കോഴിക്കോട്ട് ഡോക്ടർ ദമ്പതികൾ മരിച്ച നിലയിൽ; വീട്ടിൽനിന്ന് ആത്മഹത്യാകുറിപ്പ് കണ്ടെടുത്തു

കോഴിക്കോട്∙ മലാപ്പറമ്പ് ഹൗസിങ് കോളനിയിൽ ഡോക്ടർ ദമ്പതികളെ മരിച്ച നിലയിൽ കണ്ടെത്തി. ഡോ. റാം മനോഹർ (70), ഭാര്യ ശോഭ മനോഹർ (72) എന്നിവരെയാണ് ഇന്നു രാവിലെ മരിച്ച നിലയിൽ കണ്ടെത്തിയത്.

അമിത അളവിൽ മരുന്ന് കഴിച്ചതാണ് മരണകാരണമെന്നാണു പ്രാഥമിക നിഗമനം. ചെവായൂർ പൊലീസ് സ്ഥലത്തെത്തിയിട്ടുണ്ട്. വീട്ടിൽനിന്ന് ആത്മഹത്യാകുറിപ്പും കണ്ടെത്തിയതായി പൊലീസ് പറഞ്ഞു. 6 മാസം മുൻപാണ് ഇവിടെ താമസമാക്കിയത്. ഭാര്യ തളർച്ചയായി കിടപ്പിലായിരുന്നു. മകൾ ദന്ത ഡോക്ടറാണ്. മരുമകൻ മാഹി കോളജിൽ ട്യൂട്ടറാണ്.

(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പരുകൾ - 1056, 0471- 2552056)

English Summary: Doctor Couple Found Dead In Kozhikode