Download Manorama Online App
ന്യൂഡൽഹി ∙ രാഹുൽ ഗാന്ധി യുപിയിലെ അമേഠിയിൽ മത്സരിച്ചേക്കുമെന്ന അഭ്യൂഹം ചൂടുപിടിക്കുന്നു. മേയ് ആദ്യം രാഹുൽ അമേഠിയിൽ നാമനിർദേശപത്രിക സമർപ്പിക്കുമെന്ന് മണ്ഡലത്തിലെ പ്രാദേശിക നേതാക്കൾ അവകാശപ്പെട്ടു. ഇക്കാര്യത്തിൽ അന്തിമ തീരുമാനമായിട്ടില്ലെന്നും വിഷയം ചർച്ച ചെയ്യാൻ വരും ദിവസങ്ങളിൽ യോഗം ചേരുമെന്നും കോൺഗ്രസ് ദേശീയ വൃത്തങ്ങൾ പറഞ്ഞു. വയനാട്ടിൽ തിരഞ്ഞെടുപ്പു കഴിഞ്ഞതോടെ അമേഠിയുടെ കാര്യത്തിൽ ഇനി തീരുമാനം വൈകില്ല. മേയ് 20നാണ് അവിടെ തിരഞ്ഞെടുപ്പ്.
ന്യൂഡൽഹി ∙ കേരളത്തിലെന്നപോലെ മറ്റു സംസ്ഥാനങ്ങളിലും പോളിങ്ങിൽ ഇടിവ്. ദേശീയ തലത്തിൽ ആദ്യഘട്ട വോട്ടെടുപ്പിൽ 4.4% ആയിരുന്നു ഇടിവെങ്കിൽ ഇന്നലെ രണ്ടാം ഘട്ടത്തിൽ ഏകദേശം 6% ഇടിവുണ്ടെന്നാണ് ആദ്യ കണക്കുകൾ സൂചിപ്പിക്കുന്നത്.
ന്യൂഡൽഹി ∙ പ്രിയങ്ക ഗാന്ധിക്കെതിരെ ബിജെപി ടിക്കറ്റിൽ റായ്ബറേലിയിൽ മത്സരിക്കാനില്ലെന്ന് ബിജെപി എംപി വരുൺ ഗാന്ധി. പിലിബിത്തിൽ ഇത്തവണ ടിക്കറ്റ് നിഷേധിക്കപ്പെട്ട വരുൺ തിരഞ്ഞെടുപ്പ് ‘രാഷ്ട്രീയ തമാശക്കളി’യല്ലെന്ന് പ്രധാനമന്ത്രി നരേന്ദ്ര മോദിയടക്കമുള്ള ദേശീയ നേതാക്കളോടു തുറന്നടിച്ചതായി പാർട്ടി വൃത്തങ്ങൾ പറഞ്ഞു. ഇതെക്കുറിച്ച് ചോദിച്ചപ്പോൾ ‘രഹസ്യമായി സംസാരിച്ച കാര്യങ്ങൾ പരസ്യമാക്കുന്നത് ധാർമികതയ്ക്കു നിരക്കുന്നതല്ല’ എന്നാണ് വരുൺ ഗാന്ധി ‘മനോരമ’യോടു പ്രതികരിച്ചത്.
ന്യൂഡൽഹി ∙ അധികാരം കൈവശം വയ്ക്കുന്നതിൽ മാത്രമാണു ഡൽഹി സർക്കാരിനു താൽപര്യമെന്നും താഴെത്തട്ടിൽ ഒന്നും നടക്കുന്നില്ലെന്നും ഡൽഹി ഹൈക്കോടതിയുടെ വിമർശനം. ദേശീയ തലസ്ഥാന മേഖലയിലെ വിവിധ പദ്ധതികൾ തടസ്സപ്പെട്ടിരിക്കുന്നതുൾപ്പെടെയുള്ള വിഷയങ്ങളിലാണ് ആക്ടിങ് ചീഫ് ജസ്റ്റിസ് മൻമോഹന്റെ നിരീക്ഷണം.
ബെംഗളൂരു∙ ബീദറിലെ ബിജെപി സ്ഥാനാർഥിയും കേന്ദ്ര സഹമന്ത്രിയുമായ ഭഗവന്ത് ഖൂബയുടെ തിരഞ്ഞെടുപ്പ് പ്രചാരണത്തിൽ നിന്ന് 2 എംഎൽഎമാർ വിട്ടുനിൽക്കുന്നത് പാർട്ടിക്ക് തലവേദനയാകുന്നു. ഖൂബയ്ക്കു വീണ്ടും സീറ്റ് നൽകുന്നതിനെ തുടക്കം മുതൽ എതിർത്ത ശരണു സലഗർ, പ്രഭു ചൗഹാൻ എന്നിവരാണു പ്രചാരണത്തിനിറങ്ങാത്തത്.
ബെംഗളൂരു∙ വോട്ടെടുപ്പിനു തലേന്ന് അനുയായികളിൽ നിന്ന് 4.8 കോടി രൂപ പിടിച്ചെടുത്തതിന് ചിക്കബെല്ലാപുരയിലെ ബിജെപി സ്ഥാനാർഥി ഡോ.കെ.സുധാകറിനെതിരെ പൊലീസ് കേസെടുത്തു. വോട്ടർമാർക്ക് വിതരണം ചെയ്യാനുള്ള പണമാണെന്നാണ് ആരോപണം.
ന്യൂയോർക്ക് ∙ യുഎസിൽ അറസ്റ്റ് ചെറുത്ത ഇന്ത്യൻ വംശജനെ പൊലീസ് വെടിവച്ചുകൊന്നു. കൂട്ടുകാരിയെ ആക്രമിച്ച കേസിൽ പ്രതിയായ സച്ചിൻ കുമാർ സാഹു ആണു കൊല്ലപ്പെട്ടത്. ടെക്സസ് നഗരത്തിലെ സാൻ അന്റോണിയോയിൽ ഈ മാസ് 21ന് ആണു സംഭവം. അറസ്റ്റിനെത്തിയ 2 പൊലീസ് ഓഫിസർമാരെ വാഹനമിടിപ്പിക്കാൻ ശ്രമിച്ചതോടെയാണു ഓഫിസർമാരിലൊരാൾ വെടിയുതിർത്തത്.
ന്യൂഡൽഹി∙ 88 മണ്ഡലങ്ങളിലായി നടക്കുന്ന രണ്ടാംഘട്ട ലോക്സഭാ തിരഞ്ഞെടുപ്പിൽ 5 മണിവരെ 61 ശതമാനം പോളിങ്. 1200 സ്ഥാനാർഥികളാണ് തിരഞ്ഞെടുപ്പിൽ ജനവിധി തേടുന്നത്. മണിപ്പൂർ, ഛത്തീസ്ഗഡ്, ബംഗാൾ, അസം, ത്രിപുര എന്നിവിടങ്ങളിൽ 53% പോളിങ് രേഖപ്പെടുത്തിയപ്പോൾ മഹാരാഷ്ട്രയിലാണ് പോളിങ് ശതമാനം ഏറ്റ
പഞ്ഞിമിഠായിയിൽ (കോട്ടൺ കാൻഡി) രാസപദാർഥങ്ങൾകൊണ്ടു കൃത്രിമമായി നിറം ചേർക്കുന്നത് അടുത്തിടെയാണു കർണാടക നിരോധിച്ചത്. എന്നാൽ, തടവും പിഴയും ലഭിക്കാതെ എങ്ങനെ നിറങ്ങൾ മാറ്റാം എന്നാലോചിക്കുകയാണ് കർണാടക, അതുപക്ഷേ രാഷ്ട്രീയ മിഠായിയിൽ ആണെന്നു മാത്രം. ദക്ഷിണേന്ത്യയിൽ കാവിക്കൊടി പാറിക്കാൻ ആഞ്ഞുശ്രമിക്കുന്ന
ന്യൂഡൽഹി ∙ പ്രധാനമന്ത്രി നരേന്ദ്ര മോദി, കോൺഗ്രസ് നേതാക്കളായ രാഹുൽ ഗാന്ധി, മല്ലികാർജുൻ ഖർഗെ എന്നിവർ വിദ്വേഷ പ്രസംഗം നടത്തിയെന്ന പരാതിയിൽ ബിജെപിക്കും കോൺഗ്രസിനും തിരഞ്ഞെടുപ്പു കമ്മിഷൻ കാരണം കാണിക്കൽ നോട്ടിസയച്ചു. 29ന് രാവിലെ 11 മണിക്കകം വിശദീകരണം നൽകാനാണ് നിർദേശം, പറഞ്ഞതിന്റെ ഉത്തരവാദിത്തം പ്രസംഗിച്ചവർക്കാണെങ്കിലും ഓരോ കേസിന്റെയും സാഹചര്യം പരിഗണിച്ച് പാർട്ടികൾക്ക് നോട്ടിസ് അയയ്ക്കുമെന്നാണ് തിരഞ്ഞെടുപ്പു കമ്മിഷന്റെ വിശദീകരണം.
നാഗർകോവിൽ ∙ മുള്ളൻപന്നിയെ പിടിക്കുന്നതിനിടെ മുഖത്തും കഴുത്തിലും ആഴത്തിൽ മുള്ളുകൾ തറച്ചതിനെ തുടർന്നു മുറിവേറ്റതും ഭക്ഷണം കഴിക്കാനാവാതെ വന്നതുമാണ് പേച്ചിപ്പാറയ്ക്ക് സമീപം കുലശേഖരത്ത് പെൺകടുവ ചത്തതിനു കാരണമെന്ന് വനംവകുപ്പ്. ഒരാഴ്ചയെങ്കിലും മുൻപാണ് കടുവയ്ക്ക് പരുക്കേറ്റതെന്നു കരുതുന്നു. അത്രയും ദിവസമായി ഭക്ഷണം കഴിക്കാനോ വെള്ളം കുടിക്കാനോ കഴിഞ്ഞിട്ടില്ലെന്നാണു പോസ്റ്റ്മോർട്ടത്തിലെ കണ്ടെത്തൽ.
ഒഡീഷയിലെ ഹിഞ്ചിലികട്ടിലെ തിരക്കുപിടിച്ച മാർക്കറ്റിലെത്തി ഇനിയെങ്ങോട്ട് എന്നു സംശയിച്ചു നിന്നപ്പോൾ നാൽക്കവലയ്ക്കു നടുക്കു നിന്ന് ബിജു പട്നായിക്കിന്റെ പ്രതിമ വിരൽ ചൂണ്ടി- ദാ അങ്ങോട്ട്! 10 മിനിറ്റ് മുന്നോട്ടു പോയി സമരജോളിലെത്തിയപ്പോൾ പാതയോരത്ത് പട്നായിക്കിന്റെ പുത്രനും ഒഡീഷ മുഖ്യമന്ത്രിയുമായ നവീന്റെ പടുകൂറ്റൻ ഫ്ലക്സുകൾ നിറഞ്ഞു നിൽക്കുന്ന വലിയ വേദി.
