പ്ലേബോയ് അവസാന ലക്കം നായിക ആരെന്ന കാര്യത്തിൽ തീരുമാനമായി. ക്രിസ്റ്റി ഗാരെറ്റ് (26) പ്ലേബോയ് യുടെ അവസാന ലക്കത്തിന്റെ നടു പേജിൽ നഗ്നയായി പ്രത്യക്ഷപ്പെടും. ഇതോടെ പ്ലേബോയ് പ്രിന്റഡ് മാഗസിൻ യുഗത്തിന് അവസാനമാകും. അറുപതു വർഷം മുമ്പ് ഹ്യൂ ഹെഫ്നർ ആരംഭിച്ച മെൻസ് മാഗസിൻ പ്ലേബോയ് അടുത്ത വർഷം മാർച്ച് ലക്കത്തോടെ പ്രിന്റുചെയ്യുന്നത് അവസാനിപ്പിക്കുന്നതിനാണ് തീരുമാനം. കഴിഞ്ഞ ഒക്ടോബറിലായിരുന്നു ഇതുസംബന്ധിച്ച പ്രഖ്യാപനമുണ്ടായത്.
1953ൽ ആരംഭിച്ച പ്ലേബോയ് മാഗസിനിൽ കവർ പേജിലെത്തിയത് ഹോളിവുഡിന്റെ എക്കാലത്തെയും രോമാഞ്ചമായിരുന്ന സാക്ഷാൽ മർലിൻ മൺറോ ആയിരുന്നു. പിന്നെ നടുപേജ് സങ്കൽപം പിറന്നതോടെ 1956ൽ മരിയൻ സ്റ്റഫോർഡ് ആദ്യ നടുപേജിലെ നഗ്നനായികയായെത്തി. ഇപ്പോൾ ചരിത്രമാകാൻ അവസാന നടുപേജിലേയ്ക്ക് അവസരമൊരുങ്ങിയിരിക്കുന്നത് ക്രിസ്റ്റ് ഗാരറ്റിനാണ്. ഈ ചരിത്ര നിയോഗത്തിൽ താൻ ആഹ്ലാദവതിയാണെന്ന് മോഡൽ ക്രിസ് ഗാരറ്റ് ന്യൂയോർക്ക് ഡെയ്‌ലി ന്യൂസിനോടു പറഞ്ഞു.