മാനസികാരോഗ്യത്തിനിണങ്ങുന്ന പൊതുവായ ആഹാരരീതികൾ ശീലമാക്കുക
സമീകൃതാഹാരം അഥവാ ബാലൻസ്ഡ് ഡയറ്റ് മാനസികാരോഗ്യത്തിന് ഉത്തമമാണ്.
എല്ലാത്തരം പോഷകങ്ങളും ആഹാരത്തിലുൾപ്പെടുത്തുന്ന ഒരാളുടെ മനസ്സിന് നല്ല ഉണർവും ഉൻമേഷവും ഉണ്ടാകും. സമീകൃതാഹാരം കഴിക്കാൻ പ്രത്യേകമായി ശ്രദ്ധിക്കണം.
നമ്മുടെ ശരീരത്തിനാവശ്യമായ എല്ലാ പോഷകങ്ങളും ആവശ്യമായ അളവിൽ അടങ്ങിയ ഭക്ഷണമാണ് സമീകൃതാഹാരം എന്നതുകൊണ്ടുദ്ദേശിക്കുന്നത്.
അന്നജം, കൊഴുപ്പ്, പ്രോട്ടീൻ എന്നിവ കൂടാതെ വൈറ്റമിനുകൾ, ധാതുക്കൾ, ആന്റി ഓക്സിഡന്റുകൾ, ഫൈറ്റോകെമിക്കലുകൾ, നാരുകൾ ഉൾപ്പെടെ സൂക്ഷ്മപോഷകങ്ങളും ആവശ്യമായ അളവിൽ അടങ്ങിയിരിക്കണം.