Manoramaonline.com no longer supports Internet Explorer 8 or earlier. Please upgrade your browser.  Learn more »

പച്ചക്കറികൾ പാകം ചെയ്യുമ്പോൾ ശ്രദ്ധിക്കണേ...

Cooking

പച്ചക്കറികൾ ഇല്ലാത്ത അടുക്കള കാണില്ല. പച്ചക്കറികൾ വയ്ക്കുമ്പോൾ ചില കാര്യങ്ങൾ ശ്രദ്ധിക്കണം. പച്ചക്കറികൾ ഒരേ നീളത്തിൽ അരിയുന്നതെന്തിനാണെന്ന് അറിയാമോ?. പച്ചക്കറികൾ വേവിക്കുമ്പോൾ എന്തൊക്കെ ശ്രദ്ധിക്കണം എന്ന് നോക്കാം.

∙ ഒരു കറിക്ക് ഉപയോഗിക്കുന്ന എല്ലാ പച്ചക്കറിയും ഒരേ വലുപ്പത്തിലരിയണം. അല്ലെങ്കിൽ കഷണങ്ങൾ കുഴഞ്ഞു പോകും.

∙ പച്ചക്കറികൾ വേകാൻ പാകത്തിനുള്ള വെള്ളം വച്ചു തിളച്ച ശേഷം മാത്രമേ പച്ചക്കറിക്കഷണങ്ങൾ അതിലേക്കു ചേർക്കാവൂ.

∙ പച്ചക്കറികൾ പകുതി വേവായ ശേഷം മാത്രമേ വിനാഗിരിയോ പുളിയോ ചേർക്കാവൂ ഇല്ലെങ്കിൽ ശരിക്കു വേകാതെ കഷണങ്ങൾ കല്ലിച്ചു പോകും.

∙ കാച്ചിയ മോര്, കസ്റ്റാർഡ് എന്നിവ അടുപ്പിലിരുന്നു ചെറുതീയിൽ കുറുകുമ്പോൾ തുടരെയിളക്കണം. വാങ്ങിവച്ചാലും വലിയ ചൂടു മാറുന്നതു വരെ ഇളക്കിക്കൊണ്ടിരിക്കണം. പിരിഞ്ഞു പോകാതിരിക്കാനാണിത്.

∙ മുട്ട വാട്ടാൻ മൂന്നു മിനിറ്റും പുഴുങ്ങാൻ 10 മിനിറ്റും വേണം.

∙ റൊട്ടിപ്പൊടി പൊതിഞ്ഞു വറക്കുമ്പോൾ അവ ഇളകിപ്പോകാതിരിക്കാൻ റൊട്ടിപ്പൊടിയിൽ അൽപം വെള്ളം തളിച്ചു കുതിർത്ത ശേഷം അതിൽ വേണം കട്‍ലറ്റ് പൊതിയാൻ. അങ്ങനെ ചെയ്താൽ വറുക്കുമ്പോൾ ഒരു ഇളം ചുവപ്പു നിറം കിട്ടും. നല്ല സ്വാദും ഉണ്ടായിരിക്കും.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.