ഞൊടിയിടയിൽ റസ്റ്ററന്റ് സ്റ്റൈൽ ഹോട്ട് ആൻഡ് സോർ ചിക്കൻ സൂപ്പ്

രുചിയൊട്ടും കുറയാതെ ഉഗ്രൻ സൂപ്പ് വീട്ടിൽ തയാറാക്കാം, രുചിക്കൂട്ട് ഇതാ.

ചേരുവകൾ

• ഇഞ്ചിയും വെളുത്തുള്ളിയും പൊടിയായി അരിഞ്ഞത് - 1 ടേബിൾസ്പൂൺ വീതം
• കാരറ്റ് പൊടിയായി അരിഞ്ഞത് - 2 ടേബിൾ സ്പൂൺ
• കാപ്‌സിക്കം പൊടിയായി അരിഞ്ഞത് - 2 ടേബിൾസ്പൂൺ
• പച്ചമുളക് - 2 എണ്ണം പൊടിയായി അരിഞ്ഞത്
• ബോൺലസ് ചിക്കൻ സ്ട്രിപ്സ് - 2 ടേബിൾസ്പൂൺ
• കുരുമുളകു പൊടി - 1 ടീസ്പൂൺ
• സോയ സോസ് - 3 ടേബിൾസ്പൂൺ
• വെള്ളം - 1 1/2 കപ്പ്‌
• വിനാഗിരി -  1 ടീസ്പൂൺ
• കോൺഫ്ലോർ - 1 ടേബിൾസ്പൂൺ (1/4 കപ്പ്‌ വെള്ളത്തിൽ യോജിപ്പിച്ചത് )
• മുട്ട - 1 അടിച്ചത്
• ഉപ്പ് –  ആവശ്യത്തിന്

തയാറാക്കുന്ന വിധം

• ഒരു ഫ്രൈയിങ് പാനിൽ സ്വല്പം എണ്ണ ചൂടാക്കി അതിലേക്കു ഇഞ്ചി, വെളുത്തുള്ളി എന്നിവ ചേർത്ത് വഴറ്റുക.
• ശേഷം കാരറ്റ്, കാപ്‌സിക്കം എന്നിവ ചേർത്ത് വഴറ്റുക, ഒപ്പം പച്ചമുളകും.
• ഇവ വഴന്നു വരുമ്പോൾ ചിക്കൻ സ്ട്രിപ്സ് ചേർത്ത് യോജിപ്പിക്കുക. 
• കുരുമുളകു പൊടി, സോയ സോസ്, വെള്ളം, വിനാഗിരി എന്നിവ ചേർത്ത് തിള വരുമ്പോൾ വെള്ളത്തിൽ യോജിപ്പിച്ചു വച്ചിരിക്കുന്ന കോൺഫ്ലോർ ചേർത്ത് തുടരെ ഇളക്കുക. 
• ഒന്ന് കട്ടിയാകാൻ തുടങ്ങുമ്പോൾ ആവശ്യത്തിന് ഉപ്പും ചേർക്കുക.
• ഇതിലേക്കു മുട്ട അടിച്ചത് ചേർത്ത് തുടരെ ഇളക്കുക.
• ഒരു മിനിറ്റിൽ തീ ഓഫ്‌ ചെയ്യുക.
• നല്ല സ്വാദിഷ്ടമായ റസ്റ്ററന്റ് സ്റ്റൈൽ ഹോട്ട് ആൻഡ് സോർ ചിക്കൻ സൂപ്പ് തയാർ.

English Summary : Hot and sour chicken soup.