ജെഇഇ മെയിൻ ഒന്നാം പേപ്പറിൽ എല്ലാ കാറ്റഗറികളിലെയുമടക്കം ഏറ്റവും ഉയർന്ന രണ്ടരലക്ഷം പേർക്കാണ് ഐഐടി പ്രവേശനത്തിനുള്ള ജെഇഇ അഡ്വാൻസ്ഡ് എഴുതാൻ അർഹത ലഭിക്കുക
ജെഇഇ മെയിൻ 2024 – ഒന്നാം സെഷൻ ജനുവരി 24 മുതൽ ഫെബ്രുവരി 1 വരെ നടന്നു.
സ്കോർ മെച്ചപ്പെടുത്താനും ആദ്യ സെഷനു റജിസ്റ്റർ ചെയ്യാതെ പോയവർക്ക് അപേക്ഷിക്കാനും അവസരമൊരുക്കി പരീക്ഷയുടെ രണ്ടാം സെഷൻ ഏപ്രിൽ 4 മുതൽ 15 വരെ നടത്തും.
രണ്ടു സെഷനിലും പങ്കെടുക്കുന്നവരുടെ മെച്ചമായ സ്കോർ റാങ്കിങ്ങിനു പരിഗണിക്കും.
ജെഇഇ റാങ്കിങ്ങിന് 12ലെ ബോർഡ് പരീക്ഷയിൽ നേടിയ മാർക്ക് നോക്കില്ല.
നേരത്തേ അപേക്ഷിക്കാത്തവർ പുതിയ വിജ്ഞാപനത്തിലെ അനുബന്ധത്തിൽ സൂചിപ്പിച്ചിട്ടുള്ളതുപോലെ ആദ്യ സെഷനു നിർദേശിച്ച നടപടിക്രമങ്ങളെല്ലാം പാലിച്ച് അപേക്ഷിക്കണം.
ജെഇഇ മെയിൻ നടത്തുന്ന എൻടിഎയുടെ (നാഷനൽ ടെസ്റ്റിങ് ഏജൻസി) www.nta.ac.in സൈറ്റിലും വിവരങ്ങളുണ്ട്.