നടിയും അവതാരകയും മോഡലുമായ റോസിന് ജോളി വിവാഹിതയാകുന്നു. സുനിൽ പി തോമസ് ആണ് വരൻ. ഇരുവരുടെയും വിവാഹനിശ്ചയം കഴിഞ്ഞ ദിവസം ബംഗലൂരുവിൽ വച്ച് നടന്നു. ഫെബ്രുവരി 4ന് കണ്ണൂരിലെ ചൊവ്വ സെന്റ് ഫ്രാൻസിസ് പള്ളിയിൽവച്ചാണ് വിവാഹം.
2011ല് റിലീസ് ചെയ്ത ബാങ്കോക്ക് സമ്മര് എന്ന മലയാളചിത്രത്തിലൂടെയാണ് റോസിന് ജോളി നടിയായി അരങ്ങേറ്റം കുറിച്ചത്. പൃഥ്വിരാജ്, യാമി ഗൗതം എന്നിവര് പ്രധാന വേഷം ചെയ്ത ഹീറോയിലും റോസിന് അഭിനയിച്ചു. കള്ളപ്പെട്ടി എന്ന ചിത്രത്തിലൂടെയാണ് റോസിന് തമിഴിലും അരങ്ങേറ്റം കുറിച്ചിരുന്നു.