അറിയുമോ, മൊയ്തീനായി വെള്ളിത്തിരയിലെത്തേണ്ടിയിരുന്നത് സാക്ഷാൽ ജയൻ. ജയൻ അഭിനയിച്ച അഭിനയം എന്ന ചിത്രം നിർമിച്ചത് മൊയ്ദീനായിരുന്നു. ഇൗ ചിത്രത്തിന്റെ സെറ്റിൽ വച്ച് തന്റെ ജീവിതാനുഭവങ്ങൾ മൊയ്ദീൻ ജയോനോട് പങ്കുവച്ചിരുന്നു.
സംഭവ ബഹുലമായ ജീവിതകഥ കേട്ട ജയൻ ഇതൊരു സിനിമയാക്കാമെന്നും താൻ മൊയ്തീനായി അഭിനയിക്കാമെന്നു വാക്കും കൊടുത്താതാണ്. ഒരു മാസത്തിനുശേഷം കോളിളക്കം എന്ന ചിത്രത്തിന്റെ ഷൂട്ടിങ്ങിനിടയിൽ വച്ച് ഹെലികോപ്ടർ അപകടത്തിൽ ജയൻ മരിക്കുകയായിരുന്നു. കുറച്ചു നാളുകൾക്കു ശേഷം മൊയ്തീനും മുങ്ങിമരിച്ചു.
വർഷങ്ങൾക്കുശേഷം മൊയ്തീനായി വെള്ളിത്തിരയിൽ തിളങ്ങാൻ ഭാഗ്യം ലഭിച്ചത് പൃഥ്വിരാജിനായിരുന്നു. പ്രണയിനി കാഞ്ചനമാലയായി എത്തിയത് പാർവതിയുമായിരുന്നു. 50 ദിവസം പിന്നിട്ട ചിത്രം ഇന്നും തീയറ്ററുകളിൽ നിറ‍ഞ്ഞോടുകയാണ്.