ന്യൂഡൽഹി ∙ ജാർഖണ്ഡ് മുൻ മുഖ്യമന്ത്രിയും ജെഎംഎം നേതാവുമായ ഹേമന്ദ് സോറന്റെ ഭാര്യ കൽപന സജീവരാഷ്ട്രീയത്തിലേക്ക്. ഗോണ്ഡേയ് മണ്ഡലത്തിൽ മേയ് 20നു നടക്കുന്ന ഉപതിരഞ്ഞെടുപ്പിൽ പാർട്ടി സ്ഥാനാർഥിയായി കൽപന മത്സരിക്കും.
ന്യൂഡൽഹി ∙ കോൺഗ്രസ് അധികാരത്തിലേറിയാൽ ജനങ്ങളുടെ സ്വത്തുക്കൾ പിടിച്ചെടുത്ത് വീതംവയ്ക്കുമെന്ന ആരോപണത്തെ രൂക്ഷമായ ഭാഷയിൽ വിമർശിച്ച് കോൺഗ്രസ് പ്രസിഡന്റ് മല്ലികാർജുൻ ഖർഗെ പ്രധാനമന്ത്രി നരേന്ദ്ര മോദിക്ക് കത്തയച്ചു. കോൺഗ്രസ് പ്രകടനപത്രികയിലെ വാഗ്ദാനങ്ങളെക്കുറിച്ച് വിശദീകരിക്കുന്നതിനു മോദിയുമായി കൂടിക്കാഴ്ച നടത്താൻ സന്തോഷമേയുള്ളൂവെന്ന് ഖർഗെ പറഞ്ഞു. അങ്ങനെയെങ്കിലും പ്രധാനമന്ത്രി തെറ്റായ പരാമർശങ്ങൾ നടത്തുന്നത് നിർത്തുമല്ലോയെന്നും അദ്ദേഹം പറഞ്ഞു.
ഹൈദരാബാദ് ∙ ബിസിനസ് ക്ലാസ് ടിക്കറ്റിൽ സിംഗപ്പൂർ എയർലൈൻസിൽ യാത്ര ചെയ്ത തെലങ്കാന ഡിജിപിക്കും ഭാര്യയ്ക്കും ചാരിക്കിടക്കാവുന്ന സീറ്റുകൾ പ്രവർത്തനക്ഷമമല്ലാതിരുന്നതുമൂലമുള്ള അസൗകര്യത്തിനു 2 ലക്ഷം രൂപ നഷ്ടപരിഹാരം. കഴിഞ്ഞ വർഷം മേയ് 23ന് ഹൈദരാബാദിൽ നിന്ന് ഓസ്ട്രേലിയയിലേക്കുള്ള യാത്രയിലാണ് ഡിജിപി രവി ഗുപ്തയ്ക്കും ഭാര്യ അഞ്ജലിക്കും സീറ്റിൽ ചാരിക്കിടക്കാൻ കഴിയാതിരുന്നതു മൂലം ഒരു രാത്രി മുഴുവൻ അസൗകര്യം ഉണ്ടായത്. എയർലൈൻസിൽ പരാതിപ്പെട്ടെങ്കിലും 10,000 രൂപ നൽകാമെന്നായിരുന്നു വാഗ്ദാനം. ജില്ലാ ഉപഭോക്തൃ കോടതിയെ സമീപിച്ചപ്പോൾ ടിക്കറ്റ് തുകയായ 97,500 രൂപ 12% പലിശ സഹിതം തിരിച്ചുനൽകാനും ഒരു ലക്ഷം രൂപ നഷ്ടപരിഹാരം നൽകാനും വിധിച്ചു.
ന്യൂഡൽഹി ∙ സുപ്രീം കോടതി നടപടികളുമായി ബന്ധപ്പെട്ട വിവരങ്ങൾ ഇനി വാട്സാപ്പിലും ലഭ്യമാക്കും. കേസ് ലിസ്റ്റ്, ഫയൽ ചെയ്യുന്ന വിവരങ്ങൾ എന്നിവയെല്ലാം അഭിഭാഷകർക്കു വാട്സാപ്പിലൂടെ ലഭ്യമാക്കുമെന്ന് ചീഫ് ജസ്റ്റിസ് ഡി.വൈ.ചന്ദ്രചൂഡ് വ്യക്തമാക്കി. 8767687676 എന്നതാണു സുപ്രീം കോടതിയുടെ ഔദ്യോഗിക വാട്സാപ് നമ്പർ. എന്നാൽ, ഇതിലേക്കു സന്ദേശം അയയ്ക്കാനോ വിളിക്കാനോ സാധിക്കില്ല.
ബെംഗളൂരുവിൽ ജീവിതം അങ്ങനെയാണ്. വർക് ഫ്രം ഹോം, വർക് ഫ്രം ഓഫിസ് ഇവ പോലെ തന്നെ പോപ്പുലർ ആവുകയാണ് വർക് ഫ്രം ട്രാഫിക്. ഗതാഗതക്കുരുക്ക് മണിക്കൂറുകളോളം നീളുമ്പോൾ സ്കൂട്ടറിൽ ഇരുന്നുപോലും ഓൺലൈൻ യോഗത്തിൽ പങ്കെടുക്കേണ്ടി വരും.
ന്യൂഡൽഹി ∙ തൃണമൂൽ കോൺഗ്രസ് നേതാവും മുൻ ലോക്സഭാംഗവുമായ മഹുവ മൊയ്ത്രയ്ക്കെതിരെ നൽകിയ മാനനഷ്ടക്കേസ് അഭിഭാഷകൻ ജയ് ആനന്ദ് ദെഹാദ്റായ് പിൻവലിച്ചു. സമൂഹമാധ്യമങ്ങളിലൂടെ തേജോവധം ചെയ്യുന്നുവെന്നു കാട്ടിയാണ് 2 കോടി രൂപ നഷ്ടപരിഹാരം തേടി ജയ് ആനന്ദ് കോടതിയെ സമീപിച്ചത്.
ന്യൂഡൽഹി ∙ കൈക്കൂലിയായി നൽകിയ പണം തിരികെക്കിട്ടാൻ കമ്പനികളെ സഹായിക്കുന്ന മദ്യനയം രൂപീകരിക്കുന്നതിൽ പങ്കാളിയായതിലൂടെ, കുറ്റകൃത്യവുമായി ഡൽഹി മുഖ്യമന്ത്രി അരവിന്ദ് കേജ്രിവാൾ നേരിട്ടും അല്ലാതെയും പങ്കാളിയായെന്ന് എൻഫോഴ്സ്മെന്റ് ഡയറക്ടറേറ്റ് സുപ്രീം കോടതിയിൽ അറിയിച്ചു. മദ്യനയ അഴിമതിക്കേസിലെ അറസ്റ്റുൾപ്പെടെയുള്ള നടപടികൾ ചോദ്യം ചെയ്തു കേജ്രിവാൾ നൽകിയ ഹർജിയിലാണ് ഇ.ഡിയുടെ സത്യവാങ്മൂലം.
കോയമ്പത്തൂർ ∙ ഷേക്ക് ഹാൻഡ് നൽകിയതിനെത്തുടർന്നുണ്ടായ തർക്കത്തിന്റെ ഭാഗമായി ഇരുചക്ര വാഹനത്തിൽ സഞ്ചരിച്ചവരെ കാറിടിപ്പിച്ച സംഭവത്തിൽ രണ്ടാമത്തെയാളും മരിച്ചു. പെരിയനായക്കംപാളയം ശിവാനന്ദപുരം വസന്തകുമാർ (25) ആണു ബുധനാഴ്ച കോയമ്പത്തൂരിലെ സ്വകാര്യ ആശുപത്രിയിൽ മരിച്ചത്. അപകടത്തിൽ സുഹൃത്ത് ജ്യോതിപുരം സ്വദേശി അരുൾ പാണ്ഡ്യൻ (26) സംഭവ സ്ഥലത്തു തന്നെ മരിച്ചിരുന്നു.
ന്യൂഡൽഹി ∙ വോട്ടിങ് യന്ത്രത്തിലെ വിവിപാറ്റ് സ്ലിപ്പുകൾ (വോട്ടർ വെരിഫൈഡ് പേപ്പർ ഓഡിറ്റ് ട്രയൽ) പൂർണമായി പരിശോധിക്കണമെന്നാവശ്യപ്പെട്ടുള്ള ഹർജികളിൽ സുപ്രീം കോടതി നാളെ വിധി പറയും. ജസ്റ്റിസുമാരായ സഞ്ജീവ് ഖന്ന, ദിപാങ്കർ ദത്ത എന്നിവരുടെ ബെഞ്ചാണ് വിധി പറയുന്നത്. ഇരുവരും പ്രത്യേകം വിധി പറയും. അസോസിയേഷൻ ഫോർ
ന്യൂഡൽഹി∙ ലണ്ടനിലെ ഇന്ത്യൻ ഹൈക്കമ്മിഷൻ ആക്രമിച്ച കേസിൽ മുഖ്യപ്രതി അറസ്റ്റിൽ. ഇന്ദർപാൽ സിങ് ഗാബ എന്നയാളാണ് അറസ്റ്റിലായത്. ദേശീയ അന്വേഷണ ഏജൻസി (എൻഐഎ) ആണ് ഇയാളെ പിടികൂടിയത്. ഇന്ത്യൻ ഹൈക്കമ്മിഷനും ഉദ്യോഗസ്ഥർക്കുമെതിരെ ഹീനമായ ആക്രമണങ്ങൾ അഴിച്ചുവിടുന്നതുമായി ബന്ധപ്പെട്ടു നടത്തിയ ഗൂഢാലോചനയുടെ ഭാഗമാണ് കഴിഞ്ഞ വർഷം മാർച്ചിൽ അരങ്ങേറിയതെന്ന് എൻഐഎ
പട്ന ∙ പട്ന ജംക്ഷൻ റെയിൽവേ സ്റ്റേഷനു സമീപമുള്ള ഹോട്ടലിൽ ഗ്യാസ് സിലിണ്ടർ പൊട്ടിത്തെറിച്ചുണ്ടായ തീപിടിത്തത്തിൽ ആറു പേർ മരിച്ചു. മുപ്പതോളം പേർക്കു പൊള്ളലേറ്റു. ഇതിൽ ഗുരുതരമായി പൊള്ളലേറ്റ 12 പേർ പട്ന മെഡിക്കൽ കോളജ് ആശുപത്രിയിൽ ചികിൽസയിലാണ്. മരിച്ചവരിൽ മൂന്നു സ്ത്രീകളും ഉൾപ്പെടുന്നു. രാവിലെ 10.45നാണ്
ന്യൂഡൽഹി ∙ തിരഞ്ഞെടുപ്പ് കമ്മിഷന് പ്രധാനമന്ത്രി നരേന്ദ്ര മോദിയോട് അമിത കരുതലാണെന്ന് കോണ്ഗ്രസ് നേതാവ് ജയറാം രമേശ്. അതിനാലാണ് വിദ്വേഷ പ്രസംഗത്തിൽ നേരിട്ട് നോട്ടിസ് നൽകാത്തത്. മോദിക്കെതിരായ പരാതികളിൽ കമ്മിഷൻ നടപടി സ്വീകരിക്കുമെന്നാണ് പ്രതീക്ഷ. കമ്മിഷന്റെ നോട്ടിസിന് കോൺഗ്രസ് മറുപടി നൽകുമെന്നും ജയറാം
ഭോപാൽ∙ കേന്ദ്രസർക്കാരിന്റെ വികസനത്തിനു മതഭേദമില്ലെന്നു പ്രധാനമന്ത്രി നരേന്ദ്ര മോദി. എല്ലാവർക്കും തുല്യ അവസരവും അവകാശവും എന്നതാണു ബിജെപി നയം. രാജ്യത്തെ വിഭവങ്ങൾക്ക് ആദ്യ അവസരം ദരിദ്രർക്കും ആദിവാസികൾക്കുമാണ്.
