Manoramaonline.com no longer supports Internet Explorer 8 or earlier. Please upgrade your browser.  Learn more »

പരിസ്ഥിതിയോട് ഇണങ്ങിയൊരു വീട്

utility home

ദീർഘചതുരാകൃതിയിലുള്ള 26 സെന്റ് പ്ലോട്ടാണ് വിദേശ മലയാളിയായ സണ്ണി വീട് പണിയാനായി വാങ്ങിയത്. പരിസ്ഥിതിയോട് ഇണങ്ങിയതും ജലസംരക്ഷണ പാഠങ്ങൾ ഉൾക്കൊള്ളിച്ചതും, മോഡേൺ, കേരളീയ പരമ്പരാഗത രൂപകൽപനകൾ ഇഴചേർന്നതുമാകണം ഡിസൈൻ എന്നും അവർക്ക് നിർബന്ധമുണ്ടായിരുന്നു. പ്രാർത്ഥനാനിർഭരമായ വീടെന്ന സങ്കൽപ്പവും സാജുവും കുടുംബവും എൻജിനീയർ ശ്രീകാന്ത് പങ്കപ്പാട്ടിന്റെ മുന്നിൽ വച്ചിരുന്നു. ചെരിവ് മേൽക്കൂരയിൽ നിന്നും ലഭിക്കുന്ന വെള്ളം ശേഖരിക്കുന്ന 60,000 ലിറ്റർ കപ്പാസിറ്റി ഉള്ള ഫെറോസിമന്റ് ടാങ്കും, റെയിൻവാട്ടർ ഹാർവെസ്റ്റിങ് സിസ്റ്റവും, ആവശ്യമായ വൈദ്യുതി ലഭിക്കുന്ന സൗരോർജ്ജ പാനലുകളും, വീട്ടിലെ വേസ്റ്റ് മുഴുവൻ വളമാക്കി മാറ്റുന്ന നൂതന ഇൻസിനേറ്ററുമടക്കം സ്വയംപര്യാപ്തത നേടിയ വീടാണിതെന്ന് നിസ്സംശയം പറയാം.

utility-home1

2900 സ്ക്വയർഫീറ്റ് വിസ്തൃതിയുള്ള ഈ വീട്ടിൽ 4 കിടപ്പുമുറിയും, സർവന്റ്സ് ബെഡും ടോയ്‌ലറ്റ് അറ്റാച്ച് ചെയ്താണ് നിർമ്മിച്ചിരിക്കുന്നത്. ഭിത്തിയിൽ നാച്ചുറല്‍ ക്ലാഡിങ് സ്റ്റോൺ പതിച്ചിരിക്കുന്ന നീളൻ വരാന്തയും ഒരു വശത്തായി നിർമ്മിച്ചിരിക്കുന്ന പോർച്ചും, റൂഫിലെ ബെവിൻഡോകളും, കന്റെംപ്രറി എലമെന്റുകളുടെ നേർകാഴ്ചയാണ്. ഫോർമൽ ലിവിങ്ങും ഫാമിലി ലിവിങ്ങും റൂഫ് പര്‍ഗോളയും ക്രിസ്തു രൂപവും നൽകി വേർതിരിച്ചിരിക്കുന്നു. L ടൈപ്പിലുള്ള ഡൈനിങ് ഹാളിന്റെ ഒരറ്റത്തായി പ്രാർത്ഥനാ ഏരിയയും സജ്ജീകരിച്ചിരിക്കുന്നു. എല്ലാ മുറികളിലും പ്രാർത്ഥനാ നിർഭരം എന്ന് നിസ്സംശയം വിശേഷിപ്പിക്കാവുന്ന കാഴ്ചയിലും പോസിറ്റീവ് എനർജി വീട്ടില്‍ നിറയുന്നു.

utility-home2
utility-home3
utility-home4

മോഡേൺ അടുക്കളയും, വർക്ഏരിയയും, സ്റ്റോറും വടക്ക് – കിഴക്ക് നൽകി തൊട്ടടുത്ത് തന്നെ സെർവന്റ് ബെഡും ഒരുക്കിയിരിക്കുന്നു.

utility-home5
utility-home6
utility-home7
utility-home8

ഫ്ലാറ്റ് റൂഫ് വാർത്ത് ജിഐ ട്രസ്സ് വർക്ക് ചെയ്ത് സെറാമിക് ടൈൽ പതിച്ചിരിക്കുന്ന അപ്പര്‍ ഫ്ലോറിലേക്ക് വർക്ക്ഏരിയയിൽ നിന്നും കയറാവുന്ന സ്റ്റെയർകെയ്സും നൽകിയിട്ടുണ്ട്. ട്രസ് റൂഫിനുള്ളിൽ ഹോം ഫിറ്റ്നസ് സൗകര്യങ്ങളും, തുണി ഉണക്കുവാനുമുള്ള ഏരിയയും സജ്ജീകരിച്ചിട്ടുണ്ട്.

utility-home9
utility-home10

മുറ്റത്ത് ഇന്റര്‍ലോക്ക് വിരിച്ച് ബാക്കിസ്ഥലം സ്വാഭാവിക പ്രകൃതിയുടെ പച്ചപ്പും, തണുപ്പും നൽകാനായി മലേഷ്യൻ കാർപ്പറ്റ് പുല്ലും, തണലേകുന്ന മാവും, ചെറുപനകളും പിടിപ്പിച്ചിരിക്കുന്നു.

ദൈവനാമത്തിൽ എപ്പോഴും പ്രാർത്ഥനാ നിർഭരമായ ശാന്തത നിറയുന്ന ഈ വീട് പോസിറ്റീവ് എനർജി പകരുന്ന യൂട്ടിലിറ്റി ഹോം ശ്രേണിയിൽപെടുന്നു

വീട്

വഴുതനപ്പള്ളിയിൽ

പിണ്ണാക്കനാട്

ഡിസൈനർ

ശ്രീകാന്ത് പങ്ങപ്പാട്ട്

പി.ജി. ഗ്രൂപ്പ് ഡിസൈൻസ്

കാഞ്ഞിരപ്പള്ളി

Mob: 9447114080

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.