വൈറ്റമിൻ സി, വൈറ്റമിൻ കെ, മാംസ്യം എന്നിവയാൻ സമ്പുഷ്ടമാണു മല്ലിയില. നേരിയ തോതിൽ കാൽസ്യം, ഫോസ്ഫറസ്, പൊട്ടാസ്യം, തയമിൻ, നിയാസിൻ, കരോട്ടിൻ എന്നിവയും ഇതിൽ അടങ്ങിയിട്ടുണ്ട്. നിരവധി ഔഷധഗുണമുള്ള മല്ലിയിലയ്ക്ക് പറയാൻ ഗുണങ്ങളേറെയുണ്ട്.
∙ ശരീരത്തിലെ ചീത്ത കൊളസ്ട്രോളായ എൽഡിഎൽന്റെ അളവു കുറച്ച് നല്ല കൊളസ്ട്രോളായ എച്ച്ഡിഎൽ വർദ്ധിപ്പിക്കാൻ മല്ലിയിലയ്ക്കു കഴിയും.
∙ ദഹനപ്രശ്നങ്ങൾ പരിഹരിക്കാനും കരളിന്റെ പ്രവർത്തനങ്ങൾ സുഗമമാക്കാനും മല്ലിയിലയെ കൂട്ടുപിടിക്കാം.
∙ പ്രമേഹരോഗികൾ മല്ലിയില ഭക്ഷണത്തിൽ ഉൾപെടുത്തുന്നത് നല്ലതാണ്. രക്തത്തിലെ പഞ്ചസാരയുടെ അളവു നിയന്ത്രിക്കാൻ ഇതു സഹായിക്കും.
∙ അൾഷിമേഴ്സ് തടയാൻ മല്ലിയിലയിലടങ്ങിയിരിക്കുന്ന വൈറ്റമിൻ കെ സഹായിക്കും.
∙ കൊഴുപ്പു നിയന്ത്രിക്കുന്ന വൈറ്റമിൻ എ തൊലിപ്പുറത്തും ശ്വാസകോശത്തിലുമുണ്ടാകുന്ന കാൻസറിനെ തടയുന്നു.
∙ സന്ധിവാതത്തിൽ നിന്നു സംരക്ഷണം നൽകാനും വായിലുണ്ടാകുന്ന വ്രണങ്ങൾ കരിയാനും മല്ലിയില സഹായിക്കും.
∙ മല്ലിയില കണ്ണിനു വളരെ നല്ലതാണ്. ചെങ്കണ്ണുപോലുള്ള നേത്രരോഗങ്ങൾ തടയാൻ ഇതിലടങ്ങിയിരിക്കുന്ന ആൻറി ഓക്സിഡന്റ്സ് സഹായിക്കും.
∙ ആർത്തവപ്രശ്നങ്ങൾ പരിഹരിക്കാനും മല്ലി ഉപയോഗിക്കാം.
∙ നാഡീവ്യൂഹപ്രവർത്തനങ്ങളെ ഉത്തേജിപ്പിച്ച് ഓർമശക്തി വർദ്ധിപ്പിക്കാനും മല്ലിയിലയ്ക്കു കഴിയും.
∙ വിളർച്ച തടയാൻ ഇതിലടങ്ങിയിരിക്കുന്ന അയൺ സഹായിക്കും.
ഒട്ടേറെ ഔഷധഗുണങ്ങുളുള്ള മല്ലിയില ഇനി ധൈര്യമായി ഭക്ഷണത്തിൽ ഉൾപ്പെടുത്താം.