സമയമുണ്ടോ? ഉണ്ടെങ്കിൽ ഒരു കാമുകനെ ആവശ്യമുണ്ട്
ഇരുപതിൽ ഒരു കാമുകൻ വേണമെന്ന് ആശിച്ചു.. പ്രായത്തിന്റെ പക്വതയില്ലായ്മ എന്ന് പറഞ്ഞ് പലരും കളിയാക്കി. ബന്ധങ്ങളുടെ കെട്ടുറപ്പിനു വേണ്ടി ഹൃദയത്തിലെ മോഹങ്ങളെ നുള്ളിയെറിയണമെന്ന് വീട്ടുകാർ ..
ഇരുപതിൽ ഒരു കാമുകൻ വേണമെന്ന് ആശിച്ചു.. പ്രായത്തിന്റെ പക്വതയില്ലായ്മ എന്ന് പറഞ്ഞ് പലരും കളിയാക്കി. ബന്ധങ്ങളുടെ കെട്ടുറപ്പിനു വേണ്ടി ഹൃദയത്തിലെ മോഹങ്ങളെ നുള്ളിയെറിയണമെന്ന് വീട്ടുകാർ ..
ഇരുപതിൽ ഒരു കാമുകൻ വേണമെന്ന് ആശിച്ചു.. പ്രായത്തിന്റെ പക്വതയില്ലായ്മ എന്ന് പറഞ്ഞ് പലരും കളിയാക്കി. ബന്ധങ്ങളുടെ കെട്ടുറപ്പിനു വേണ്ടി ഹൃദയത്തിലെ മോഹങ്ങളെ നുള്ളിയെറിയണമെന്ന് വീട്ടുകാർ ..
കാമുകനെ ആവശ്യമുണ്ട്... (കവിത)
ഇരുപതിൽ ഒരു കാമുകൻ വേണമെന്ന്
ആശിച്ചു..
പ്രായത്തിന്റെ പക്വതയില്ലായ്മ
എന്ന് പറഞ്ഞ്
പലരും കളിയാക്കി.
ബന്ധങ്ങളുടെ കെട്ടുറപ്പിനു വേണ്ടി
ഹൃദയത്തിലെ മോഹങ്ങളെ
നുള്ളിയെറിയണമെന്ന് വീട്ടുകാർ ..
ഒളിച്ചോടിപ്പോയി കല്യാണം കഴിച്ചവരുടെ
കഥകൾ,
രക്ഷിതാക്കളുടെ സങ്കടങ്ങളൊക്കെ നിരത്തി
പൊടിപ്പും തൊങ്ങലും വെച്ച്
തലച്ചോറിനുള്ളിലേക്ക്
പറയാതെ പറഞ്ഞ് പഠിപ്പിച്ചു..
ആൺകുട്ടികളെ സ്നേഹിക്കുന്നതിനു മുൻപായ്
ജാതിയും മതവും ജാതകവും
ചേരുന്നതാണോയെന്ന് നോക്കണം.
തീറ്റിപ്പോറ്റാനും ഉടുക്കാനും കിടക്കാനും
ആസ്തിയുണ്ടൊന്ന് നോക്കണം..
ഇതൊക്കെ തെരഞ്ഞു തെരഞ്ഞു നടക്കാനും
പ്രണയിക്കാനും പേടിയുള്ളവർ
സ്വപ്നങ്ങളിൽ കാമുകിമാരെ
സ്നേഹിക്കാൻ തുടങ്ങി...
പേടിയില്ലാത്തവർ പരസ്യമാക്കാതെ
രഹസ്യങ്ങളെ താലോലിച്ചു.
എഴുതി തുടങ്ങിയ പ്രേമകാവ്യങ്ങൾ
വിറച്ചും പനിച്ചും അപൂർണ്ണരായ്.
ഒളിപ്പിച്ച് വെച്ച പുസ്തകത്താളുകളിൽ
സ്നേഹം ഒഴുകി നടന്നു..
മനസ്സ പ്രണയം പറയാനാകാതെ
കരിനീലച്ചു..
ഒളികണ്ണിട്ട്, കാത്തുനിന്ന കൗമാരവും
തുടിപ്പാർന്ന യുവത്വവും കടന്ന്
പോകുമ്പോൾ
അവഗണനകളും ആശങ്കകളും
ഒറ്റപ്പെടലുകളുമുള്ളൊരു
ജീവിതത്തിൽ നിന്നും
ഇത്തിരി സ്നേഹത്തിന്റെ വെട്ടവുമായ്
ബാക്കിയുള്ള ജീവിതം
ജീവിക്കാൻ വേണ്ടി മാത്രം
വീണ്ടും പ്രേമം തളിർക്കാൻ കൊതിക്കുമ്പോൾ
‘‘സമയമുണ്ടോ? ഉണ്ടെങ്കിൽ
ഒരു കാമുകനെ/ കാമുകിയെ ആവശ്യമുണ്ട്’’
പരസ്യവാചകങ്ങൾ ..
സ്നേഹിക്കാനുംസ്നേഹിക്കപ്പെടാനും
അന്നുമിന്നും തടസ്സങ്ങൾ
കാലവും കാവൽതടവറകളുമാണല്ലോ.
കാമമല്ല ജീവിതം അതൊരു കാലമാണു
സ്നേഹത്തിന്റെ വിത്തുകൾ വാരിയെറിഞ്ഞ്
തളിർപ്പിക്കേണ്ട വസന്തത്തിന്റെ
മുന്നൊരുക്കം പിഴച്ചാൽ...!
English Summary: Writers Blog - Kamukane Aavsyamund, Malayalam Poem