ യാത്രയുടെ മനോഹരമായ ചിത്രങ്ങള്‍ പങ്കുവച്ച് റിമ കല്ലിങ്കല്‍. തെക്കന്‍ യൂറോപ്യന്‍ രാജ്യങ്ങളായ സെര്‍ബിയയില്‍ നിന്നും മാസിഡോണിയയില്‍ നിന്നുമെല്ലാം ചിത്രങ്ങള്‍ നടി പോസ്റ്റ്‌ ചെയ്തിട്ടുണ്ട്. കൂട്ടുകാര്‍ക്കൊപ്പമാണ് റിമ യാത്ര നടത്തിയത്. കഥകള്‍ ഉറങ്ങുന്ന ചെകുത്താന്‍റെ പട്ടണം ദക്ഷിണ സെർബിയയിൽ
യൂറോപ്യന്‍ യാത്രയുടെ മനോഹരമായ ചിത്രങ്ങള്‍ പങ്കുവച്ച് റിമ കല്ലിങ്കല്‍. തെക്കന്‍ യൂറോപ്യന്‍ രാജ്യങ്ങളായ സെര്‍ബിയയില്‍ നിന്നും മാസിഡോണിയയില്‍ നിന്നുമെല്ലാം ചിത്രങ്ങള്‍ നടി പോസ്റ്റ്‌ ചെയ്തിട്ടുണ്ട്. കൂട്ടുകാര്‍ക്കൊപ്പമാണ് റിമ യാത്ര നടത്തിയത്.
കഥകള്‍ ഉറങ്ങുന്ന ചെകുത്താന്‍റെ പട്ടണം
ദക്ഷിണ സെർബിയയിൽ റാഡാൻ പർവ്വതത്തിൽ സ്ഥിതി ചെയ്യുന്ന 200 ഓളം എർത്ത് പിരമിഡുകൾ അല്ലെങ്കിൽ ടവറുകൾ അടങ്ങുന്ന ഒരു ശിലാരൂപമാണ് 'ഡെവിൾസ് ടൗൺ' എന്നറിയപ്പെടുന്നത്. ഈ ടവറുകള്‍ക്കു 2 മുതൽ 15 മീറ്റർ വരെ ഉയരവും അടിഭാഗത്ത് 4 മുതൽ 6 മീറ്റർ വരെ വീതിയുമുണ്ട്. ദശലക്ഷക്കണക്കിന് വർഷങ്ങൾക്കു മുമ്പ് തീവ്രമായ അഗ്നിപർവ്വത പ്രവർത്തനങ്ങളുടെ വേദിയായിരുന്ന മണ്ണിന്റെ ശക്തമായ മണ്ണൊലിപ്പാണ് ഈ രൂപങ്ങൾ സൃഷ്ടിച്ചത്.
പ്രകൃതിദത്തമായ രണ്ടു നീരുറവകള്‍ ഇവിടെയുണ്ട്, ഡെവിൾസ് വാട്ടർ, സര്‍വെനോ വറെലൊ അഥവാ ചുവന്ന കിണര്‍ എന്നിവയാണ്. രണ്ടിലും അമ്ലഗുണം വളരെ കൂടുതലുള്ള വെള്ളമായതിനാല്‍ കുടിക്കാന്‍ പറ്റില്ല. ഇതിന്‍റെ സമീപത്തായി സമീപത്ത് 2 റസ്റ്ററന്റുകളുണ്ട്. പ്രതിവർഷം 50,000 വിനോദസഞ്ചാരികൾ ഇവിടം സന്ദർശിക്കുന്നു. എന്നാൽ ടൂറിസ്റ്റ് ശേഷി ഇപ്പോഴും വികസിച്ചിട്ടില്ല.
പോർച്ചുഗലിലെ കടല്‍ഗുഹ
പ്രകൃതിദത്തമായ അദ്ഭുതങ്ങളുടെയും അതിമനോഹരമായ തീരപ്രദേശങ്ങളുടെയും കാര്യത്തിൽ, മുന്നിലാണ് പോർച്ചുഗലിലെ അൽഗാർവ് പ്രദേശം. ഇവിടെയാണു പ്രാദേശികമായി അൽഗർ ഡി ബെനഗിൽ എന്ന് വിളിക്കപ്പെടുന്ന ബെനഗിൽ ഗുഹ സ്ഥിതിചെയ്യുന്നത്.
കാർവോയിറോയ്ക്കും അർമാകോ ഡി പെറയ്ക്കും ഇടയിൽ സ്ഥിതി ചെയ്യുന്ന ഈ ഭീമാകാരമായ ഗുഹ ബീച്ച് പ്രേമികള്‍ക്കു വളരെ പ്രിയപ്പെട്ട സ്ഥലമാണ്. ഒട്ടേറെ കമാനങ്ങൾ ഉള്ളതിനാൽ ഈ കടൽ ഗുഹയെ ബെനഗിൽ കത്തീഡ്രൽ എന്നും വിളിക്കുന്നു.