ന്യൂഡൽഹി∙ പ്രധാനമന്ത്രി നരേന്ദ്ര മോദി നടത്തിയ വിദ്വേഷ പ്രസംഗത്തിൽ ബിജെപിക്ക് നോട്ടിസ് അയച്ച് തിരഞ്ഞെടുപ്പ് കമ്മിഷൻ. തിങ്കളാഴ്ചയ്ക്കകം പാർട്ടി അധ്യക്ഷൻ ജെ.പി.നഡ്ഡ വിശദീകരണം നൽകണമെന്നാണ് നിർദേശം. അതേസമയം, രാഹുൽ ഗാന്ധിക്കെതിരായ ബിജെപിയുടെ പരാതിയിൽ കോൺഗ്രസ് അധ്യക്ഷൻ മല്ലികാർജുൻ ഖർഗെയ്ക്കും നോട്ടിസ് നൽകിയിട്ടുണ്ട്.
ആധുനികകാലത്ത് തിരഞ്ഞെടുപ്പുസമയത്ത് കേന്ദ്രനിരീക്ഷകരായി ഉദ്യോഗസ്ഥരെത്തുമ്പോൾ ആദ്യ കാലത്ത് അവരെ കൂടാതെ പുലിയും കടുവയും ‘നിരീക്ഷക’രായി എത്തുമായിരുന്നു. ആന്ധ്രപ്രദേശിലെ ഒരു പോളിങ് ബൂത്തിലാണ് പോളിങിനു തലേന്ന് പാതിരാത്രിയില് ഒരു പുലിയും പോളിങിനുശേഷം ഉദ്യോഗസ്ഥര് മടങ്ങുമ്പോള് ഒരു കടുവയും
പട്ന∙ ബിഹാർ മുഖ്യമന്ത്രി നിതീഷ് കുമാറിന്റെ ജനതാദൾ യുണൈറ്റഡ് പാർട്ടിയിലെ യുവ നേതാവ് സൗരഭ് കുമാർ വെടിയേറ്റു മരിച്ചു. പട്നയിലെ വിവാഹത്തിൽ പങ്കെടുത്ത് മടങ്ങിയ സൗരഭിനു നേരെ
മുംബൈ∙ നിയമവിരുദ്ധമായി ഐപിഎൽ മത്സരങ്ങൾ സംപ്രേഷണം ചെയ്ത കേസിൽ ചോദ്യം ചെയ്യലിനു ഹാജരാകാൻ ആവശ്യപ്പെട്ട് നടി തമന്ന ഭാട്ടിയയ്ക്ക് നോട്ടിസ്. മഹാരാഷ്ട്ര സൈബർ സെല്ലാണ് നോട്ടിസ് അയച്ചത്.
പട്ന∙ ബിജെപി ദേശീയ പ്രസിഡന്റ് ജെ.പി. നഡ്ഡയ്ക്കെതിരെ ഗുരുതര ആരോപണവുമായി തേജസ്വി യാദവ്. നഡ്ഡ ബിഹാറിലെത്തിയത് അഞ്ച് വലിയ ബാഗുകളുമായാണെന്നു തേജസ്വി യാദവ് ആരോപിച്ചു. വോട്ടെടുപ്പ് നടക്കുന്നിടത്ത് ബാഗുകൾ എത്തിച്ചു. ബാഗുകൾ പരിശോധിക്കണമെന്നും തേജസ്വി യാദവ് ആവശ്യപ്പെട്ടു. ബിഹാറിൽ തിരഞ്ഞെടുപ്പു റാലിയെ അഭിസംബോധന ചെയ്തു സംസാരിക്കുകയായിരുന്നു തേജസ്വി യാദവ്.
കൊൽക്കത്ത∙ കൽക്കട്ട ഹൈക്കോടതിയെ ബിജെപി വിലയ്ക്കുവാങ്ങിയെന്ന് ബംഗാൾ മുഖ്യമന്ത്രി മമത ബാനർജി. 2016ലെ അധ്യാപക നിയമന ഉത്തരവ് റദ്ദാക്കിയ ഹൈക്കോടതി വിധിയുടെ പശ്ചാത്തലത്തിലാണു മമതയുടെ ആരോപണം. ഒരു വോട്ടുപോലും ആരും ബിജെപിക്കും കോൺഗ്രസിനും സിപിഎമ്മിനും ചെയ്യാൻ പോകുന്നില്ലെന്നും അവർ പറഞ്ഞു. കോടതിവിധിയുടെ പശ്ചാത്തലത്തിൽ 26,000 അധ്യാപകർക്കാണു ജോലി നഷ്ടമായത്. ഹൈക്കോടതി വിധിയെ ചോദ്യം ചെയ്ത് സംസ്ഥാന സർക്കാർ സുപ്രീം കോടതിയെ സമീപിച്ചിരിക്കുകയാണ്.
ചെന്നൈ∙ 28 കോടി രൂപ വിലമതിക്കുന്ന ഒരു കിലോ കൊക്കെയ്നുമായി രാജസ്ഥാൻ സ്വദേശി വിമാനത്താവളത്തിൽ പിടിയിലായി. ദോഹയിൽനിന്നെത്തിയ ഭരത് വസിതെയുടെ ബാഗിൽനിന്നാണ് ലഹരിവസ്തുക്കൾ പിടികൂടിയതെന്നു ഡയറക്ടറേറ്റ് ഓഫ് റവന്യു ഇന്റലിജൻസ് (ഡിആർഐ) ഉദ്യോഗസ്ഥർ പറഞ്ഞു. വിദേശത്തുനിന്ന് ലഹരി കടത്തുന്നതു സംബന്ധിച്ചു ലഭിച്ച രഹസ്യവിവരത്തിന്റെ അടിസ്ഥാനത്തിൽ വിമാനത്താവളത്തിൽ ഡിആർഐ പരിശോധനകൾ ശക്തമാക്കിയിരുന്നു.
ന്യൂഡൽഹി∙ പ്രധാനമന്ത്രി നരേന്ദ്ര മോദിയുടെ രാമക്ഷേത്രവുമായി ബന്ധപ്പെട്ട പരാമർശത്തിൽ തീരുമാനം എടുക്കാതെ തിരഞ്ഞെടുപ്പ് കമ്മിഷൻ. രാമക്ഷേത്രത്തെ കുറിച്ചു പ്രധാനമന്ത്രി നടത്തിയ പരാമർശത്തിൽ ചട്ടലംഘനമില്ലെന്നു തിരഞ്ഞെടുപ്പ് കമ്മിഷൻ വ്യക്തമാക്കി. സിഖ് വിശുദ്ധ ഗ്രന്ഥം ഇന്ത്യയിലെത്തിക്കാനുള്ള നടപടികൾ സ്വീകരിച്ചതിലും ചട്ടലംഘനമില്ല. ഉത്തർപ്രദേശിലെ പിലിബിത്തിലെ തിരഞ്ഞെടുപ്പ് റാലിക്കിടെയായിരുന്നു പരാതിക്കിടയാക്കിയ പരാമർശം.
ന്യൂഡൽഹി ∙ കോൺഗ്രസ് രാജ്യത്ത് അധികാരത്തിലേറിയാൽ ജനങ്ങളുടെ സ്വത്ത് വിതരണം ചെയ്യുമെന്നും സ്ത്രീകളുടെ താലിമാല പോലും സുരക്ഷിതമായിരിക്കില്ലെന്നും വിമർശിച്ച പ്രധാനമന്ത്രി നരേന്ദ്ര മോദിക്കു പ്രിയങ്ക ഗാന്ധിയുടെ കടുത്ത മറുപടി. രാജ്യത്തിനു വേണ്ടി താലിമാല സമർപ്പിച്ച ആളാണു തന്റെ അമ്മയെന്ന് അച്ഛൻ രാജീവ് ഗാന്ധിയുടെ രക്തസാക്ഷിത്വം പരാമർശിച്ച് പ്രിയങ്ക പറഞ്ഞു.
ന്യൂഡൽഹി ∙ വോട്ടിങ് യന്ത്രങ്ങളെക്കുറിച്ചു സംശയം ഉയർന്നെന്നപേരിൽ തിരഞ്ഞെടുപ്പുനടപടികൾ നിയന്ത്രിക്കാനോ നിർദേശങ്ങൾ നൽകാനോ സാധിക്കില്ലെന്നു സുപ്രീം കോടതി പറഞ്ഞു. വോട്ടിങ് യന്ത്രത്തിലെ വിവിപാറ്റ് സ്ലിപ്പുകൾ (വോട്ടർ വെരിഫൈഡ് പേപ്പർ ഓഡിറ്റ് ട്രയൽ) പൂർണമായി പരിശോധിക്കണമെന്നാവശ്യപ്പെട്ടുള്ള ഹർജികൾ വിധി പറയാൻ മാറ്റിയാണു കോടതി ഇക്കാര്യം വ്യക്തമാക്കിയത്.
കൊൽക്കത്ത ∙ മണിപ്പുരിൽ തിരഞ്ഞെടുപ്പിന്റെ അവസാനഘട്ടത്തിനു തൊട്ടുമുൻപു വീണ്ടും വ്യാപകമായ അക്രമം. കാങ്പോക്പിയിൽ ദേശീയപാതയിലെ പാലം 3 സ്ഫോടനങ്ങളിൽ ഭാഗികമായി തകർത്തു. ഇതോടെ ഗതാഗതം തിരിച്ചുവിട്ടു. ഇംഫാലിനെയും നാഗാലാൻഡിലെ ദിമാപുരിനെയും ബന്ധിപ്പിക്കുന്ന പ്രധാന ദേശീയപാതയിലെ പാലത്തിലായിരുന്നു സ്ഫോടനം.
ന്യൂഡൽഹി ∙ പ്രധാനമന്ത്രി നരേന്ദ്ര മോദിയുടെ വിദ്വേഷ പ്രസംഗം കഴിഞ്ഞ് 4 ദിവസമായിട്ടും അനങ്ങാതെ കേന്ദ്ര തിരഞ്ഞെടുപ്പ് കമ്മിഷൻ. പരാതി ലഭിച്ചുവെന്നും പരിശോധിച്ചുവെന്നുമുള്ള കഴിഞ്ഞ ദിവസത്തെ അനൗദ്യോഗിക പ്രതികരണമല്ലാതെ മറ്റ് ആശയവിനിമയമില്ല.
