നടൻ അജുവർഗീസും അഗസ്റ്റീനയും വിവാഹിതരായതു വാലന്റൈൻസ് ദിനം കഴിഞ്ഞു 10 ദിവസത്തിനു ശേഷമാണ്. 2014 ഫെബ്രുവരി 24ന്. പ്രണയത്തെക്കുറിച്ചു പറയുമ്പോൾ അജുവിന്റെ മനസ്സിൽ എപ്പോഴുമുള്ളതു തേൻമാവിൻ കൊമ്പത്തിലെ സീൻ.
‘പ്രണയം പറയാൻ ലാലേട്ടനുള്ള കഴിവ് അപാരമാണ്. തേൻമാവിൻ കൊമ്പത്തിലെ ‘ പോരുന്നോ? എന്റെ കൂടെ’ ആ ചോദ്യം... മനസ്സിൽ തറഞ്ഞു നിൽക്കാത്ത പ്രണയിനികളുണ്ടോ ??? കൂടെ വിളിക്കാതെ യാത്ര പറയുന്ന മാണിക്യനോടുള്ള ദേഷ്യം പിറുപിറുത്തു നടന്നു നീങ്ങുന്ന കാർത്തുമ്പിയുടെ (ശോഭന) മുന്നിൽ വന്നു നിൽക്കുന്ന മാണിക്യൻ: ‘പെട്ടെന്ന് ഓർത്തു എന്താ ചോദിക്കേണ്ടേന്ന്,
കാർത്തുമ്പി: വേഗം ചോദിച്ചോളു, ഇനി മറക്കുന്നതിനു മുൻപ് .. മാണിക്യൻ: പോരുന്നോ? എന്റെ കൂടെ (പശ്ചാത്തലത്തിൽ പാടവരമ്പിലെ മരത്തിൽ നിന്നുള്ള കൊക്കുകൾ പറന്നുയരുന്നു). ഇതിലും മനോഹരമായി എങ്ങനെ പ്രണയം പറയും. – സീൻ റിക്രിയേറ്റ് ചെയ്ത പോലെ അജു പറഞ്ഞു നിർത്തി.