തമിഴിൽ സഹനടിമാരിൽ ഏറ്റവുമധികം തിളങ്ങുന്ന താരമാണ് രാധിക ശരത്കുമാർ. അമ്മ വേഷങ്ങളിലൂടെയാണ് നടി പ്രേക്ഷകശ്രദ്ധനേടുന്നത്. വിജയ് സേതുപതി നായകനായി എത്തിയ ധർമധുരൈ എന്ന ചിത്രത്തിൽ വിജയ്‌യുടെ അമ്മയായി എത്തിയ രാധികയുടെ പ്രകടനവും ഏറെ ചർച്ചയായിരുന്നു.
രാധികയുടെ ഭർത്താവും നടനുമായ ശരത്കുമാറും ഈ ചിത്രം കാണാൻ ഇടയായി. എന്നാൽ ചിത്രത്തിന്റെ ടൈറ്റിൽ കാർഡിൽ രാധികയുടെ പേര് ഏറ്റവും അവസാനമായാണ് അണിയറപ്രവർത്തകർ നൽകിയിരുന്നത്. ഇത് ശരത്കുമാറിനെ ഒരുപാട് വേദനിപ്പിച്ചു. ഈ വിഷമം അദ്ദേഹം ട്വിറ്ററിലൂടെ അറിയിക്കുകയും ചെയ്തു.
പുതുതലമുറയിലെ താരങ്ങള്‍ക്ക് ശേഷം, സീനിയറായ ഒരു നടിയുടെ പേര് കാണിക്കുന്നത് അപമാനിക്കുന്നതിന് തുല്യമാണെന്നാണ് ശരത്ത് കുമാര്‍ പറയുന്നത്. മുതിർന്ന താരങ്ങളെ ആദരിക്കുകയും ബഹുമാനിക്കുകയും ചെയ്യണമെന്ന് അദ്ദേഹം അറിയിച്ചു.