ന്യൂഡൽഹി ∙ ജാതി സെൻസസ് നടത്തുമെന്ന വാഗ്ദാനത്തെ സ്വത്ത് വിതരണം ചെയ്യാനുള്ള നീക്കമായി വ്യാഖ്യാനിച്ച് പ്രധാനമന്ത്രി നരേന്ദ്ര മോദി ആരംഭിച്ച കടന്നാക്രമണത്തെ ചെറുക്കാൻ കോൺഗ്രസിന്റെ തീവ്രശ്രമം. ലോക്സഭാ തിരഞ്ഞെടുപ്പ് ലക്ഷ്യമിട്ട് ഒരു വർഷമായി കോൺഗ്രസ് നട്ടുനനച്ചു വളർത്തിയെടുത്ത പ്രചാരണതന്ത്രത്തെയാണ് കഴിഞ്ഞ ഏതാനും ദിവസമായി മോദി കടന്നാക്രമിക്കുന്നത്.
ന്യൂഡൽഹി ∙ മതത്തിന്റെ പേരിൽ സംവരണം നടപ്പാക്കാൻ കോൺഗ്രസ് ശ്രമിക്കുന്നുവെന്നു പ്രധാനമന്ത്രി നരേന്ദ്ര മോദി. ന്യൂനപക്ഷങ്ങൾക്ക് അനുകൂലമായി കോൺഗ്രസ് സ്വീകരിച്ച നിലപാടുകളെ വീണ്ടും ആക്രമിച്ച പ്രധാനമന്ത്രി, സംവരണ തത്വങ്ങൾ പാർട്ടി അട്ടിമറിക്കുകയാണെന്നും ആരോപിച്ചു. കഴിഞ്ഞ ദിവസങ്ങളിൽ നടത്തിയ വിദ്വേഷ പ്രസംഗങ്ങളിൽ പ്രതിഷേധമുയർന്നിട്ടും ആരോപണങ്ങൾ കടുപ്പിക്കുകയാണു മോദി.
വൊക്കലിഗ ശക്തികേന്ദ്രമായ കർണാടകയിലെ മണ്ഡ്യയിൽ മുൻ പ്രധാനമന്ത്രി എച്ച്.ഡി.ദേവെഗൗഡയുടെ കുടുംബത്തിന്റെ വിളയാട്ടമാണ്. ഇതേ മണ്ഡലത്തിൽപ്പെട്ട ചന്നപട്ടണയിലെ എംഎൽഎയാണ് ഗൗഡയുടെ മകനും മുൻ മുഖ്യമന്ത്രിയുമായ എച്ച്.ഡി.കുമാരസ്വാമി. ഇലക്ഷൻ വന്നാൽ ഇരിപ്പുറയ്ക്കാത്ത ഗൗഡമാർ നിയമസഭയിലേക്കും ലോക്സഭയിലേക്കും മാറിമാറി മത്സരിക്കും.
മുംബൈ ∙ 25,000 കോടി രൂപയുടെ സഹകരണ ബാങ്ക് ക്രമക്കേടിൽ മഹാരാഷ്ട്ര ഉപമുഖ്യമന്ത്രി അജിത് പവാർ, ഭാര്യ സുനേത്ര, ശരദ് പവാർ പക്ഷത്തെ നേതാവ് രോഹിത് പവാർ എന്നിവർക്ക് സാമ്പത്തിക കുറ്റകൃത്യ വിഭാഗം ക്ലീൻ ചിറ്റ് നൽകി. ആരോപണങ്ങളിൽ തെളിവില്ലാത്തതിനാൽ അന്വേഷണം അവസാനിപ്പിക്കുന്നതായി ചൂണ്ടിക്കാട്ടി ജനുവരിയിൽ തന്നെ കോടതിയിൽ റിപ്പോർട്ട് നൽകിയിരുന്നു.
ന്യൂഡൽഹി ∙ പ്രധാനമന്ത്രിക്കെതിരെ ഗൂഢാലോചന നടത്തുന്നതു പ്രഥമദൃഷ്ട്യാ രാജ്യദ്രോഹത്തിനു തുല്യമാണെന്നും ഇത്തരം ആരോപണം ഒരു വ്യക്തിക്കെതിരെയും അനാവശ്യമായി പ്രയോഗിക്കാൻ പാടില്ലെന്നും ഡൽഹി ഹൈക്കോടതി പരാമർശിച്ചു. അഭിഭാഷകൻ ജയ് ആനന്ദ് ദെഹദ്റായിക്കെതിരെ ബിജെഡി എംപിയും മുതിർന്ന അഭിഭാഷകനുമായ പിനാകി മിശ്ര നൽകിയ മാനനഷ്ടക്കേസ് പരിഗണിക്കുമ്പോഴായിരുന്നു ജസ്റ്റിസ് ജസ്മീത് സിങ് ഇക്കാര്യം പരാമർശിച്ചത്.
ചെന്നൈ ∙തിരുനെൽവേലിയിലെ ബിജെപി സ്ഥാനാർഥിയും പാർട്ടി എംഎൽഎയുമായ നൈനാർ നാഗേന്ദ്രന്റെ ജീവനക്കാരിൽ നിന്നു പിടിച്ചെടുത്ത 4 കോടിയോളം രൂപയുടെ സ്രോതസ്സ് കണ്ടെത്താൻ പൊലീസ് ശ്രമം തുടങ്ങി. നൈനാറിന്റെ ബന്ധുവിനെയും കമ്പനിയിലെ 2 ജീവനക്കാരെയും പൊലീസ് ചോദ്യം ചെയ്തു. ഇവരിൽ നിന്ന് നിർണായക വിവരങ്ങൾ ലഭിച്ച പൊലീസ് എംഎൽഎയ്ക്ക് വീണ്ടും സമൻസ് നൽകി. നേരത്തേ ചോദ്യം ചെയ്യാൻ നോട്ടിസ് നൽകിയെങ്കിലും ഹാജരായിരുന്നില്ല.
ന്യൂഡൽഹി ∙ വീസ ചട്ടലംഘനത്തിന്റെ പേരിൽ 2 മാസത്തിനിടെ രണ്ടാമത്തെ വിദേശ മാധ്യമപ്രവർത്തകയ്ക്കാണ് ഇന്ത്യ വിടേണ്ടിവന്നത്. വീസ പുതുക്കിക്കിട്ടാത്തതിനാൽ ഓസ്ട്രേലിയൻ ബ്രോഡ്കാസ്റ്റിങ് കോർപറേഷൻ (എബിസി) ദക്ഷിണേഷ്യ ബ്യൂറോ ചീഫ് അവനി ഡയസ് കഴിഞ്ഞ ദിവസമാണ് ഇന്ത്യ വിട്ടത്. വീസ പ്രശ്നത്തിൽ കേന്ദ്ര സർക്കാർ നോട്ടിസ് അയച്ച ഫ്രഞ്ച് മാധ്യമപ്രവർത്തക വനെസ ഡോഗ്നാക് ഫെബ്രുവരി പകുതിയോടെ മടങ്ങി.
കോയമ്പത്തൂർ ∙ ഷേക്ക്ഹാൻഡ് ചെയ്തപ്പോൾ കയ്യിൽ അമർത്തിയെന്ന പേരിൽ തർക്കം; യുവാവിനെ കാറിടിച്ചു കൊലപ്പെടുത്തിയ പ്രതിയും സംഘവും അറസ്റ്റിൽ. തിങ്കളാഴ്ച കോത്തഗിരി വ്യൂ പോയിന്റ് കാണാനെത്തിയ പെരിയനായ്ക്കംപാളയം സ്വദേശി അരുൾ പാണ്ടിയൻ (28) ആണു കൊല്ലപ്പെട്ടത്. സുഹൃത്തുക്കളായ അരുൾ കുമാർ (24), വസന്തകുമാർ (25) എന്നിവർ സാരമായ പരുക്കുകളോടെ കോയമ്പത്തൂരിലെ ആശുപത്രിയിൽ ചികിത്സയിലാണ്.
എടക്കര (മലപ്പുറം)∙ പ്രധാനമന്ത്രി നരേന്ദ്ര മോദി ഇതുവരെ സ്വന്തം മണ്ഡലമായ വാരാണസിയിലെ സാധാരണക്കാരന്റെ വീട്ടിൽ പോയിട്ടുണ്ടോയെന്ന് എഐസിസി ജനറൽ സെക്രട്ടറി പ്രിയങ്കാ ഗാന്ധി. വാരാണസിക്കാർക്ക് എന്തെങ്കിലും പ്രശ്നം വന്നാൽ അവരുടെ എംപിയെ കാണാൻ പോലും കിട്ടാറില്ലെന്നും ഏതെങ്കിലും പദ്ധതികളുടെ ഉദ്ഘാടനത്തിനു മാത്രമാണു മോദി മണ്ഡലം സന്ദർശിക്കാറുള്ളതെന്നും അവർ കുറ്റപ്പെടുത്തി. എന്നാൽ പ്രളയമുൾപ്പെടെ വയനാട് മണ്ഡലത്തിൽ പ്രശ്നങ്ങളുണ്ടായപ്പോൾ രാഹുൽ ഗാന്ധി ജനങ്ങളുടെ വീടുകളിൽ നേരിട്ടെത്തി ആശ്വാസമേകിയിട്ടുണ്ടെന്നും അവർ പറഞ്ഞു.
ലക്നൗ∙ ലോക്സഭാ തിരഞ്ഞെടുപ്പിൽ സമാജ്വാദി പാർട്ടി നേതാവ് അഖിലേഷ് യാദവ് മത്സരിക്കും. ഉത്തർപ്രദേശിലെ കനൗജിൽ നിന്നാണ് അദ്ദേഹം ജനവിധി തേടുക. മൂന്നുതവണ അഖിലേഷിനെ പാർലമെന്റിൽ എത്തിച്ച മണ്ഡലമാണ് കനൗജ്. നാളെ വൈകുന്നേരത്തോടെ അഖിലേഷ് യാദവ് നാമനിർദേശ പത്രിക സമർപ്പിക്കും. 2019–ൽ അസംഡ് സീറ്റിൽ നിന്ന് അദ്ദേഹം
ബൻസ്വാര∙ ഗോത്രവർഗക്കാരുടെ ആധിപത്യമുള്ള രാജസ്ഥാനിലെ ബൻസ്വാര-ദുംഗർപൂർ ലോക്സഭാ മണ്ഡലത്തിൽ ഇത്തവണ നടക്കുന്നതു വിചിത്രമായ പോരാട്ടം. ഈ മണ്ഡലത്തിൽ തങ്ങളുടെ സ്ഥാനാർഥിക്ക് വോട്ട് ചെയ്യരുതെന്ന് അഭ്യർഥിക്കുകയാണ് കോൺഗ്രസ്.
