താങ്കൾ വലിയൊരു ഹീറോ. ആ വലിയ ഹൃദയവും തുറന്നുകാട്ടൂ– ബോളിവുഡ് നടൻ ഗോവിന്ദയോട് സുപ്രീംകോടതി പറയുകയാണ്. ഗോവിന്ദ ഷൂട്ടിങ് സെറ്റിൽവച്ച് തന്നെ മർദിച്ചെന്നും ഭീഷണിപ്പെടുത്തിയെന്നും സന്തോഷ് റായ് എന്നൊരാൾ 2008ൽ നൽകിയ പരാതി രമ്യമായി പരിഹരിക്കാനാണ് കോടതിയുടെ നിർദേശം.
അതായത്, പരാതിക്കാരനോടു മാപ്പു പറയണം. അടിയും ബഹളവുമൊക്കെ സിനിമയിൽ മതി, ജീവിതത്തിൽ വേണ്ട. താങ്കളഭിനയിച്ച സിനിമയൊക്കെ ഞങ്ങൾ ആസ്വദിക്കും. പക്ഷേ തല്ലിനിറങ്ങിയാൽ സഹിക്കില്ല– ജസ്റ്റിസ് ടി.എസ്. താക്കൂർ അധ്യക്ഷനായുള്ള ബെഞ്ച് വ്യക്തമാക്കി.