മലയാളത്തിൽ നിന്ന് മറ്റൊരു സെലിബ്രിറ്റി വിവാഹം കൂടി. നടി അർച്ചന കവി വിവാഹിതയായി. ഹാസ്യപരിപാടികളിലൂടെ ശ്രദ്ധേയനായ അബിഷ് മാത്യു ആണ് അർച്ചനയുടെ വരൻ. അടുത്ത ബന്ധുക്കളും സുഹൃത്തുക്കളും ചടങ്ങിൽ പങ്കെടുത്തു. റിമ കല്ലിങ്കലും മാളവിക മോഹനും സിനിമാരംഗത്തു നിന്നും എത്തിയിരുന്നു.
കഴിഞ്ഞ ഒക്ടോബർ 31നായിരുന്നു ഇരുവരുടെയും വിവാഹനിശ്ചയം നടന്നത്. അർച്ചനയും അബിഷും ബാല്യകാല സുഹൃത്തുക്കളാണ്. ഏറെ വിവാദങ്ങൾ സൃഷ്ടിച്ച എഐബി റോസ്റ്റിൽ പങ്കെടുത്ത മലയാളിയാണ് സംഗീതജ്ഞൻ കൂടിയാണ് അബിഷ്. ഇരുവരും ചെറുപ്പം മുതലേ സുഹൃത്തുക്കളാണ്. അർച്ചന ആദ്യം പ്രൊപ്പോസൽ നിരസിച്ചിരുന്നു. പിന്നീട് സമ്മതം അറിയിക്കുകയായിരുന്നു.
റേഡിയോ ജോക്കിയായി കരിയര് തുടങ്ങിയ അബീഷ് കോമഡി ഷോകളിലൂടെയാണ് ശ്രദ്ധിക്കപ്പെട്ടത്. ഗായകന്, നടന് എന്നീ നിലകളിലും ശ്രദ്ധിക്കപ്പെട്ട അബീഷ് ചില ബോളിവുഡ് സിനിമകളിലും വേഷമിട്ടിട്ടുണ്ട്.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.