Manoramaonline.com no longer supports Internet Explorer 8 or earlier. Please upgrade your browser.  Learn more »

ചെമ്മീൻ കൊണ്ടൊരു കിടിലൻ ടോസ്റ്റ്

ടോസ്റ്റ് ഇഷ്ടപ്പെടുന്നവർക്ക് ഏറെ ഇഷ്ടപ്പെടുന്നൊരു ചെമ്മീൻ ടോസ്റ്റ്. ചെമ്മീനും ബ്രഡും ചേർന്ന് മൊരിഞ്ഞ ഉഗ്രൻ കൂട്ട്. ബ്രഡ് ടോസ്റ്റ് പരിചിതമാണെങ്കിലും ചെമ്മീൻ അരച്ച ഫില്ലിങ് നിറച്ച ടോസ്റ്റ് വ്യത്യസ്തമായൊരു രുചിമേളമാണ് പരിചയപ്പെടുത്തുന്നത്.

ചെമ്മീൻ – 250 ഗ്രാം (വൃത്തിയാക്കിയത്)
വെളുത്തുള്ളി – 10 അല്ലി
ഇഞ്ചി – 10 കഷണം
ചുവന്ന മുളക് – 2 എണ്ണം
സ്പ്രിങ് ഒനിയൻ – 1 കപ്പ്
എള്ളെണ്ണ – 1 ടേബിൾ സ്പൂൺ
സോയ സോസ് – 1 ടേബിൾ സ്പൂൺ
മുട്ട – 1
ഉപ്പ് – 1 ടീസ്പൂൺ
വൈറ്റ് ബ്രഡ് – 3 എണ്ണം
എഗ് വാഷ്
ബ്രഡ് പൊടിച്ചത്

പാചകവിധി

∙ വൃത്തിയാക്കിയ ചെമ്മീൻ കഷണങ്ങൾ വെളുത്തുള്ളി, ഇഞ്ചി, ചുവന്നമുളക്, സ്പ്രിങ് ഒനിയൻ എന്നിവ ചേർത്ത് മിക്സിയിൽ അരച്ചെടുക്കുക. എള്ളെണ്ണയും സോയ സോസും മുട്ടയും ഉപ്പും ഇതിലേക്കു ചേർത്ത് കൈ കൊണ്ട് നന്നായി യോജിപ്പിക്കുക.

∙ ബ്രഡ് കഷണങ്ങൾ അരികു മുറിച്ച്, ത്രികോണാകൃതിയിലാക്കി എടുക്കുക.

∙ ഓരോ കഷണത്തിലേക്കും ചെമ്മീൻ കൂട്ട് നിരത്തി മീതെ എഗ്ഗ് വാഷ് തേച്ചു കൊടുക്കാം. ബ്രഡ് പൊടിച്ചതിലിട്ട് മറുവശത്തും എഗ്ഗ് വാഷ് പുരട്ടി എണ്ണയിൽ വറുത്തെടുക്കണം. ഇരുവശവും ബ്രൗൺ നിറമാകുമ്പോൾ വറുത്തുകോരാം. മൊരിഞ്ഞ ചെമ്മീൻ ടോസ്റ്റിന്റെ അത്യുഗ്രൻ ടേസ്റ്റ് നിങ്ങൾക്കിഷ്ടപ്പെടും.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.