കുവൈത്ത് സിറ്റി ∙ കുടുംബ വീസയിൽ എത്തുന്ന പ്രവാസി സ്ത്രീകൾക്ക് ഇനി കുവൈത്തിൽ തൊഴിൽ വീസയിലേക്കു മാറ്റം അനുവദിക്കില്ല. കുടുംബ വീസയിലുള്ള സ്ത്രീക്ക് ഭർത്താവ് മരിച്ചാൽ താമസാനുമതി റദ്ദാകുമെന്നും അവർ രാജ്യം വിട്ടുപോകേണ്ടിവരുമെന്നും പുതിയ ഉത്തരവിലുണ്ട്.
ജോലി ചെയ്യാനുള്ള സാഹചര്യം ലഭ്യമാകില്ലെങ്കിൽ ഭാര്യമാരെ കുടുംബ വീസയിൽ കൊണ്ടുവരുന്നവരുടെ എണ്ണത്തിൽ ഇനി കുറവുണ്ടാകും.ഇതുവരെ കുടുംബ വീസയിലുള്ളവർക്കു തൊഴിൽ വീസയിലേക്കു മാറ്റം അനുവദിച്ചിരുന്നു. പ്രവാസി വനിതകളിൽ ഏറെപ്പേരും ഈ സൗകര്യം ഉപയോഗപ്പെടുത്തിയിട്ടുള്ളവരാണ്.