കറ്റാർ വാഴ ഉപയോഗിക്കുമ്പോൾ മുഖം ചൊറിയുകയും ചുവന്നു തുടുക്കുകയും ചെയ്യുന്നവർ ധാരാളമുണ്ട്.

കറ്റാർ വാഴയില മുറിച്ചെടുക്കുമ്പോൾ പുറത്തു വരുന്ന മഞ്ഞ നിറത്തിലുള്ള ലാറ്റെക്സ് ആണ് ഇതിനു കാരണം.

ഇതു കറ്റാർ വാഴ ജെല്ലിൽ കൂടിക്കലരുമ്പോൾ ചൊറിച്ചിൽ ഉണ്ടാകുന്നു. ഒന്നു ശ്രദ്ധിച്ചാല്‍ ഇതൊഴിവാക്കാം.

ചെടിയിൽനിന്ന് കറ്റാർ വാഴയില വേർപ്പെടുത്താൻ മുറിക്കുന്ന ഭാഗം താഴേക്കു വരുന്ന രീതിയിൽ 15 മിനിറ്റ് സൂക്ഷിക്കാം.

കൂടാതെ കറ്റാർ വാഴയില ചെറിയ കഷ്ണങ്ങളാക്കിയ ശേഷവും നന്നായി കഴുകിയെടുക്കാം.

കറ്റാർ വാഴയിലെ ഉപയോഗപ്രദമായ ഭാഗം എടുത്തശേഷവും കഴുകാം. ലാറ്റെക്സ് പരമാവധി നീക്കാന്‍ ഇത് സഹായിക്കും.