ആദ്യമായി എത്തിയ ശേഷം പിന്നീട് യൂറോപില്‍ നിന്നും 'മനുഷ്യര്‍' പിന്‍വാങ്ങിയിട്ടില്ലെന്നാണ് നരവംശശാസ്ത്രജ്ഞരുടെ ഇതുവരെയുണ്ടായിരുന്ന ധാരണ
എന്നാല്‍ അങ്ങനെയല്ലെന്നാണ് പുതിയ പഠനവും തെളിവുകളും കാണിക്കുന്നത്.
ഏതാണ്ട് 11 ലക്ഷം വര്‍ഷങ്ങള്‍ക്കു മുമ്പ് യൂറോപില്‍ അതിശൈത്യം വ്യാപിച്ചു.
പിന്നീടുള്ള രണ്ടു ലക്ഷം വര്‍ഷത്തോളം മനുഷ്യ പൂര്‍വികര്‍ യൂറോപിനെ ഉപേക്ഷിച്ചുവെന്നുമാണ് ഇപ്പോഴത്തെ കണ്ടെത്തല്‍.
യൂനിവേഴ്‌സിറ്റി കോളജ് ഓഫ് ലണ്ടന്‍, കേംബ്രിഡ്ജ് സര്‍വകലാശാല, സിഎസ്‌ഐസി ബാഴ്‌സലോണ എന്നിവിടങ്ങളിലെ പാലിയോക്ലൈമറ്റ് ശാസ്ത്രജ്ഞരാണ് പുതിയ കണ്ടെത്തലുകള്‍ക്കു പിന്നില്‍
മൂന്നു ലക്ഷം വര്‍ഷങ്ങള്‍ക്കു മുമ്പാണ് ഹോമോസാപിയന്‍സ് എന്ന ആധുനിക മനുഷ്യന്‍ പിറവിയെടുത്തതെന്നാണ് കരുതപ്പെടുന്നത്
ഹോമോസാപിയന്‍സിനു മുമ്പാണ് ഹോമോ ഇറക്ടസ് എന്ന മനുഷ്യപൂര്‍വികര്‍ ഭൂമിയിലുണ്ടായിരുന്നത്.
ഫോസിലുകളെക്കുറിച്ചുള്ള പഠനങ്ങളില്‍ നിന്നാണ് മനുഷ്യന്റെ പൂര്‍വികരെക്കുറിച്ചുള്ള വിലപ്പെട്ട വിവരങ്ങളില്‍ പലതും ലഭിച്ചിട്ടുള്ളത്.