യുവാക്കളുടെ ഹരമായ സണ്ണിലിയോൺ ആദ്യമായി മലയാള സിനിമയിലേക്കെത്തുന്നു. ബാക്ക്‌വാട്ടർ സ്റ്റുഡിയോയുടെ ബാനറിൽ ജയലാൽ മേനോൻ നിർമിക്കുന്ന പുതിയ ചിത്രമായ രംഗീലയിലാണ് സണ്ണിലിയോൺ കേന്ദ്രകഥാപാത്രമായി എത്തുന്നത്.
സണ്ണി ലിയോൺ തന്നെയാണ് സമൂഹമാധ്യമത്തിലൂടെ ഈ വിവരം പങ്കുവച്ചത്. മലയാളത്തിലേയ്ക്കുള്ള തന്റെ ആദ്യത്തെ ചുവടുവെപ്പാണ് ഈ സിനിമയെന്ന് സണ്ണി പറയുന്നു. നേരത്തെ പല സിനിമകളും മലയാളത്തിൽ സണ്ണിയുടേതായി പ്രഖ്യാപിച്ചിരുന്നെങ്കിലും മുടങ്ങുകയായിരുന്നു.
സന്തോഷ് നായരാണ് രംഗീലയുടെ സംവിധായകൻ. മണിരത്നം, സച്ചിൻ എന്നീ ചിത്രങ്ങൾക്ക് ശേഷം സന്തോഷ് നായർ സംവിധാനം ചെയ്യുന്ന ചിത്രമാണ് രംഗീല. കോ പ്രൊഡക്ഷൻ–ഫെയറി ടെയിൽ പ്രൊഡക്ഷസ്, ഡിസ്ട്രിബ്യൂഷൻ വൺ വേൾഡ് എന്റെർടെയ്ൻമെന്റ്സ്, പ്രൊജക്ട് ഡിസൈൻ ജോസഫ് വർഗീസ്. പോസ്റ്റ് പ്രൊഡക്ഷൻ വർക്കുകൾ നടന്നുകൊണ്ടിരിക്കുന്ന ജയറാം കൈലാസ് ചിത്രം പപ്പുവിനുശേഷം ബാക്ക്‌വാട്ടർ സ്റ്റുഡിയോസ് നിർമിക്കുന്ന 5ാമത്തെ ചിത്രമാണ് രംഗീല.
