മഷ്മെല്ലോ പ്രഖ്യാപന വേളയില് വാഗ്ദാനം ചെയ്തത് പോലെ ഗൂഗിള്; ആന്ഡ്രോയ്ഡ് 6.0 മാഷ്മെല്ലോ വെര്ഷന്റെ ഫാക്ടറി ഇമേജുകള് പുറത്തുവിട്ടു. നെക്സസ് 5, നെക്സസ് 6, നെക്സസ് 7, നെക്സസ് 9, നെക്സസ് പ്ലയര് എന്നീ ആന്ഡ്രോയ്ഡ് അധിഷ്ഠിത ഡിവൈഡുകള്ക്കായുള്ള മാഷ്മെല്ലോ ഫാക്ടറി ഇമേജുകളാണ് ഗൂഗിള് പുറത്തുവിട്ടത്.
ഈ നീക്കത്തോടൊപ്പം പുതിയ ആന്ഡ്രോയ്ഡ് വെര്ഷനായ ആന്ഡ്രോയ്ഡ് 6.0 മാഷ്മെല്ലോ ഓ.എസ് മേല്പ്പറഞ്ഞ ഫോണുകളില് ഇന്സ്റ്റാള് ചെയ്യാന് സഹായിക്കുന്ന ഓണ്-ദ-എയര് (ഒ.ടി.എസ്) അപ്ഡേറ്റ് ഏതാനും ദിവസത്തിനകം നല്കിത്തുടങ്ങുമെന്നും ഗൂഗിള് വ്യക്തമാക്കിയിട്ടുണ്ട്. ഗൂഗിളിന്റെ ഈ പ്രഖ്യാപനത്തെത്തുടര്ന്ന സാംസങ്ങ്, എച്ച്ടിസി, മോട്ടറോള തുടങ്ങിയ സ്മാര്ട്ട് ഫോണ് നിര്മ്മാതാക്കളും മാഷ്മെല്ലോ അപ്ഡേറ്റ് വരുന്ന ആഴ്ചകളില് ലഭ്യമാക്കിത്തുടങ്ങാനുള്ള നീക്കങ്ങള് ആരംഭിച്ചിട്ടുണ്ട്.
ആപ്പ് പെര്മിഷനുകള്, മികച്ച വെബ് എക്സ്പീരിയന്സ്, ആപ്പ് ലിങ്ക്സ്, മൊബൈല് പെയ്മെന്റ്, ഫിംഗര് പ്രിന്റ് സപ്പോര്ട്ട്, പവര് ചാര്ജിംഗ് & ഓപ്റ്റിമൈസേഷന് എന്നിവയ്ക്ക് പ്രാധാന്യം നല്കുന്ന പുതിയ ആന്ഡ്രോയ്ഡ് വെര്ഷന് 'ആന്ഡ്രോയ്ഡ് പേ' പേയ്മെന്റ് സര്വീസിനെയും പിന്തുണയ്ക്കും. ഗൂഗിള് പുറത്തിറക്കിയ മാഷ്മല്ലോ ഫാക്ടറി ഇമേജുകള് ഗൂഗിള് ഡവലപ്പര് പോര്ട്ടലില് നിന്നും ഡൗണ്ലോഡ് ചെയ്തെടുക്കാം.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.