പ്രശസ്തടെലിവിഷന്‍ അവതാകരയും സിനിമാതാരവുമായ തമിഴ് നടി രമ്യ വിവാഹമോചിതയാകുന്നുവെന്ന് കുറച്ച് മാസങ്ങള്‍ക്ക് മുന്‍പ് മാധ്യമങ്ങളില്‍ വാര്‍ത്ത വന്നിരുന്നു. ഇപ്പോള്‍ വാര്‍ത്ത സ്ഥിരീകരിച്ച് രമ്യ തന്നെ രംഗത്തെത്തി. ‘എല്ലാ ഗോസിപ്പുകള്‍ക്കും വിട, ഇരുവരുടെയും സമ്മതത്തോടെ ഞങ്ങള്‍ വിവാഹമോചിതരാകുകയാണ്. ഇരുകുടുംബങ്ങളെയും ബാധിക്കുന്ന ഒരു കാര്യമായതിനാല്‍ മാധ്യമങ്ങളും സുഹൃത്തുക്കളും എന്‍റെ സ്വകാര്യതയെ മാനിക്കണം. ഇനി മുതല്‍ എന്‍റെ ശ്രദ്ധമുഴുവന്‍ ജോലിയാണ്. രമ്യ ട്വീറ്റ് ചെയ്തു.
ചെന്നൈ സ്വദേശിയായ അപരിജിത് ജയരാമന്‍ ആയിരുന്നു രമ്യയുടെ ഭര്‍ത്താവ്. ഒരു വര്‍ഷം നീണ്ടുനിന്ന ദാമ്പത്യ ജീവിതത്തിനാണ് ഇതോടെ അന്ത്യമാകുന്നത്.
ടെലിവിഷനിലൂടെ ശ്രദ്ധേയയായ രമ്യ മണിരത്നം ചിത്രമായ ഒകെ കണ്‍മണിയിലൂടെയാണ് സിനിമാരംഗത്തെത്തുന്നത്. രമ്യയുടെ സിനിമാപ്രേവശനം തന്നെയാണ് ദാമ്പത്യജീവിതത്തില്‍ വിള്ളല്‍ വീഴാന്‍ കാരണമായതെന്നാണ് റിപ്പോര്‍ട്ട്.