ഈഗ എന്ന ചിത്രത്തിന് ശേഷം എസ് എസ് രാജമൗലി ഒരുക്കുന്ന ബ്രഹ്മാണ്ഡചിത്രം ബാഹുബലി ജൂലൈ 10ന് തിയറ്ററുകളിലെത്തും. പ്രഭാസ് നായകനായി എത്തുന്ന ചിത്രത്തില് അനുഷ്ക, തമന്ന, റാണ, സത്യരാജ്, നാസര്, രമ്യകൃഷ്ണ, അദ്വിതി ശേഷ് തുടങ്ങിയവര് പ്രധാന കഥാപാത്രങ്ങളെ അവതരിപ്പിക്കുന്നു.
എം എം കീരവാണിയാണ് ബാഹുബലിയുടെ സംഗീത സംവിധാനം നിര്വ്വഹിക്കുന്നത്. തമിഴില് മഹാബലി എന്ന േപരിലും ചിത്രം പുറത്തിറങ്ങും. 2013ലാണ് സിനിമയുടെ ചിത്രീകരണം ആരംഭിക്കുന്നത്. ചിത്രത്തിനു വേണ്ടി 17 സ്റ്റുഡിയോകളിലായി 600 കലാകാരന്മാരാണ് രാവും പകലും പണിയെടുത്തിരുന്നത്. കേരളത്തിലെ അതിരപ്പള്ളിയിലും സിനിമയുടെ ചിത്രീകരണം ഉണ്ടായിരുന്നു.
ഇത്രയധികം തയ്യാറെടുപ്പുകള്ക്ക് ശേഷം റിലീസിനെത്തുന്ന ചിത്രം ഇന്ത്യന് സിനിമയിലെ തന്നെ ഒരു അത്ഭുതമായി മാറിയേക്കാം എന്നാണ് ടോളിവുഡില് നിന്നുള്ള സംസാരം.
ചിത്രം ഹിന്ദിയില് പ്രദര്ശനത്തിനെത്തിക്കുന്നത് പ്രശസ്ത ബോളിവുഡ് സംവിധായകനും നിര്മ്മാതാവുമായ കരണ് ജോഹറാണ്. കൂടാതെ മറ്റ് ഇന്ത്യന് ഭാഷകളിലേക്ക് മൊഴിമാറ്റി എത്തുന്ന ചിത്രം വിദേശഭാഷകളിലും പ്രദര്ശനത്തിനെത്തിക്കും.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.