മുംബൈ∙ മഹാരാഷ്ട്രയിലെ തിരഞ്ഞെടുപ്പ് റാലിക്കിടെ കേന്ദ്രമന്ത്രി നിതിൻ ഗഡ്കരി കുഴഞ്ഞുവീണു. യവത്മാളിലെ എൻഡിഎ സ്ഥാനാർഥി രാജശ്രീ പാട്ടീലിനു വേണ്ടി പ്രചാരണം നടത്തുന്നതിനിടയിലാണ് അദ്ദേഹം കുഴഞ്ഞുവീണത്. മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ വിഭാഗം നയിക്കുന്ന ശിവസേന അംഗമാണു രാജശ്രീ.
ബാരാബങ്കി∙ സഹോദരിക്ക് വിവാഹസമ്മാനമായി സ്വര്ണവളയും ടിവിയും നല്കാന് തീരുമാനിച്ചതുമായി ബന്ധപ്പെട്ട് ഭാര്യയുമായുണ്ടായ തര്ക്കത്തിനൊടുവില് യുവാവിനെ ഭാര്യയുടെ ബന്ധുക്കള് അടിച്ചു കൊന്നു. ഉത്തര്പ്രദേശിലെ ബാരാബങ്കിയില് ചന്ദ്ര പ്രകാശ് മിശ്ര എന്ന മുപ്പത്തിയഞ്ചുകാരനാണ് കൊല്ലപ്പെട്ടത്. ഏപ്രില് 26-ന്
ന്യൂഡൽഹി∙ സുപ്രീം കോടതി നിർദ്ദേശത്തിനു പിന്നാലെ മാപ്പപേക്ഷിക്കുന്ന പുതിയ പരസ്യവുമായി യോഗ ഗുരു ബാബാ രാംദേവ്. ഇന്ന്രാവിലെയിറങ്ങിയ പത്രങ്ങളിലാണ് ബാബാ രാംദേവിന്റെ പുതിയ പരസ്യം വന്നിരിക്കുന്നത്. പതഞ്ജലി ഉൽപനങ്ങളുമായി ബന്ധപ്പെട്ട്തെറ്റിദ്ധരിപ്പിച്ച പരസ്യങ്ങൾ പ്രസിദ്ധീകരിച്ചതിനു മാപ്പപേക്ഷ എന്ന പരസ്യം
ന്യൂഡൽഹി∙ വോട്ടിങ് യന്ത്രത്തില് ഹാക്കിങ്ങിനോ അട്ടിമറിക്കോ തെളിവില്ലെന്ന് സുപ്രീംകോടതി വ്യക്തമാക്കി. കേസ് വാദം പൂര്ത്തിയാക്കി വിധി പറയാന് മാറ്റി. പേപ്പര് ബാലറ്റിലേക്കു തിരിച്ചുപോകണമെന്നല്ല പറയുന്നതെന്നും ചില ഉറപ്പുകള് തേടുകയാണു ചെയ്തതെന്നും കോടതി വ്യക്തമാക്കി.
ലക്നൗ ∙ അമേഠിയിൽ കോൺഗ്രസ് ഓഫിസിനു മുന്നിൽ റോബർട്ട് വാധ്രയ്ക്കായി പോസ്റ്ററുകൾ. ഗൗരിഗഞ്ചിലെ കോൺഗ്രസ് ഓഫിസിനു പുറത്താണ് പോസ്റ്ററുകൾ
ലക്നൗ∙ വാടകക്കൊലയാളി, ലഹരിക്കടത്ത്, ചൂതാട്ടം, മോഷണം, നാടോടികർ, യാചകർ എന്നിവരെ തൊഴിലാളികളാക്കിഉത്തർപ്രദേശ് പൊലീസിന്റെ മൊബൈൽ ആപ്പ്. യുപിസിഒപി എന്നറിയപ്പെടുന്ന ആപ്ലിക്കേഷൻ, ഉത്തർപ്രദേശിൽ താമസസൗകര്യം തേടുന്നഅന്യ സംസ്ഥാനങ്ങളിൽ നിന്നുള്ളവരാണ് പ്രധാനമായും ഉപയോഗിക്കുന്നത്. വാടക കൊലയാളിയും
സിന്ധുദുർഗ് ∙ പ്രധാനമന്ത്രി നരേന്ദ്ര മോദിയെ ആരെങ്കിലും അധിക്ഷേപിച്ചാൽ അവർ വീട്ടിൽ മടങ്ങിയെത്തില്ലെന്ന മുന്നറിയിപ്പുമായി കേന്ദ്രമന്ത്രിയും രത്നാഗിരി–സിന്ധുദുർഗിൽ നിന്നുള്ള ബിജെപി സ്ഥാനാർഥിയുമായ നാരായൺ റാണെ. മഹാവികാസ് അഘാഡി സിന്ധുദുർഗിൽ റാലി പ്രഖ്യാപിച്ചതിനു പിന്നാലെയാണ് ഭീഷണി. ‘റാലികളും
ന്യൂഡൽഹി ∙ വിദ്വേഷ പ്രസംഗം നടത്തുന്നുവെന്ന പരാതികളിൽ തിരഞ്ഞെടുപ്പു കമ്മിഷൻ മൗനം തുടരുന്നതിനിടെ, പ്രധാനമന്ത്രി നരേന്ദ്ര മോദി ആരോപണങ്ങൾ കടുപ്പിച്ചു. കോൺഗ്രസ് ഭരണത്തിനു കീഴിൽ ‘ഹനുമാൻചാലീസ’ (ഹനുമാൻഭജന) കേൾക്കുന്നതു പോലും കുറ്റകരമാകുമെന്ന് അദ്ദേഹം ആരോപിച്ചു. കോൺഗ്രസ് വന്നാൽ സമ്പത്ത് വീതം വയ്ക്കുമെന്ന പരാമർശത്തെത്തുടർന്ന് കോൺഗ്രസും ഇന്ത്യാമുന്നണിയും തന്നെ പഴി പറയുകയാണെന്നും ഹനുമാൻ ജയന്തി ദിനമായ ഇന്നലെ രാജസ്ഥാനിലെ ടോങ്കിൽ പൊതുയോഗത്തിൽ മോദി പറഞ്ഞു.
ഓറഞ്ചു പാടത്തിന്റെ പശ്ചാത്തലത്തിൽ ഗാനരംഗത്തിലെന്നപോലെ പാറിനടക്കുകയാണ് നടി നവനീത് കൗർ റാണ. ‘ലവ് ഇൻ സിംഗപ്പോർ’ എന്ന റാഫി മെക്കാർട്ടിൻ ചിത്രത്തിൽ മമ്മൂട്ടിയുടെ നായികയായിരുന്ന നവനീത് ഇപ്പോൾ മഹാരാഷ്ട്ര തിരഞ്ഞെടുപ്പുകളത്തിലെ ഗ്ലാമർതാരമാണ്. പഞ്ചാബി കുടുംബത്തിൽ മഹാരാഷ്ട്രയിൽ ജനിച്ചുവളർന്ന അവർ അമരാവതിയിൽ വീണ്ടും ജനവിധി തേടുന്നു.
ഓടുമേഞ്ഞ ഉയരം കുറഞ്ഞ സന്താൾ വീടുകൾക്കു സമീപം നീലക്കവാടമുള്ള ആ പള്ളി വേറിട്ടുനിൽക്കുന്നു. മുന്നിൽ കല്ലുകളടർന്നുതുടങ്ങിയ ചെറിയ മതിൽ. കഷ്ടിച്ച് 3 മീറ്റർ നീളവും 2 മീറ്റർ വീതിയുമുള്ള ആ കൽക്കെട്ടിനു പുറത്തുവച്ചാണ് കാൽ നൂറ്റാണ്ടു മുൻപ് ഇന്ത്യൻ മനസ്സാക്ഷിയെ ഞെട്ടിച്ച ആ കുറ്റകൃത്യം നടന്നത്. ഓസ്ട്രേലിയൻ മിഷനറി ഗ്രഹാം സ്റ്റെയ്ൻസിനെയും 2 മക്കളെയും ബജ്റങ്ദൾ പ്രവർത്തകർ ചുട്ടുകൊന്ന സംഭവം.
ന്യൂഡൽഹി ∙ ആദ്യഘട്ടം തിരഞ്ഞെടുപ്പിൽ വോട്ടിങ് ശതമാനം കുറഞ്ഞതാണ്, ബിജെപി തിരഞ്ഞെടുപ്പു പ്രചാരണ തന്ത്രത്തിൽ പൊടുന്നനെ മാറ്റം കൊണ്ടുവരാൻ കാരണമെന്നു വിലയിരുത്തപ്പെടുന്നു. വികസനം, മോദി ഗാരന്റി തുടങ്ങിയ മുദ്രാവാക്യങ്ങളിൽനിന്ന് വർഗീയ വിഭജനമെന്ന തന്ത്രത്തിലേക്കുള്ള മാറ്റത്തിനു പ്രധാനമന്ത്രി നരേന്ദ്ര മോദി തന്നെ നേതൃത്വം നൽകുകയും ചെയ്തു. കോൺഗ്രസും മറ്റു പ്രതിപക്ഷ കക്ഷികളും ശക്തമായി രംഗത്തുവരികയും തിരഞ്ഞെടുപ്പു കമ്മിഷന് ഒട്ടേറെ പരാതികൾ ലഭിക്കുകയും ചെയ്തിട്ടും മൂന്നാംദിവസവും പറഞ്ഞത് ഉച്ചത്തിൽ ആവർത്തിക്കുകയാണു മോദി ചെയ്തത്.
വാഷിങ്ടൻ ∙ മണിപ്പുർ വംശീയ കലാപത്തിനിടെ കാര്യമായ തോതിൽ അതിക്രമങ്ങൾ നടന്നതായി യുഎസ് സ്റ്റേറ്റ് ഡിപ്പാർട്മെന്റിന്റെ വാർഷിക മനുഷ്യാവകാശ റിപ്പോർട്ട് വിലയിരുത്തി. ഇന്ത്യയുടെ മറ്റുഭാഗങ്ങളിൽ ന്യൂനപക്ഷങ്ങൾക്കും സർക്കാരിനെ വിമർശിക്കുന്ന മാധ്യമപ്രവർത്തകർക്കും എതിർസ്വരമുയർത്തുന്നവർക്കുമെതിരെ ആക്രമണങ്ങൾ നടക്കുന്നതായും റിപ്പോർട്ടിൽ പറയുന്നു. കഴിഞ്ഞ മേയിൽ തുടങ്ങിയ മണിപ്പുർ കലാപത്തിൽ 60,000 പേർ ഭവനരഹിതരായി.
