വ്യത്യസ്തമായ വേഷങ്ങൾ കൈകാര്യം ചെയ്തു നമ്മെ അതിശയിപ്പിച്ച നടനാണ് വിക്രം. ഏറ്റവും പുതിയ ചിത്രമായ ഇരുമുഗനിൽ ട്രാൻസ്ഡെജൻഡറായി അഭിനയിക്കുമ്പോഴും അങ്ങനെ തന്നെ. ഇരു മുഗന്റെ പുതിയ ട്രെയിലറിലെ വിക്രത്തിന്റെ ലുക്കും ആക്ഷനും അതിഗംഭീരം. ത്രില്ലിങ് കഥാപാത്രം തന്നെയാണു പ്രേക്ഷകനെ കാത്തുനിൽക്കുന്നതെന്നുറപ്പു തരുന്നു ഈ ട്രെയിലർ.
വിക്രം-നയൻതാര ജോഡികൾ ആദ്യമായി ഒന്നിക്കുന്ന ചിത്രം കൂടിയാണിത്. ആനന്ദ് ശങ്കറാണ് ഈ സയൻസ് ഫിക്ഷൻ ചിത്രത്തിന്റെ സംവിധാനം. ഷിബു തമീൻസ് ആണു നിർമ്മാണം. ഹാരിസ് ജയരാജാണു സംഗീതം. ആർ.ഡി രാജശേഖറിന്റേതാണു ഛായാഗ്രഹണം.