16,338 പേര്‍ക്ക് കോവിഡ്, 3000 കേസ് പിന്നിട്ട് 2 ജില്ലകൾ; കേരളത്തിൽ ആകെ മരണം 50,568

തിരുവനന്തപുരം ∙ സംസ്ഥാനത്ത് 16,338 പേര്‍ക്ക് കോവിഡ്. കഴിഞ്ഞ 24 മണിക്കൂറിനിടെ 68,971 സാംപിളുകളാണ് പരിശോധിച്ചത്. കഴിഞ്ഞ ദിവസങ്ങളിലുണ്ടായ 20 മരണങ്ങളാണ് കോവിഡ് മൂലമാണെന്ന് സ്ഥിരീകരിച്ചത്. അപ്പീല്‍ നല്‍കിയ 179 മരണങ്ങളും റിപ്പോര്‍ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 50,568 ആയി. രോഗം സ്ഥിരീകരിച്ച് ചികിത്സയിലായിരുന്ന 3848 പേര്‍ രോഗമുക്തി നേടി.

പോസിറ്റീവായവർ
തിരുവനന്തപുരം 3556
എറണാകുളം 3198
കോഴിക്കോട് 1567
തൃശൂര്‍ 1389
കോട്ടയം 1103
കൊല്ലം 892‌
കണ്ണൂര്‍ 787
പത്തനംതിട്ട 774
മലപ്പുറം 708
പാലക്കാട് 703
ആലപ്പുഴ 588
ഇടുക്കി 462
കാസർകോട് 371
വയനാട് 240

നെഗറ്റീവായവർ
തിരുവനന്തപുരം 572
കൊല്ലം 32
പത്തനംതിട്ട 329
ആലപ്പുഴ 144
കോട്ടയം 313
ഇടുക്കി 203
എറണാകുളം 976
തൃശൂര്‍ 185‌
പാലക്കാട് 157
മലപ്പുറം 120
കോഴിക്കോട് 399
വയനാട് 66
കണ്ണൂര്‍ 215‌
കാസർകോട് 137

പ്രതിവാര ഇന്‍ഫെക്‌ഷന്‍ പോപ്പുലേഷന്‍ റേഷ്യോ പത്തിന് മുകളിലുള്ള 5 തദ്ദേശ സ്വയംഭരണ പ്രദേശങ്ങളിലായി 6 വാര്‍ഡുകളാണുള്ളത്. വിവിധ ജില്ലകളിലായി 1,72,295 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 1,68,657 പേര്‍ വീട്/ഇന്‍സ്റ്റിറ്റ്യൂഷണല്‍ ക്വാറന്റീനിലും 3638 പേര്‍ ആശുപത്രികളിലും നിരീക്ഷണത്തിലാണ്. 545 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.

രോഗം സ്ഥിരീകരിച്ചവരില്‍ 135 പേര്‍ സംസ്ഥാനത്തിന് പുറത്തുനിന്നും വന്നവരാണ്. 15,228 പേര്‍ക്ക് സമ്പര്‍ക്കത്തിലൂടെയാണ് ബാധിച്ചത്. 859 പേരുടെ സമ്പര്‍ക്ക ഉറവിടം വ്യക്തമല്ല. 116 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. ഇതോടെ 76,819 പേരാണ് രോഗം സ്ഥിരീകരിച്ച് ചികിത്സയിലുള്ളത്. 52,14,862 പേര്‍ ഇതുവരെ കോവിഡില്‍നിന്നും മുക്തി നേടി.

English Summary: Kerala covid updates