ന്യൂഡൽഹി ∙ സൈബർ തട്ടിപ്പുമായി ബന്ധം സംശയിക്കുന്ന 11,000 മൊബൈൽ നമ്പറുകൾക്കെതിരെ നടപടിയെടുക്കാൻ കമ്പനികൾക്കു കേന്ദ്ര ടെലികോം വകുപ്പ് നിർദേശം നൽകി. ഈ മൊബൈൽ നമ്പറുകളുടെ കെവൈസി (തിരിച്ചറിയൽ) പരിശോധന വീണ്ടും നടത്താനും അതു പറ്റിയില്ലെങ്കിൽ സിം ബ്ലോക്ക് ചെയ്യാനുമാണു നിർദേശം. സിം ബ്ലോക്കായാൽ ഇവ ഉപയോഗിച്ചിരുന്ന മൊബൈൽ ഫോണുകളുടെ ഐഎംഇഐ നമ്പറും വിലക്കും. ചുരുക്കത്തിൽ സിം ഉണ്ടായിരുന്ന ഫോണുകളും ഉപയോഗിക്കാൻ കഴിയാതെ വരും.
ന്യൂഡൽഹി ∙ വീസ പുതുക്കിനൽകാൻ കേന്ദ്രം വിസമ്മതിച്ചതിനു പിന്നാലെ ഓസ്ട്രേലിയൻ ബ്രോഡ്കാസ്റ്റിങ് കോർപറേഷൻ (എബിസി) ദക്ഷിണേഷ്യ ബ്യൂറോ ചീഫ് അവനി ഡയസ് ഇന്ത്യ വിട്ടു. റിപ്പോർട്ടിങ് അതിരുകടക്കുന്നതായി ആരോപിച്ചാണ് ശ്രീലങ്കൻ–ഓസ്ട്രേലിയൻ മാധ്യമപ്രവർത്തകയുടെ വീസ പുതുക്കി നൽകാതിരുന്നത്.
ന്യൂഡൽഹി ∙ തെറ്റിദ്ധരിപ്പിക്കുന്ന പരസ്യങ്ങളുമായി ബന്ധപ്പെട്ട കോടതിയലക്ഷ്യക്കേസിൽ പതഞ്ജലി സ്ഥാപകൻ രാംദേവ്, എംഡി ആചാര്യ ബാലകൃഷ്ണ എന്നിവരെ സുപ്രീം കോടതി വീണ്ടും രൂക്ഷമായി വിമർശിച്ചു. പത്രങ്ങളിൽ പരസ്യം നൽകിയ അതേ വലുപ്പത്തിലാണോ മാപ്പപേക്ഷ പ്രസിദ്ധീകരിച്ചതെന്നു ജഡ്ജിമാരായ ഹിമ കോലി, എ.അമാനുല്ല എന്നിവർ ആരാഞ്ഞു.
ന്യൂഡൽഹി ∙ പ്രകടനപത്രികയിലെ വിവരങ്ങൾ ബിജെപി തെറ്റായി പ്രചരിപ്പിക്കുന്നെന്ന പരാതിയുമായി തിരഞ്ഞെടുപ്പ് കമ്മിഷനെ സമീപിച്ച് കോൺഗ്രസ്. പ്രകടനപത്രികയിലെ കാര്യങ്ങളെ തെറ്റായി വ്യാഖ്യാനിച്ചു കോൺഗ്രസിനെതിരെ ജനങ്ങൾക്കിടയിൽ ആശയക്കുഴപ്പം സൃഷ്ടിക്കാൻ ശ്രമിക്കുന്നെന്നാണു പരാതി. വ്യാജ പ്രചാരണത്തിനെതിരെ നടപടിയെടുക്കണമെന്നാണ് ആവശ്യം.
ഹൈദരാബാദ്∙ തെലങ്കാനയിലെ പെഡാപ്പള്ളിയിൽ എട്ടുവർഷമായി നിർമാണത്തിലിരുന്ന പാലം തകർന്നുവീണു. തിങ്കളാഴ്ച രാത്രിയായിരുന്നു സംഭവം. വിവാഹ പാർട്ടിയിൽ പങ്കെടുത്തു മടങ്ങുകയായിരുന്ന 65 പേരടങ്ങുന്ന ബസ് പാലത്തിന് അടിയിലൂടെ കടന്നുപോയി ഒരുമിനിറ്റിനുശേഷമായിരുന്നു തകർന്നുവീണതെന്ന് 600 മീറ്റർ അകലെയുള്ള ഒഡേഡു
സൂറത്ത്∙ ബിജെപി സ്ഥാനാര്ഥി മുകേഷ് ദലാല് എതിരില്ലാതെ തിരഞ്ഞെടുക്കപ്പെട്ട ഗുജറാത്തിലെ സൂറത്തില് പത്രിക തള്ളപ്പെട്ട കോണ്ഗ്രസ് സ്ഥാനാര്ഥി നീലേഷ് കുംഭാനിയെ കാണാനില്ലെന്ന് റിപ്പോര്ട്ട്. നീലേഷിനെ ഫോണില് ബന്ധപ്പെടാനും കഴിയുന്നില്ലെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്തു.കോണ്ഗ്രസ്
ന്യൂഡൽഹി∙ പ്രധാനമന്ത്രി നരേന്ദ്ര മോദിയുടെ വിവാദ പ്രസംഗത്തിൽ പരാതി ലഭിച്ചതായി തിരഞ്ഞെടുപ്പ് കമ്മിഷൻ. പ്രസംഗം പരിശോധിച്ചുവരുകയാണെന്നും കമ്മിഷൻ അറിയിച്ചു. കോൺഗ്രസ് അധികാരത്തിലേറിയാൽ മുസ്ലിംകൾക്കു സ്വത്തു വീതിച്ചു നൽകുമെന്നായിരുന്നു രാജസ്ഥാനിൽ നടത്തിയ പ്രസംഗത്തിൽ മോദി പറഞ്ഞത്. പരാമർശം വിവാദമായതിനു
ന്യൂഡൽഹി∙ ഡൽഹി മദ്യനയ അഴിമതിക്കേസിൽ ഡൽഹി മുഖ്യമന്ത്രി അരവിന്ദ് കേജ്രിവാളും ബിആർഎസ് നേതാവ് കെ.കവിതയുംജയിലിൽ തുടരും. ഇരുവരുടെയും കസ്റ്റഡി കാലാവധി 14 ദിവസത്തേക്ക് കൂടി നീട്ടി കോടതി ഉത്തരവ് പുറപ്പെടുവിച്ചു. ഇരുവരും ഡൽഹിയിലെതിഹാർ ജയിലിലാണ് ഇപ്പോൾ കഴിയുന്നത്.
ന്യൂഡൽഹി∙ തെറ്റിദ്ധരിപ്പിക്കുന്ന പരസ്യങ്ങൾ നൽകിയതിന്റെ പേരിൽ പത്രങ്ങളിൽ പ്രസിദ്ധീകരിച്ച പതഞ്ജലിയുടെ ‘മാപ്പ്’ മൈക്രോസ്കോപ്പ് വച്ചു നോക്കേണ്ടി വരുമോയെന്നു സുപ്രീം കോടതിയുടെ ചോദ്യം. സാധാരണ പതഞ്ജലി ഉൽപന്നങ്ങളുടെ പരസ്യങ്ങൾ നൽകുന്ന അത്ര വലിപ്പത്തിലാണോ മാപ്പ് പ്രസിദ്ധീകരിച്ചതെന്നും ജഡ്ജിമാരായ ഹിമ കോഹ്ലി,
ന്യൂഡൽഹി∙ രാജസ്ഥാനിലും ഉത്തർപ്രദേശിലും പ്രധാനമന്ത്രി നരേന്ദ്ര മോദി നടത്തിയ വിദ്വേഷ പ്രസംഗം സുപ്രീം കോടതിയുടെ ശ്രദ്ധയിൽപ്പെടുത്താൻ സിപിഎം. സിപിഎം നേതാവ് ബൃന്ദ കാരാട്ടിന്റെ അഭിഭാഷകൻ കോടതിയിൽ ഇക്കാര്യം പരാമർശിക്കും. നേരത്തെ തന്നെ നിലനിൽക്കുന്ന വിദ്വേഷപ്രസംഗവുമായി ബന്ധപ്പെട്ട കേസുകൾ ഇന്ന് സുപ്രീം
ശ്രീനഗർ∙ തിരഞ്ഞെടുപ്പ് ആസന്നമായതോടെ ജമ്മുകശ്മീരില് കൊലവിളി തുടര്ന്ന് ഭീകരര്. 20 വര്ഷങ്ങള്ക്കു മുന്പ് തോക്കിനിരയാക്കിയ ആളുടെ മകന്റെ ജീവനെടുത്താണ് കഴിഞ്ഞ ദിവസം ഭീകരര് കശ്മീരില് ചോരക്കളി തുടരുന്നത്. സർക്കാർ ഉദ്യോഗസ്ഥനായ മുഹമ്മദ് റസിഖിനെ (40) ആണ് തീവ്രവാദികൾ വെടിവെച്ചുകൊന്നത്. ഗ്രാമത്തിലെ പള്ളി സന്ദർശിച്ച്
ന്യൂഡല്ഹി∙ തിഹാര് ജയിലില് കഴിയുന്ന ഡല്ഹി മുഖ്യമന്ത്രി അരവിന്ദ് കേജ്രിവാളിന് ഒടുവില് ഇന്സുലിന് നല്കി. രക്തത്തിലെ പഞ്ചസാരയുടെ അളവ് 320 ആയതിനെ തുടര്ന്നാണ് നടപടി. നിരവധി തവണ ആവശ്യപ്പെട്ടിട്ടും ഇന്സുലിന് നല്കാന് ജയില് അധികൃതര്
ന്യൂഡൽഹി∙ മണിപ്പൂർ കലാപത്തിൽ കേന്ദ്ര സർക്കാരിനെ വിമർശിച്ച് യുഎസ് സ്റ്റേറ്റ് ഡിപ്പാർട്ട്മെന്റ്. ന്യൂനപക്ഷങ്ങൾക്കെതിരെ മണിപ്പൂരിൽ ആക്രമണമുണ്ടായെന്നും വലിയതോതിലുള്ള പീഡനമാണ് നടന്നതെന്നുമാണ് റിപ്പോർട്ടിലെ വിമർശനം. യുഎസ് സ്റ്റേറ്റ് ഡിപ്പാർട്ട്മെന്റിന്റെ വാർഷിക മനുഷ്യാവകാശ റിപ്പോർട്ടിലാണ് പരാമർശം.
മുംബൈ∙ സൽമാൻ ഖാന്റെ വസതിയിലേക്ക് വെടിവയ്ക്കാൻ ഉപയോഗിച്ച തോക്ക് കണ്ടെത്താൻ ഗുജറാത്തിലെ തപി നദിയിൽ ക്രൈംബ്രാഞ്ച്തിരച്ചിൽ നടത്തി. പ്രതികൾ നൽകിയ മൊഴിയുടെ അടിസ്ഥാനത്തിലാണ് ആയുധത്തിനായി തിരച്ചിൽ ആരംഭിച്ചത്. പ്രതികളായ വിക്കി ഗുപ്തയുംസാഗർ പാലും സൂറത്തിലെത്തിയ ശേഷം ഭുജിലേക്ക് പോകുന്നതിനിടെ തോക്ക്
ന്യൂഡൽഹി ∙ കോൺഗ്രസ് അധികാരത്തിലേറിയാൽ മുസ്ലിംകൾക്കു സ്വത്തു വീതിച്ചു നൽകുമെന്ന രാജസ്ഥാൻ പ്രസംഗം വൻ രാഷ്ട്രീയ വിവാദമായതിനിടെ, ഉത്തർപ്രദേശിലും പ്രധാനമന്ത്രി നരേന്ദ്ര മോദി സമാനവാക്കുകൾ ആവർത്തിച്ചു. മോദിയുടെ വിദ്വേഷ പ്രസംഗത്തിനെതിരെ നടപടി വേണമെന്നാവശ്യപ്പെട്ട് കോൺഗ്രസും സിപിഎമ്മും തിരഞ്ഞെടുപ്പു കമ്മിഷനു പരാതി നൽകി. എന്നാൽ ഇതേക്കുറിച്ചു ‘പ്രതികരണമില്ലെ’ന്ന് കമ്മിഷൻ വക്താവ് അറിയിച്ചു.