ഗുഹയ്ക്കുള്ളിൽ, കത്തീഡ്രൽ എന്നറിയപ്പെടുന്ന കൂറ്റൻ അറയിലെ സീലിംഗില്‍ ഒരു ദ്വാരം കാണാം. ദ്വാരത്തിൽ നിന്ന് സൂര്യപ്രകാശം ഗുഹയിലേക്ക് പ്രവേശിക്കുന്നത് അതുല്യമായ കാഴ്ചയാണ്. ഗുഹയ്ക്കുള്ളിൽ പ്രകാശത്തിന്റെയും നിഴലിന്റെയും വിസ്മയിപ്പിക്കുന്ന ചിത്രം വിടരുന്നു. ഈ കാഴ്ച കാണാന്‍ വേണ്ടി മാത്രം എത്തുന്ന സഞ്ചാരികളുണ്ട്.
ബെനഗിൽ ഗുഹയുടെ ഏറ്റവും ശ്രദ്ധേയമായ സവിശേഷതകളിലൊന്ന് ഉള്ളിൽ സ്ഥിതി ചെയ്യുന്ന ചെറിയ, ഒറ്റപ്പെട്ട കടൽത്തീരമാണ്. ഗുഹയുടെ ഭിത്തിയിലെ ഇടുങ്ങിയ ദ്വാരത്തിനുള്ളിലൂടെ ഒരു ബോട്ടിൽ ഈ മറഞ്ഞിരിക്കുന്ന ബീച്ചിലേക്ക് പ്രവേശിക്കാം. ബെനഗിൽ ഗുഹയിലെത്താൻ, അൽബുഫെയ്‌റ, ലാഗോസ്, പോർട്ടിമാവോ എന്നിവയുൾപ്പെടെ അൽഗാർവിലെ വിവിധ തീരദേശ പട്ടണങ്ങളിൽ നിന്നും ബോട്ടുകള്‍ ഉണ്ട്.
പ്രകൃതിസ്നേഹികളുടെ പറുദീസ - മാസിഡോണിയ
കൊച്ചു യൂറോപ്യന്‍ രാജ്യമായ മാസിഡോണിയയില്‍ നിന്നുള്ള ചിത്രങ്ങളും റിമ പങ്കുവച്ചിട്ടുണ്ട്. വടക്ക് സെർബിയ, കൊസവോ, പടിഞ്ഞാറ് അൽബേനിയ, തെക്ക് ഗ്രീസ്, കിഴക്ക് ബൾഗേറിയ എന്നിവയുമായി അതിർത്തി പങ്കിടുന്ന രാജ്യമാണ് മാസിഡോണിയ. ടൂറിസം ഇവിടുത്തെ സമ്പദ് വ്യവസ്ഥയുടെ വളരെ പ്രധാനപ്പെട്ട ഒരു ഭാഗമാണ്. ഒഹ്രിഡ്, പ്രെസ്പ, ഡോജ്രാൻ എന്നിവിടങ്ങളിൽ മൂന്ന് തടാകങ്ങളും 50 ലധികം ചെറിയ ഗ്ലേഷ്യൽ തടാകങ്ങളും ഉള്ളതിനാൽ തടാക ടൂറിസമാണ് ഇവിടെ ഏറ്റവും പ്രധാനപ്പെട്ടത്. മഹാനായ അലക്‌സാണ്ടറിന്റെ പ്രതിമകളും നിയോക്ലാസിക്കൽ കെട്ടിടങ്ങളും നിറഞ്ഞ തലസ്ഥാന നഗരിയായ സ്‌കോപ്‌ജെയിലെ ഓൾഡ് ബസാറും സ്റ്റോൺ ബ്രിജും കാണേണ്ടതാണ്.
സ്‌കോപ്‌ജെയിൽ നിന്ന് അൽപ്പദൂരം അകലെ സ്ഥിതി ചെയ്യുന്ന മട്ക കാന്യോൺ ആണ് മറ്റൊരു കാഴ്ച. ഈ മലയിടുക്കിൽ ട്രെസ്ക നദിയുടെ ശാന്തമായ മുകള്‍പ്പരപ്പിലൂടെ ബോട്ട് ടൂറുകൾ, കാൽനടയാത്ര, റോക്ക് ക്ലൈംബിങ്, എന്നിവയ്ക്ക് അവസരമുണ്ട്.
"ബാൽക്കണിലെ മുത്ത്" എന്ന് വിളിക്കപ്പെടുന്ന ഒഹ്രിദ് എന്ന മനോഹര നഗരം കാണാതെ മാസിഡോണിയയിലേക്കുള്ള യാത്ര പൂർത്തിയാകില്ല. ഒഹ്രിഡ് തടാകത്തിന്റെ തീരത്തു സ്ഥിതി ചെയ്യുന്ന ഈ യുനെസ്‌കോയുടെ ലോക പൈതൃക കേന്ദ്രം. പുരാതന പള്ളികളും ഓട്ടോമൻ കാലഘട്ടത്തിലെ വാസ്തുവിദ്യയും നിറഞ്ഞയിടം.
ബിസി നാലാം നൂറ്റാണ്ടിലെ ഒരു പുരാവസ്തു സ്ഥലമായ ഹെരാക്ലിയ ലിൻസെസ്റ്റിസിന്റെ പുരാതന അവശിഷ്ടങ്ങള്‍ നിറഞ്ഞ ബിറ്റോളയും ഗ്ലേഷ്യൽ തടാകങ്ങളും ബീച്ചുകളും ഇടതൂര്‍ന്ന വനങ്ങളും നിറഞ്ഞ പെലിസ്റ്റർ ദേശീയോദ്യാനവും കാണേണ്ട കാഴ്ചകളാണ്.