ന്യൂഡൽഹി∙ കേന്ദ്ര സാഹിത്യ അക്കാദമിയുടെ യുവ സാഹിത്യ പുരസ്‌കാരത്തിനു മലയാളത്തിൽ നിന്ന് അശ്വതി ശശികുമാറിന്റെ ‘ജോസഫിന്റെ മണം’ എന്ന കഥാസമാഹാരം തിരഞ്ഞെടുക്കപ്പെട്ടു. മലയാളത്തിൽനിന്ന് എസ്.ആർ.ലാലിന്റെ ‘കുഞ്ഞുണ്ണിയുടെ യാത്രാപുസ്‌തകം’ എന്ന നോവലിനാണു ബാലസാഹിത്യ പുരസ്കാരം.
തിരുവിതാംകൂർ രാജകുടുംബത്തെക്കുറിച്ചു മനു എസ്.പിള്ള എഴുതിയ ‘ദി ഐവറി ത്രോൺ’ ആണ് ഇംഗ്ലിഷിൽനിന്നു യുവ സാഹിത്യ പുരസ്‌കാരത്തിനു തിരഞ്ഞെടുക്കപ്പെട്ടത്.
50,000 രൂപയും ഫലകവുമാണു പുരസ്‌കാര ജേതാക്കൾക്കു ലഭിക്കുക. യുവ, ബാല സാഹിത്യ വിഭാഗങ്ങളിൽ 24 ഭാഷകളിൽ നിന്നുള്ള കൃതികളാണു തിരഞ്ഞെടുത്തത്.