കോഴിക്കോടാണ് ബിജു വർഗീസിന്റെ പുതിയ വീട്. പഴയ വീട് പൊളിച്ചുകളഞ്ഞാണ് പുതിയ വീടിനായി സ്ഥലമൊരുക്കിയത്. പരമാവധി സ്ഥലം ഉപയുക്തമാക്കാൻ ഫ്ലാറ്റ്- ബോക്സ് ആകൃതിയിലാണ് എലിവേഷൻ.
സ്റ്റെയർ സ്‌പേസുള്ള ഹാളിൽ ഒട്ടും സ്ഥലം കളയാതെ വശത്തേക്ക് മാറ്റി ഡൈനിങ് വിന്യസിച്ചു.
സ്‌റ്റെയറിന്റെ താഴെ ഇൻവെർട്ടർ- സ്റ്റോറേജ് സ്‌പേസും അനുബന്ധമായി വാഷ് ഏരിയയും വേർതിരിച്ചു. അപ്പർ ഹാളിൽ ഒരു സ്റ്റഡി സ്‌പേസും ക്രമീകരിച്ചു.
കയ്യൊതുക്കത്തിലുള്ള കിച്ചനാണ് ഒരുക്കിയത്. പ്ലൈ+ ലാമിനേറ്റ്+ അക്രിലിക് ഫിനിഷിലാണ് കിച്ചൻ കബോർഡുകൾ.
സ്റ്റെയർ കയറി അപ്പർ ലിവിങ്ങിൽ എത്താം. ഡബിൾഹൈറ്റ് സീലിങ് രണ്ടുനിലകളെയും കണക്ട് ചെയ്യുന്നു.
അപ്പർ ഹാളിൽനിന്ന് ബാൽക്കണിയിലേക്ക് വാതിലുണ്ട്.