ക്യാമറാമാൻ വേണു സംവിധാനം ചെയ്ത മുന്നറിയിപ്പ് എന്ന സിനിമ പ്രശസ്തമായ മോസ്കൊ ചലചിത്രോത്സവത്തിൽ ഔദ്യോഗിക വിഭാഗത്തിൽ പ്രദർശിപ്പിക്കും. മമ്മൂട്ടി നായകനായി എത്തിയ ചിത്രം ഏറെ നിരൂപകപ്രശംസ നേടിയിരുന്നു.
ലോകത്തെ പഴക്കമേറിയ ചലചിത്രോത്സവങ്ങളിലൊന്നായ മോസ്കൊ ഉത്സവത്തിലെ പൊതു വിഭാഗത്തിലാണ് മുന്നറിയിപ്പു പ്രദർശിപ്പിക്കുക. ഇവിടെ ഏഷ്യൻ വിഭാഗവും ഉണ്ട്. ദയ എന്ന ചിത്രത്തിന് ശേഷം വേണു സംവിധാനം ചെയ്ത ചിത്രമായിരുന്നു മുന്നറിയിപ്പ്. ആര്‍. ഉണ്ണി ആയിരുന്നു തിരക്കഥയും സംഭാഷണവും നിര്‍വഹിച്ചത്. അപര്‍ണ ഗോപിനാഥ്, രഞ്ജി പണിക്കര്‍ എന്നിവരാണ് ചിത്രത്തിലെ മറ്റുതാരങ്ങള്‍.