അനുഷ്ക പൊണ്ണത്തടിച്ചിയായി എത്തുന്ന സൈസ് സീറോ എന്ന ചിത്രത്തിന്‍റെ മേക്കിങ് വിഡിയോ പുറത്തിറങ്ങി. വിഡിയോയിൽ അനുഷ്ക തടി കൂട്ടാൻ എടുത്ത കഷ്ടപ്പാടും ചിക്കനും മട്ടനുമൊക്കെ മൂക്കുമുട്ടെ വലിച്ചുകേറ്റുന്ന രംഗങ്ങളെല്ലാം ഉൾപ്പെടുത്തിയിട്ടുണ്ട്.
ചിത്രത്തിനായി അനുഷ്ക എടുത്ത കഷ്ടപ്പാട് കണ്ടാൽ പ്രേക്ഷകർ തന്നെ അന്പരക്കും. സ്ത്രീകളിലെ തടികൊണ്ട് ഉണ്ടാകുന്ന ബുദ്ധിമുട്ടാണ് സിനിമയുടെ പ്രമേയം. ചിത്രത്തില്‍ രണ്ടു ഗെറ്റപ്പിലാകും അനുഷ്ക എത്തുക. ഇതിനായി താരം കഠിനമായ ശരീരമാറ്റമാണ് നടത്തിയിരിക്കുന്നത്
തമിഴിലും തെലുങ്കിലുമായി നിർമ്മിക്കുന്ന ചിത്രം തമിഴിൽ ഇൻജി ഇടുപ്പഴകി എന്നപേരിലാണ് പുറത്തിറങ്ങുക. പ്രകാശ്‌കോവെലാമുടി സംവിധാനം ചെയ്യുന്ന സിനിമയിൽ ആര്യയാണ് നായകൻ. നവംബർ 27ന് ചിത്രം തിയറ്ററുകളിലെത്തും.