വ്യത്യസ്തമായൊരു വഴനയില (ഇടന ഇല) ബ്ലാക്ക് ടീ പരീക്ഷിച്ചുനോക്കിയിട്ടുണ്ടോ? ശരീരോന്മേഷവും പ്രതിരോധശക്തിയും നല്കുന്ന പ്രത്യേക പാനീയമാണിത്.
വഴനയില ബ്ലാക്ക് ടീ
ചേരുവകള്‍
വഴനയില - ഒരു വഴനയിലയുടെ പകുതി
തേയില - കാല്‍ സ്പൂണ്‍
ഏലയ്ക്ക - രണ്ട്
പഞ്ചസാര - പാകത്തിന്
വെള്ളം - രണ്ടര കപ്പ്
തയാറാക്കുന്ന വിധം
ഒരു ചെറിയ പാത്രത്തില്‍ വെള്ളം തിളയ്ക്കുവാന്‍ വയ്ക്കുക. അതിലേയ്ക്ക് വഴനയില, തേയില, ഏലയ്ക്ക, പഞ്ചസാര എന്നീ ചേരുവകള്‍ ചേര്‍ത്തു വെള്ളം തിളപ്പിച്ച ശേഷം അരിച്ച് ഉപയോഗിക്കാം.
ഉപയോഗിക്കുമ്പോൾ
പഞ്ചസാര ഉപയോഗിക്കാതിരുന്നാല്‍ പ്രമേഹരോഗികള്‍ക്കും ഉപയോഗിക്കാവുന്നതാണ്.