ഗോണ്ട (യുപി) ∙ ബിജെപിയുടെ കൈസർഗഞ്ച് എംപി ബ്രിജ് ഭൂഷൺ സിങ് പാർട്ടിയോട് ഇടയുന്നു. മുനിസിപ്പൽ തിരഞ്ഞെടുപ്പിൽ നവാബ്ഗഞ്ചിലെ ഔദ്യോഗിക സ്ഥാനാർഥിക്കെതിരെ പ്രചാരണം നടത്തുമെന്ന് അദ്ദേഹം പ്രഖ്യാപിച്ചു. അനുയായികൾക്കു ടിക്കറ്റ് നൽകാത്തതാണ് അദ്ദേഹത്തെ പ്രകോപിപ്പിച്ചത്. സിങ് മുതിർന്ന നേതാവാണെന്നും പ്രശ്നമുണ്ടെങ്കിൽ പാർട്ടിവേദിയിൽ പറയണമെന്നും ബിജെപി വക്താവ് പ്രതികരിച്ചു.
×
