കോളജ് പഠനകാലത്ത് ഏകദേശം 96 കിലോയുണ്ടായിരുന്ന സാറ സിനിമയാണ് തന്‍റെ വഴിയെന്ന് തീരുമാനിച്ചപ്പോള്‍ ഭാരം കുറയ്ക്കാനുള്ള കഠിന പ്രയത്നം ആരംഭിച്ചു
ഒന്നര വര്‍ഷം കൊണ്ട് 40 കിലോയോളം ഭാരം കുറച്ചാണ് സാറ 56 കിലോയിലെത്തിയത്
ഇതിനായി സാറ ജങ്ക് ഫുഡ് പൂര്‍ണമായും ഉപേക്ഷിച്ചു. പിസ്സയുടെയും ബർഗറിന്റെയും ആരാധികയായിരുന്ന സാറ ആരോഗ്യകരമായ ഭക്ഷണ ക്രമത്തിലേക്ക് ശ്രദ്ധ തിരിച്ചു
നിത്യവുമുള്ള വര്‍ക്ക് ഔട്ടും ആരംഭിച്ചു. പോളി സിസ്റ്റിക് ഓവറി ഡിസീസ് ഉള്ളതിനാല്‍ സാധാരണയിലും ഇരട്ടി പ്രയത്നം ഭാരം കുറയ്ക്കാൻ വേണ്ടി വന്നു
ചെറു ചൂട് വെള്ളം കുടിച്ചു കൊണ്ടാണ് സാറയുടെ ദിവസം ആരംഭിക്കുന്നത്. മുട്ടയുടെ വെള്ളയും ടോസ്റ്റും ഇഡ്‌ലി, ദോശ പോലുള്ള ദക്ഷിണേന്ത്യന്‍ വിഭവങ്ങളുമായിരുന്നു പ്രഭാതഭക്ഷണം
ഉച്ചയ്ക്ക് ചപ്പാത്തിയും പരിപ്പും പച്ചക്കറികളും സാലഡും പഴങ്ങളും കഴിച്ചു. വൈകുന്നേരം വിശന്നാല്‍ സ്നാക്സായി ഉപ്പുമാവോ പൊഹയോ കഴിക്കും. അത്താഴത്തിന് ചപ്പാത്തിയും പച്ചക്കറികളും ശീലമാക്കി
വര്‍ക്ക് ഔട്ടിന് മുന്‍പ് മ്യുസലിയോ ഓട്സോ പഴങ്ങളുടെ ഒപ്പം കഴിക്കും. വര്‍ക്ക്ഔട്ടിന് ശേഷം പ്രോട്ടീന്‍ ഷേക്കോ, ടോഫുവോ സാലഡോ പയര്‍ വര്‍ഗങ്ങളോ കഴിക്കും
ജിമ്മിലെ വര്‍ക്ക്ഔട്ട്, പൈലേറ്റ് ക്ലാസുകള്‍, ബൂട്ട് ക്യാംപ് ട്രെയ്നിങ്ങ്, നീന്തല്‍, കിക്ക് ബോക്സിങ് എന്നിവയെല്ലാം അടങ്ങിയതാണ് വ്യായാമക്രമം.