ന്യൂഡൽഹി ∙ ഇന്ത്യാമുന്നണിയിലെ കോൺഗ്രസ് സ്ഥാനാർഥിയുടെ പത്രിക തള്ളി വിവാദമുണ്ടായ ഗുജറാത്തിലെ സൂറത്ത് ലോക്സഭാ മണ്ഡലത്തിൽ ബിജെപി സ്ഥാനാർഥി മുകേഷ് ദലാൽ എതിരില്ലാതെ വിജയിച്ചു. ബിഎസ്പി സ്ഥാനാർഥിയും 7 സ്വതന്ത്രരും പത്രിക പിൻവലിക്കുക കൂടി ചെയ്തതോടെയാണ് തിരഞ്ഞെടുപ്പിനു മുൻപേ ബിജെപിക്ക് ആദ്യ സീറ്റു കിട്ടിയത്. ഗുജറാത്തിലെ മറ്റ് 25 സീറ്റുകളിലേക്ക് മേയ് 7നു തിരഞ്ഞെടുപ്പു നടക്കും.
ന്യൂഡൽഹി ∙ പ്രസംഗങ്ങളിലൂടെ വീണ്ടും പ്രധാനമന്ത്രി നരേന്ദ്ര മോദി കേന്ദ്ര തിരഞ്ഞെടുപ്പു കമ്മിഷനെ പ്രതിസന്ധിയിലാക്കുകയാണ്. മുസ്ലിംകളെയും കോൺഗ്രസിനെയും അധിക്ഷേപിച്ചുള്ള പരാമർശങ്ങളുടെ പേരിൽ പ്രധാനമന്ത്രിക്കെതിരെ നടപടിയുണ്ടോ ഇല്ലയോ എന്നല്ല, പരാതി ലഭിച്ചിട്ടുണ്ടോ എന്നു പോലും വ്യക്തമാക്കാൻ കമ്മിഷനു സാധിക്കുന്നില്ല.
ന്യൂഡൽഹി ∙ സംയുക്ത പ്രകടനപത്രിക പുറത്തിറക്കാനുള്ള ഇന്ത്യാസഖ്യത്തിന്റെ നീക്കത്തോട് മുഖംതിരിച്ച് ബംഗാൾ മുഖ്യമന്ത്രി മമത ബാനർജി. അധികാരത്തിലെത്തിയാൽ ജാതി സെൻസസ് നടത്തുമെന്ന സഖ്യത്തിന്റെ വാഗ്ദാനത്തോടു തൃണമൂലിനുള്ള എതിർപ്പാണു കാരണം. ബംഗാളിലെ ഹിന്ദു സവർണ വോട്ടുകൾ എതിരാകുമെന്ന ആശങ്കമൂലം തൃണമൂൽ
മുംബൈ ∙ മഹാരാഷ്ട്രയിൽ കോൺഗ്രസ്–എൻസിപി (ശരദ് പവാർ)–ശിവസേന (ഉദ്ധവ് താക്കറെ) സഖ്യത്തിന്റെ ഭാഗമായ സിപിഎം നാസിക്കിലെ ദിൻഡോരിയിൽ മുന്നണി സ്ഥാനാർഥിക്കെതിരെ മത്സരിക്കുന്നു. എൻസിപി ശരദ് പവാർ വിഭാഗത്തിലെ ഭാസ്കർ ഭഗാരെയ്ക്കെതിരെ സിപിഎം മത്സരിച്ചാൽ പ്രതിപക്ഷ വോട്ടുകൾ ഭിന്നിക്കുന്നത് ബിജെപി സ്ഥാനാർഥിയും
ബെംഗളൂരു ∙ കേന്ദ്രമന്ത്രി പ്രഹ്ലാദ് ജോഷിക്കെതിരെ കർണാടകയിലെ ധാർവാഡിൽ സ്വതന്ത്ര സ്ഥാനാർഥിയാകാൻ തീരുമാനിച്ച ലിംഗായത്ത് മഠാധിപതി ദിംഗളേശ്വര സ്വാമി നാമനിർദേശ പത്രിക പിൻവലിച്ചു. അനുയായികളുടെ അഭ്യർഥന മാനിച്ചാണു പിൻമാറുന്നതെന്നറിയിച്ച സ്വാമി, കോൺഗ്രസ് സ്ഥാനാർഥി വിനോദ് അസൂതിയെ പിന്തുണയ്ക്കുമെന്നാണു സൂചന.
മലപ്പുറം∙ രാഷ്ട്രീയ കാലാവസ്ഥ എന്തായിരുന്നാലും സ്വന്തം നിലപാടുകളും കോൺഗ്രസിന്റെ രാഷ്ട്രീയവും ജനഹൃദയങ്ങളിൽ സുരക്ഷിതമായി ലാൻഡ് ചെയ്യിക്കാൻ എഐസിസി ജനറൽ സെക്രട്ടറി സച്ചിൻ പൈലറ്റിന് അറിയാം. അദ്ദേഹം പറയുന്നു... Qകോൺഗ്രസിനോടും ഇന്ത്യാസഖ്യത്തോടും യുവജനങ്ങളുടെ പ്രതികരണം. A അഭ്യസ്ത വിദ്യരായ യുവജനങ്ങൾ ഭാവി
രഹസ്യങ്ങൾക്കു കാതോർക്കുന്ന പോലെ തലകുനിച്ചു നിൽക്കുന്ന തണൽമരങ്ങൾ, സ്ലോമോഷനിൽ കടന്നുവരുന്ന ആഡംബരക്കാറുകൾ, അടുത്തും അകന്നും പോകുന്ന കാലടിയൊച്ചകൾ, പല വേഷങ്ങളിൽ പല വിഭവങ്ങളുമായി വരുന്ന പരിചാരകർ... പിന്നെ നീണ്ട കാത്തിരിപ്പും- അധികാരത്തിന്റെ അടയാളങ്ങളെല്ലാമുള്ള ഭുവനേശ്വറിലെ നവീൻ നിവാസിലെ നിശ്ശബ്ദത
ന്യൂഡൽഹി ∙ 26നു രണ്ടാം ഘട്ടമായി വോട്ടെടുപ്പു നടക്കുന്ന 88 സീറ്റുകളിൽ കഴിഞ്ഞതവണത്തെ ആധിപത്യം നിലനിർത്തുകയാണ് ബിജെപിയുടെ ലക്ഷ്യം; ഇന്ത്യാസഖ്യത്തിനാകട്ടെ ഇതു തിരിച്ചുവരവിനുള്ള ജീവന്മരണ പോരാട്ടവും. എൻഡിഎ 62, ഇന്ത്യാസഖ്യം 25 എന്നതാണ് കഴിഞ്ഞ തവണത്തെ കക്ഷിനില. ഇന്ത്യാസഖ്യത്തിന്റെ സീറ്റുകളിൽ ഇരുപതും
ന്യൂഡൽഹി ∙ തിഹാർ ജയിലിൽ കഴിയുന്ന ഡൽഹി മുഖ്യമന്ത്രി അരവിന്ദ് കേജ്രിവാളിന് ഇൻസുലിൻ ആവശ്യമാണോയെന്നു വിലയിരുക്കാൻ മെഡിക്കൽ സംഘത്തെ രൂപീകരിക്കാൻ ഡൽഹി റൗസ് അവന്യൂവിലെ പ്രത്യേക കോടതി എയിംസിനു നിർദേശം നൽകി. ഡോക്ടർമാർ നിർദേശിച്ച ഭക്ഷണക്രമത്തിനു വിരുദ്ധമായി വീട്ടിൽനിന്നു മാമ്പഴം ഉൾപ്പെടെ എത്തിച്ചു കഴിച്ചതിൽ
ബെംഗളൂരു∙ കർണാടക മുൻ മുഖ്യമന്ത്രി യെഡിയൂരപ്പയുടെ മൂത്ത മകൻ ബി.വൈ.രാഘവേന്ദ്രയ്ക്കെതിരെ ശിവമൊഗ്ഗയിൽ വിമതനായി മത്സരിക്കുന്ന ബിജെപി മുൻ സംസ്ഥാന പ്രസിഡന്റും മുൻ ഉപമുഖ്യമന്ത്രിയുമായ കെ.എസ്.ഈശ്വരപ്പയെ പാർട്ടിയിൽ നിന്ന് 6 വർഷത്തേക്കു പുറത്താക്കി. 3 തവണ മന്ത്രിയായ ഈശ്വരപ്പ കർണാടകയിൽ യെഡിയൂരപ്പയ്ക്കൊപ്പം
ന്യൂഡൽഹി ∙ ലോക്സഭാ തിരഞ്ഞെടുപ്പിന്റെ പശ്ചാത്തലത്തിൽ സംശയകരമായ വമ്പൻ പണമിടപാടുകൾ നിരീക്ഷിക്കണമെന്ന് ഓൺലൈൻ പേയ്മെന്റ് കമ്പനികൾക്ക് (പേയ്മെന്റ്സ് സിസ്റ്റം ഓപ്പറേറ്റേഴ്സ്) റിസർവ് ബാങ്ക് നിർദേശം നൽകി. ഓൺലൈൻ പണമിടപാട് വഴി ആളുകളെ സ്വാധീനിക്കുന്നത് തടയാനാണിത്. ഗൂഗിൾ പേ, പേയ്ടിഎം അടക്കമുള്ള യുപിഐ ആപ്പുകൾ,
ന്യൂഡൽഹി ∙ പീഡനക്കേസിലെ 14 വയസ്സുള്ള അതിജീവിതയ്ക്ക് സുപ്രീം കോടതി ഗർഭഛിദ്രത്തിന് അനുമതി നൽകി. 28 ആഴ്ച പ്രായമായതിനിലാണു ഗർഭഛിദ്രം നടത്താൻ മഹാരാഷ്ട്ര സ്വദേശിയായ പെൺകുട്ടിയുടെ അമ്മ സുപ്രീം കോടതിയെ സമീപിച്ചത്. മഹാരാഷ്ട്രയിലെ സിയോൺ ആശുപത്രിയിൽ സുരക്ഷിത ഗർഭഛിദ്രത്തിനു മെഡിക്കൽ ബോർഡ് രൂപീകരിക്കാൻ
ശ്രീനഗർ ∙ തിരഞ്ഞെടുപ്പ് അടുത്തിരിക്കെ ജമ്മു കശ്മീരിലെ രജൗറിയിൽ വീണ്ടും ഭീകരാക്രമണം. സർക്കാർ ഉദ്യോഗസ്ഥനായ മുഹമ്മദ് റസാഖിനെ പള്ളിയിൽനിന്ന് പുറത്തേക്ക് വരുന്നതിനിടെ വെടിവച്ച് കൊന്നു. ടെറിട്ടോറിയൽ ആർമിയിലെ സൈനികോദ്യോഗസ്ഥന്റെ സഹോദരനാണ് കൊല്ലപ്പെട്ട മുഹമ്മദ് റസാഖ്. അനന്ത്നാഗ് മണ്ഡലത്തിൽ മേയ് 7ന്
കൊൽക്കത്ത∙ ബംഗാളിൽ 2016 ൽ നടന്ന സ്കൂൾ അധ്യാപക നിയമനം കൽക്കട്ട ഹൈക്കോടതി റദ്ദാക്കി. ഇതോടെ 24,000 പേർക്ക് തൊഴിൽ നഷ്ടപ്പെടും. സർക്കാരിൽനിന്നു കൈപ്പറ്റിയ ശമ്പളം നാലാഴ്ചക്കുള്ളിൽ ഇവർ തിരികെ അടയ്ക്കണമെന്നും ഡിവിഷൻ ബെഞ്ച് ഉത്തരവിട്ടു. പണം വാങ്ങിയാണു നിയമനം നടന്നതെന്നു കണ്ടെത്തിയ കോടതി നിയമനരീതിയെക്കുറിച്ച് 3 മാസത്തിനകം റിപ്പോർട്ട് നൽകാൻ സിബിഐയോട് ആവശ്യപ്പെട്ടു.
