യുജിസി നെറ്റ് സിലബസ് പരിഷ്കരിക്കുന്നു
6 വർഷത്തിനു ശേഷമാണു സിലബസ് പുതുക്കുന്നത്
പുതുക്കിയ സിലബസ് അടിസ്ഥാനത്തിലുള്ള പരീക്ഷ വരുന്ന ജൂൺ സെഷനിൽ നടക്കുമെന്നാണു വിവരം.
കോളജുകളിലെ അസി. പ്രഫസർ നിയമത്തിനു പുറമേ ജൂനിയർ റിസർച് ഫെലോഷിപ് (ജെആർഎഫ്) അനുവദിക്കുന്നതും നെറ്റിന്റെ അടിസ്ഥാനത്തിലാണ്.
വിദ്യാർഥികളിൽ നിന്നും അഭിപ്രായം തേടിയ ശേഷമാകും അന്തിമ സിലബസ് പ്രസിദ്ധീകരിക്കുക.
ഈ മാസം 3നു ചേർന്ന യുജിസി കൗൺസിൽ യോഗത്തിൽ സിലബസ് പരിഷ്കരിക്കാനുള്ള തീരുമാനം അംഗീകരിച്ചു.
2020 ൽ പ്രാബല്യത്തിൽ വന്ന ദേശീയ വിദ്യാഭ്യാസ നയത്തിന്റെ അടിസ്ഥാനത്തിലാണു മാറ്റങ്ങൾ വരുത്തുന്നത്.
83 വിഷയങ്ങളിലെ പരീക്ഷാ സിലബസും മാറും.