മെറ്റ്ഗാലയ്ക്ക് കിം കർദാഷിയാൻ ഹോളിവുഡ് നടന ഇതിഹാസം മെർലിൻ മൺറോയുടെ പ്രശസ്തമായ ഗോൾഡൻ ഗൗൺ ധരിച്ചെത്തിയിരുന്നു.

‌ഇത് ചരിത്രപ്രാധാന്യമുള്ള വസ്ത്രത്തിൽ കേടുപാടുകൾ വരുത്തി. പിന്നാലെ കിമ്മിനെതിരെ വിമർശനം ഉയർന്നു.

വസ്ത്രത്തിലെ അലങ്കാര തെങ്ങലുകളും ക്രിസ്റ്റലുകളും നഷ്ടപ്പെട്ടെന്ന് മെർലിൻ മൺറോ ചരിത്രകാരനായ സ്കോട്ട് ഫോർറ്റനർ ആരോപിച്ചു.

ഇത് സാധൂകരിക്കുന്ന ചിത്രങ്ങൾ ദി മെർലിൻ മൺറോ കലക്‌ഷൻ എന്ന ഇൻസ്റ്റഗ്രാം പേജ് പങ്കുവച്ചിട്ടുണ്ട്.

1962ൽ അന്നത്തെ യുഎസ് പ്രസിഡന്റ് ജോൺ എഫ്. കെന്നഡിയുടെ 45ാം ജന്മദിനാഘോഷ ചടങ്ങിൽ ഈ ഗൗൺ ധരിച്ചാണ് മെർലിൻ എത്തിയത്.

1962ൽ 1440 ഡോളറാണ് ഈ ഗൗണിനായി മുടക്കിയത്. 1999 ൽ 1.26 മില്യൻ ഡോളറിന് ലേലത്തിൽ പോയി. 2016ലെ ലേലത്തിൽ 4.6 മില്യൻ ഡോളർ ലഭിച്ചു.

ഓർലാൻഡോയിലെ ഒരു മ്യൂസിയത്തിൽ സൂക്ഷിച്ചിരുന്ന ഗൗൺ വാടകയ്ക്കെടുത്താണ് മെറ്റ് ഗാലയിൽ കിം ധരിച്ചത്.