അനൂപ് ചന്ദ്രന്റെ വിവാഹം; കുടുംബസമേതം എത്തി, ആശംസ അറിയിച്ച് ബഷീർ ബഷി

അനൂപ് ചന്ദ്രന് വിവാഹാശംസയുമായി ബഷീർ ബഷി. കുടുംബസമേതം അനുപിന്റെ വിവാഹത്തിന് ബഷീർ ബഷി എത്തിയിരുന്നു. ഇതിനു പിന്നാലെ അനൂപിനും വധുവിനും ഒപ്പമുള്ള ചിത്രം ഇൻസ്റ്റാഗ്രാമിൽ പങ്കുവച്ച് ബഷീർ ബഷി ആശംസകൾ അറിയിച്ചു.

‘‘ഹാപ്പി മാരിഡ് ലൈഫ് അനൂപേട്ടാ’’– ചിത്രം പങ്കുവച്ച് ബഷീർ കുറിച്ചു. ഒരു റിയാലിറ്റി ഷോയില്‍ ഒന്നിച്ചു പങ്കെടുത്തതോടെയാണ് ചലച്ചിത്ര താരമായ അനൂപ് ചന്ദ്രനും പ്രശസ്ത മോഡലായ ബഷീർ ബഷിയും സൗഹൃദത്തിലാകുന്നത്. ഷോ അവസാനിച്ചപ്പോഴും ഇവർ സൗഹൃദം തുടർന്നു.

വിവാഹത്തിൽ പങ്കെടുക്കാനായി കലൂരില്‍ നിന്ന് ഗുരുവായൂരിലേക്കുള്ള യാത്രയുടെ വ്ലോഗ് മഷൂറ ബഷി പങ്കുവച്ചിരുന്നു. വിവാഹചടങ്ങും സൽകാരവും ഉൾപ്പെടുന്നതായിരുന്നു വ്ലോഗ്.