കൊച്ചി∙ രാജ്യത്ത് ഏറ്റവും കൂടുതൽ നുണ പ്രചരിപ്പിക്കുന്നയാളാണു പ്രധാനമന്ത്രി നരേന്ദ്ര മോദിയെന്ന് എഐസിസി സംഘടനാകാര്യ ജനറൽ സെക്രട്ടറി കെ.സി. വേണുഗോപാൽ. ‘‘തിരഞ്ഞെടുപ്പുകൾ വരും, വിജയികളും പരാജിതരുമുണ്ടാകും. പക്ഷേ, ജനങ്ങൾക്കു തുടർന്നും ഒരുമയോടെ ജീവിക്കണം. പ്രധാനമന്ത്രിയുടെ രാജസ്ഥാനിലെ പ്രസംഗം പ്രതിഫലിപ്പിക്കുന്നതു ഹിന്ദുക്കളോടുള്ള എന്തുതരം സ്നേഹമാണെന്നു മനസ്സിലാകുന്നില്ല. വിശ്വാസത്തിന്റെ ഏറ്റവും വലിയ ഘടകം ദൈവഭയമാണ്. ദൈവത്തെ ഭയക്കുന്നവർ ഇത്തരം പരാമർശങ്ങൾ നടത്തില്ല’’ – അദ്ദേഹം പറഞ്ഞു.
കണ്ണൂർ ∙ രാജസ്ഥാനിൽ ലോക്സഭാ തിരഞ്ഞെടുപ്പ് പ്രചാരണത്തിനിടെ മുസ്ലിംവിരുദ്ധ പ്രസംഗം നടത്തിയതിനു പ്രധാനമന്ത്രി നരേന്ദ്ര മോദിക്കെതിരെ കേസ് എടുക്കണമെന്നു മുഖ്യമന്ത്രി പിണറായി വിജയൻ. രാജ്യവിരുദ്ധ പ്രസംഗം നടത്തിയ പ്രധാനമന്ത്രി സങ്കൽപ കഥകൾ കെട്ടിച്ചമച്ചു മുസ്ലിം വിരോധം വളർത്തുകയാണ്. ശ്രീകണ്ഠാപുരത്ത് എൽഡിഎഫ് തിരഞ്ഞെടുപ്പു പ്രചാരണ യോഗത്തിൽ പ്രസംഗിക്കുകയായിരുന്നു അദ്ദേഹം.
അഹമ്മദാബാദ് ∙ ഗുജറാത്തിലെ സൂറത്ത് ലോക്സഭാ സീറ്റിൽ ബിജെപി സ്ഥാനാർഥി മുകേഷ് ദലാൽ എതിരില്ലാതെ തിരഞ്ഞെടുക്കപ്പെട്ടു. കോൺഗ്രസ് സ്ഥാനാർഥി നീലേഷ് കുംഭാനിയുടെയും ഡമ്മി സ്ഥാനാർഥിയുടെയും പത്രിക കഴിഞ്ഞ ദിവസം തള്ളിയതോടെയാണിത്. ബാക്കിയുണ്ടായിരുന്ന ബിഎസ്പി സ്ഥാനാർഥിയും ഏഴ് സ്വതന്ത്രരും പത്രിക പിൻവലിക്കുകയും
ന്യൂഡൽഹി∙ ബലാത്സംഗത്തിന് ഇരയായ പതിനാലുകാരിയുടെ, മുപ്പത് ആഴ്ച പ്രായമായ ഗര്ഭം അലസിപ്പിക്കാന് സുപ്രീം കോടതി അനുമതി.ഭരണഘടനയുടെ 142-ാം അനുഛേദപ്രകാരമുള്ള പ്രത്യേക അധികാരം ഉപയോഗിച്ചാണ് ചീഫ് ജസ്റ്റിസ് ഡി.വൈ.ചന്ദ്രചൂഡിന്റെ നേതൃത്വത്തിലുള്ളബെഞ്ചിന്റെ സുപ്രധാന വിധി. മെഡിക്കല് ടെര്മിനേഷന് ഓഫ് പ്രഗ്നന്സി
ബെംഗളൂരു∙ ഹുബ്ബള്ളിയിൽ കോളജ് വിദ്യാർഥിനി നേഹ ഹിരേമഠ് കൊല്ലപ്പെട്ട സംഭവത്തിൽ സിബിഐ അന്വേഷണം ആവശ്യപ്പെട്ട് നേഹയുടെ പിതാവ് നിരഞ്ജൻ ഹിരേമഠ്. പൊലീസ് അന്വേഷണം വഴിതിരിക്കാൻ ശ്രമിക്കുകയാണെന്ന് ആരോപിച്ചാണ് നിരഞ്ജൻ സിബിഐ അന്വേഷണം ആവശ്യപ്പെട്ടിരിക്കുന്നത്. ഹുബള്ളി–ധാർവാഡ് കോർപറേഷനിലെ കോൺഗ്രസ് കൗൺസിലർ കൂടിയായ
ധൻബാദ്∙ ബോളിവുഡ് നടൻ പങ്കജ് ത്രിപാഠിയുടെ സഹോദരീഭർത്താവ് ജാർഖണ്ഡിലെ ധൻബാദിലുണ്ടായ അപകടത്തിൽ മരിച്ചു. ശനിയാഴ്ച, പങ്കജ് ത്രിപാഠിയുടെ സഹോദരി സബിത തിവാരിയും ഭർത്താവ് രാജേഷ് തിവാരിയും ബിഹാറിലെ ഗോപാൽഗഞ്ചിൽ നിന്ന് കൊൽക്കത്തയിലേക്ക് വരുന്ന വഴി ഡൽഹി-കൊൽക്കത്ത ദേശീയപാത-19ൽ ഉച്ചകഴിഞ്ഞ് 3 മണിക്കായിരുന്നു അപകടം.
ന്യൂഡൽഹി∙ രാജ്യത്തിന്റെ സ്വത്ത് കോൺഗ്രസ് മുസ്ലിംകൾക്കു നൽകുമെന്ന പ്രധാനമന്ത്രി നരേന്ദ്ര മോദിയുടെ രാജസ്ഥാൻ പ്രസംഗം വിവാദത്തിൽ. പ്രധാനമന്ത്രിക്കെതിരെ നടപടി ആവശ്യപ്പെട്ട് കോൺഗ്രസും സിപിഎമ്മും തൃണമൂൽ കോൺഗ്രസും അടക്കമുള്ള രാഷ്ട്രീയ പാർട്ടികൾ തിരഞ്ഞെടുപ്പ് കമ്മിഷനെ സമീപിച്ചു. പ്രധാനമന്ത്രി തിരഞ്ഞെടുപ്പ് പെരുമാറ്റച്ചട്ട ലംഘനം നടത്തിയെന്നും അടിയന്തര നടപടിയെടുക്കമെന്നാണ് ആവശ്യം.
ന്യൂഡൽഹി∙ പ്രതിപക്ഷ കക്ഷികളുടെ ശക്തിപ്രകടനമായി ജാര്ഖണ്ഡിൽ നടന്ന ഇന്ത്യ സഖ്യത്തിന്റെ റാലിയിൽ ഏറ്റുമുട്ടി കോണ്ഗ്രസ് ആര്ജെഡിപ്രവര്ത്തകര്. സീറ്റ് വിഭജനത്തെ ചൊല്ലിയുള്ള തര്ക്കമാണ് സംഘര്ഷത്തിനു വഴിയൊരുക്കിയത്. ജാര്ഖണ്ഡിലെ ചത്ര സീറ്റില് കോണ്ഗ്രസ്ഏകപക്ഷീയമായി സ്ഥാനാർഥിയെ പ്രഖ്യാപിച്ചതാണ്
ബിജാപുർ ∙ ബസ്തർ മേഖലയിൽ ഛത്തീസ്ഗഡ് പൊലീസിന്റെ ജില്ലാ റിസർവ് ഗാർഡ് (ഡിആർജി) വിഭാഗവുമായുണ്ടായഏറ്റുമുട്ടലിൽ മാവോയിസ്റ്റ് കൊല്ലപ്പെട്ടു. മാവോയിസ്റ്റ് സംഘത്തിന്റെ സാന്നിധ്യമുണ്ടെന്ന സൂചനയെത്തുടർന്ന് കേശ്കുതുൽ – കേശ്മുണ്ടിവനത്തിൽ തിരച്ചിലിനെത്തിയ സേനയ്ക്കു നേരെ മാവോയിസ്റ്റുകൾ
ദക്ഷിണേന്ത്യയിൽ ബിജെപി വിരുദ്ധ, മോദി വിരുദ്ധ വികാരം പ്രകടമാണെന്നും 400 സീറ്റ് കടക്കുമെന്നത് ബിജെപിയുടെ ദിവാസ്വപ്നമാണെന്നും സിപിഎം ജനറൽ സെക്രട്ടറി സീതാറാം യച്ചൂരി. 2004ലേതുപോലെ ഇത്തവണയും ഇടതിന്റെ ശക്തമായ സാന്നിധ്യം പാർലമെന്റിൽ ജനം ആഗ്രഹിക്കുന്നുവെന്നും ‘മനോരമ’യുമായുള്ള അഭിമുഖത്തിൽ അദ്ദേഹം പറഞ്ഞു. Q
Results 1-100 of 4646